پان گي مۋن,
بۇۇ باس حاتشىسى:
– مەن پرەزيدەنت مىرزاعا ونىڭ كورەگەن باسشىلىعى مەن ادامزاتتىڭ يگىلىگى جولىندا وسى ماسەلەدەگى ەرەكشە كوشباسشىلىعى ءۇشىن ريزاشىلىعىمدى بىلدىرگىم كەلەدى.
پرەزيدەنت نازارباەۆ 1991 جىلى سەمەي سىناق پوليگونىن جاپقان كەزدە ەستىلگەن وتە كۇشتى داۋىسى بار كوشباسشى بولىپ تابىلادى. شەشىم ايتارلىقتاي كۇردەلى جاعدايلاردا قابىلداندى, بىراق ول وسىنى جاساۋعا قول جەتكىزە الدى.
باراك وباما,
اقش پرەزيدەنتى:
– نۇرسۇلتان نازارباەۆتى قۇتتىقتاپ, ونىڭ كۇنى ءبۇگىنگە دەيىن جالعاستىرىپ كەلە جاتقان قارۋسىزدانۋ سالاسىنداعى اتقارعان جەتەكشى ءرولى ءۇشىن ريزاشىلىعىمدى بىلدىرگىم كەلەدى.
وسىدان جيىرما جىل بۇرىن قازاقستان يادرولىق قارۋدان باس تارتۋ تۋرالى شەشىم قابىلدادى. بۇل ەلدىڭ ەكونوميكالىق جاعىنان دامىپ, ءوسىپ-وركەندەۋىنە جول اشتى. قازاقستان بۇكىل الەم ءۇشىن وسى باعىتتا كۇش-ءجىگەر جۇمساۋدىڭ ۇزدىك ۇلگىسىنە اينالدى. مەن سىزگە يادرولىق قارۋدان باس تارتۋ سالاسىنداعى جەتەكشى ءرولىڭىز ءۇشىن العىس ايتامىن.
يۋكيا امانو,
ماگاتە-ءنىڭ باس ديرەكتورى:
– قازاقستان كوپتەگەن ەل ءۇشىن يادرولىق قارۋسىزدانۋ سالاسىندا كوشباسشى جانە ۇلگى بولىپ تابىلادى. مەن ءسىزدىڭ ەلىڭىزدى وسى سالادا قول جەتكىزگەن وراسان زور تابىسىمەن قۇتتىقتايمىن.
قازاقستان قارۋسىزدانۋ سالاسىنداعى ءوزىنىڭ كوشباسشىلىق ءرولىن ءالى دە جالعاستىرا بەرەدى دەپ سەنەمىن.
دەريل كيمبولل,
قارۋ-جاراقتى باقىلاۋ جونىندەگى اسسوتسياتسيانىڭ ديرەكتورى (اقش):
– قازاقستان پرەزيدەنتىنىڭ سەمەي پوليگونىن جابۋ تۋرالى شەشىمى كۇنى بۇگىنگە دەيىن ءوزىنىڭ وزەكتىلىگىن جويعان جوق. قازىرگى تاڭدا ءبارىمىز دە ءدال وسى قادامنىڭ اقش سەناتىنىڭ دا نەۆادا شتاتىنداعى يادرولىق پوليگوندى ۋاقىتشا توقتاتۋ تۋرالى شەشىم قابىلداۋىنا يتەرمەلەگەنىن تۇسىنەمىز.
وسىنىڭ ارتىنشا-اق, 1993 جىلى بيلل كلينتون يادرولىق سىناقتارعا موراتوري جاريالادى. بۇل ءوز كەزەگىندە يادرولىق سىناقتارعا جاپپاي تىيىم سالۋ تۋرالى شارتتىڭ پايدا بولۋىنا الىپ كەلدى. بۇل جەردە اقيقات بىرەۋ: نۇرسۇلتان نازارباەۆتىڭ يادرولىق پوليگوندى جابۋى, شىن مانىندە, وتە ماڭىزدى جانە تاريحي وقيعا.
