ارميالار الامانى

استانادا قور­عانىس ءمينيسترى ي.تاس­ماعامبەتوۆ­تىڭ باس­شى­لىق ەتۋىمەن ارميا حالىقارالىق ويىن­دارىنىڭ قو­رىتىندىسى شىعا­رىلدى. وندا اياق­تالعان ءىس-شارا­نىڭ نەگىزگى ماسەلەلەرى قارالدى. قازاقستان رەسپۋبليكاسىنىڭ اۋماعىندا ارميا حالىقارالىق ويىندارى بايقاۋى اياقتالعاننان كەيىن وعان قاتىسۋشى ەلدەردىڭ وكىلدەرى جاسالعان جاعدايدى جانە سايىستاعى وبەكتيۆتى تورەشىلىكتى جوعارى باعالادى. «كونكۋرس باسەكەلىك جانە دوستىق جاعدايدا ءوتتى.  تورەشىلەر مەن ءىس-شارانى وتكىزۋ تۋرالى قاعيدالار جانە ەرەجەلەر جاق­سى دايىندالعان», – دەپ «مەرگەن شەبى» بايقاۋىنا قاتىستى ءۇندىستان كومانداسىنىڭ جەتەكشىسى پولكوۆنيك دج. سينگح اتاپ ءوتتى. «تورەشىلەر القاسىنىڭ جۇمىسى جوعارى دەڭگەيدە ۇيىمداستىرىلدى. قازاقستاندىق تورەشىلەر سايىسقا تۇسكەن كوماندالارعا قازىلىق جاساعان كەزدە ادىلدىگىن پاش ەتتى. ويىندار قاي جاعىنان الىپ قاراعاندا دا جوعارى دەڭگەيدە ۇيىمداستىرىلدى», دەدى توپ باستىعى, بەلارۋس رەسپۋبليكاسى بولىمشەسىنىڭ كومانديرى پودپولكوۆنيك ب.براتسين. وزگە ەلدەردىڭ وكىلدەرى دە وزدەرىنىڭ جىلى لەبىزدەرىن ءبىلدىردى. ماسەلەن, ولاردىڭ قاتارىندا گرەكيا قارۋلى كۇشتەرىنىڭ وكىلى, اعا لەيتەنانت ف.پاۆلوس, موڭعوليا كومانداسىنىڭ جەتەكشىسى پولكوۆنيك ب.حادبااتار, قىرعىز رەسپۋبليكاسى كومانداسىنىڭ باسشىسى پولكوۆنيك ب.جۋنۋساليەۆ, ت.ب. بار. «ارتيللەريالىق وق اتۋ شەبەرلەرى» مەن «مەرگەن شەبى» بايقاۋلارى­نىڭ جەڭىمپازدارىن ماراپاتتاۋ قازاقستاننىڭ «گۆاردەيسك» پوليگونىندا وتكەنىن ەستەرىڭىزگە سالا كەتەيىك. وتاردا ارميا حالىقارالىق ويىندارى شەڭبەرىندە العاش رەت ارتيللەرياشىلار مەن مەرگەندەردىڭ بايقاۋلارى ءوتتى. 12 ەلدىڭ كوماندالارى اراسىندا ىمىراسىز باسەكە ءجۇردى. 278 اسكەري قىزمەتشى فيزيكالىق كۇش پەن توزىمدىلىك, كاسىپقويلىق پەن اسكەري شەبەرلىك باعىتتارىندا باق سىناستى. جارىستار كۇندىزگى جانە تۇنگى ۋاقىتتاردا ءوتتى. كەلەسى جىلى قازاقستان ارميا حالىقارالىق ويىندارىن ءوز جەرىن­دە جاڭارتىلعان باعدارلاما بويىنشا وتكىزەتىنىن ايتا كەتەيىك.  اسكەري پوليگوندارىمىزدىڭ اۋماعىندا العاش رەت 5 بايقاۋ وتەتىن بولادى. ونىڭ 3-ەۋى – ءپىشىمى مەن قاتىسۋشىلارى تۇرعىسىنان تىڭ, جاڭا سايىس­تار. العاش رەت ارميا حالىقارالىق ويىندارىنىڭ باعدارلاماسىنا بروندالعان اۆتوماشي­نالارداعى راللي, ۇلتتىق ۇلان اسكەر­لەرىنىڭ كونكۋرسى, سونداي-اق ايەل اسكەري قىزمەتشىلەرگە ارنالعان ارنايى بايقاۋ – كوپسايىس قوسىلادى. «ەگەمەن-اقپارات»