كاسىپكەرلىك اياسى كەڭەيىپ كەلەدى

كەز كەلگەن ءىستى باستاۋ ءۇشىن باستاپقى كاپيتال قاجەت. ال بانك­تەردەن نەسيە الۋ اۋىل كاسىپ­كەرلەرى ءۇشىن ءىس جۇزىندە وڭاي ەمەس. دەسەك تە وبلىس ورتالىعىنان 350 شاقىرىم قاشىقتىقتاعى قىزىلقوعا اۋدانىندا دا كاسىپكەرلىك قانات جايا باستادى. كاسىپكەرلەر مەن كاسىپ اشۋعا ىنتا تانىتۋشىلار 2013-2015 جىلدارى 1338,6 ملن تەڭگەنىڭ نەسيەسىمەن قارجىلاندىرىلدى. سوڭعى ءۇش جىلدا اۋدان بويىنشا 80 كاسىپكەرلىك نىسان (ناۋبايحانا, جىلىجاي, ساۋدا ورنى, قىزمەت كورسەتۋ ورىندارى جانە ت.ب.) ىسكە قوسىلىپ, 161 جاڭا جۇمىس ورنى اشىلدى. قازىر اۋداندا 1223 بيزنەس سۋبەكتىسى رەسىمدەلگەن. اعىمداعى جىلدىڭ 7 ايىندا ءارتۇرلى باعدارلامالار ارقىلى 38 جوبا جۇزەگە استى. 103,4 ملن تەڭگە نەسيەگە قول جەتكىزىلدى. وسى جىلى ىسكە قوسۋ جوسپارلانعان 31 كاسىپكەرلىك نىساننىڭ 12-ءى ىسكە قوسىلىپ, بيزنەستەرىن جۇرگىزۋدە. اۋداندا كاسىپكەرلىكتى دامىتۋدىڭ كارتاسى جاساقتالىپ, وسى كارتادا ءار اۋىلدىق وكرۋگتەگى اشىلاتىن بيزنەس ورىندارى ناقتى جوسپارلانعان. «اۋىل شا­رۋاشىلىعىن قارجىلاي قولداۋ قورى» اق ارقىلى نەسيە الىپ, كاسىبىن دوڭگەلەتىپ وتىر­عان 7 ناۋبايحانا قىزمەتى نان جانە نان ونىمدەرىمەن قاتار ءارتۇرلى تورتقا تاپسىرىس­تار قابىل­داسا, م.ابىشەۆا باسقاراتىن «نازگ ۇلىم» شارۋا قوجالىعىنىڭ شاعىن ەت ونىمدەرى تسەحى كوتلەت, فريكادەلكي, تۇشپارا جاساپ, تۇتىنۋشىعا ۇسىنۋدا. جەكە كاسىپكەرلەر ن.مولداعاليەۆا مەن ە.وڭعارباەۆ اشقان جيھاز جاساۋ تسەحتارى قازىرگى زامانعا لايىق جاڭا قۇرال-جابدىقتارمەن قامتىلىپ, ونىمدەرى جوعارى سۇرانىسقا يە بولىپ وتىر. پلاستيكالىق تسەح اشۋ ءۇشىن نەسيەمەن قارجىلاندىرىلعان جەكە كاسىپكەرلەر ە.جۇماگەرەەۆ, ق.بەركاليەۆ, س.ماڭعىباەۆ ءوز جوبالارىن ىسكە قوسىپ, جەرگىلىكتى حالىقتىڭ تاپسىرىسىن قامتاماسىز ەتۋدە. سونداي-اق ميالى اۋىلىنان جەكە كاسىپكەر و.ءنۇرادينوۆتىڭ قىزمەت كورسەتۋ ورتالىعى 20 ورىندىق اسحانا, شاشتاراز, تىگىن تىگۋ سياقتى شاعىن قىزمەت تۇرلەرىن قولعا السا, ساعىز اۋىل­ىندا جەكە كاسىپكەر ا.تايشىباەۆانىڭ ساۋدا ورتالىعى ىسكە قوسىلىپ, 15 ساۋدا جاساۋشىلار وسى جەردەن ءوز كاسىپتەرىن جاساۋدا. حالىققا مونشا, شاشتاراز, ءسان سالوندارى قىزمەتتەرىن كورسەتۋدە. ماسەلەن, ق,ايتۋعانوۆتىڭ 20 ورىندىق «مونشا جانە شاشتاراز», ا.قاۋاشەۆانىڭ «مونشا اشۋ», ج.بۋزوۆانىڭ «سۇلۋ­لىق سالونى» جوبالارىنا ينفرا­قۇرىلىم تارتۋعا نەسيە قارجىسى بولىنسە, تاعى ءبىر كاسىپ­كەر ل.ساحيەۆانىڭ «تۇرمىستىق قىز­مەت كورسەتۋ ورنىن اشۋ» جوباسى تىگىن, شاشتاراز, پەردە جانە جاليۋز تىگۋ قىزمەتتەرىن قامتىپ وتىر. اۋىل حالقىنا ءتىس دارىگەرلىك قىز­مە­تىن كورسەتۋدە جەكە كاسىپكەرلەر ا.نۇرادينوۆا, ا.ساريەۆ زا­ماناۋي جاڭا قۇرال-جابدىقتار السا, س.اجايىپوۆ جوبالىق قۇنى 10,0 ملن تەڭگەلىك «اقنيەت» ءتىس ەمحاناسى جوباسىن ىسكە قوستى. «نۇرلى جول» باعدارلاماسى اياسىندا كۇردەلى جوندەۋى باس­­تالعان اقتوبە – اتىراۋ – استراحان رەسپۋبليكالىق ماڭى­زى بار تاس جول اۋدان اۋماعىنان وتەدى. وسى جولدىڭ بويى­نان بيزنەس نىساندارىن اشۋ جوسپارىنا سايكەس مۇقىر اۋىلى­نىڭ جامانسور ەلدى مەكەنىنەن گ.جولامانوۆانىڭ «اعاتاي» شايحاناسى, ساعىز اۋىلىنان جەكە كاسىپكەر امىرشە نۇرلى­بەكتىڭ «اليحان» قوناقۇيى جانە شايحاناسى ىسكە قوسىلىپ, جولاۋشىلارعا قىزمەت كورسەتۋدە. وسى جول بويىنان اشىلعان مۇقىر اۋىلىنان س.وڭعاربايدىڭ «تەگەرشىك جاماۋ ورنىن اشۋ» جوباسى دا قارجىلاندىرىلعان بولاتىن. سونىمەن قاتار وبلىستىق ماڭىزى بار قۇلسارى-بەينەۋ تاس جولى بويىنداعى تاسقۇدىق ەلدى مەكەنىنەن جەكە كاسىپكەر ك.بيجانوۆانىڭ جوباسى دا جۇمىسىن باستادى. بۇرىن قولعا الىنباعان كاسىپتىڭ ءبىرى – جاڭا تەحنولوگيامەن ىسكە قوسىلعان 4 جىلىجاي حالىقتى كوكونىسپەن قامتۋدا ءوز ۇلەستەرىن قوسىپ وتىر. بولاشاقتا ميالى اۋىلىنان رەپە­تي­تورلىق ورتالىق, تاسشاعىل اۋىلىنان «جانار-جاعارماي بەكەتىن اشۋ», قاراباۋ اۋىلىنان «قۇس ءوسىرۋ» جوباسى, ميالى اۋىلىنان «بالالارعا ارنالعان تاعامدار ساتۋ» دۇكەنى, «مەيرامحانا جانە گيپەرماركەت» جوبالارىن ىسكە قوسۋ جوس­پارلانىپ وتىر. زينەش ساربۋفەەۆا, قىزىلقوعا اۋداندىق كاسىپكەرلىك ءبولىمىنىڭ باسشىسى اتىراۋ وبلىسى