اۋلاداعى اپيىن

بۇل ەسىرتكىگە ەلىتۋشىلىك نە ىستەتپەيدى دەرسىز. بۇدان قىرۋار پايدا تاۋىپ, قالتاسىن قالىڭ­داتىپ جۇرگەندەر قان­شاما؟ ەسىرتكى نەگىزىنەن, ەلىمىزدىڭ اۋما­عىنا ءار ءتۇرلى شىم-شىتى­رىق, بارماق باستى, كوز قىستى نەبىر قيتۇرقى جولدارمەن جەتكىزىلەتىنى دە جاسىرىن ەمەس. ورال وڭىرىندە بۇ­لاي­شا اۋرە-سارساڭعا تۇسپەي-اق, ونى ءوز ءۇيىنىڭ اۋلاسىندا ءوسى­رۋ­دى ادەت ەتكەندەر دە بار بولىپ شىق­تى. بۇل جونىندە گازەت ءتىل­شى­سىنە تەرەكتى اۋداندىق ىشكى ىستەر ءبولىمىنىڭ باسشىسى, پولي­تسيا پودپولكوۆنيگى تيمۋر ايتۋعانوۆ ايتىپ بەردى. وسى اۋدانعا قاراستى اق­سۋات اۋى­لىنىڭ تۇرعىنى ك. ءوز باق­شاسىندا قاراسورا ءوسىرىپ­تى. قاراسورا تەكتەس ءوسىم­دىك – ەسىرت­كىنىڭ ءبىر ءتۇرى ەكەنى بەل­گىلى. ول وسى ەسىرتكىلىك ءشوپ­تى كا­دىم­­­گىدەي كۇتىپ, باپتاپ, قوپ­­سى­­تىپ كەلىپتى. بۇل ارا­دان تو­عىز ءتۇپ قاراسورا تابىل­عان. «مۇرت­قا وكپەلەپ ءجۇر­گەن­دە, ساقال شىق­تى» دەگەندەي, وسى اۋدان­داعى تابىلتوبە اۋىلىن­دا­عى 62 جاس­تاعى ب. دەگەن ازامات قارا­سورا­نىڭ بىردەن 56 ءتۇبىن وسىرۋگە تاۋەكەل ەتىپتى. جايىق اۋىلىندا دا وسىنداي وقيعالار كەزدەسكەن. سونداي-اق, اۋداندا قازىرگى كۇنى ون ءتورت كيلوگرامنان اساتىن كەپتىرىلگەن اناشا تاركىلەنگەن. ەسىرتكىمەن ەنشىلەس قارا­سورا ءوسىرۋ – اۋىر قىلمىس­تار قاتارىنا كىرەدى. سوندىق­تان, وسىنداي لاس ىسپەن شۇعىل­دان­عاندارعا قاتاڭ جازا قولد­ا­نىلۋى ابدەن مۇمكىن.  تەمىر قۇسايىن, «ەگەمەن قازاقستان» باتىس قازاقستان وبلىسى تەرەكتى اۋدانى