«ادميرالدى» جەڭىپ الدى

اقتاۋ تەڭىز پورتىندا ارميا حالىقارالىق ويىندارى شەڭبەرىندە ماحاچكالادا تەڭىز بياتلونى بويىنشا سايىستا ەكىنشى ورىندى ەنشىلەگەن «سارىارقا» جانە «ورال» زىمىران ارتيللەريالىق كەمەلەرىنىڭ ەكيپاجدارىن سالتاناتتى تۇردە قارسى الۋ ءراسىمى بولدى.  قازاقستان رەسپۋبليكاسى اسكەري-تەڭىز كۇشتەرىنىڭ كەمەلەرى رەسەي فەدەراتسياسىنىڭ سۋ ايدىنىندا جەڭىپ العان «ادميرال» كاتەرىمەن ورالدى. بىلتىر قازاقستاننىڭ تەڭىزشىلەرى ەكىنشى ورىندى يەلەنىپ, بل-80 كاتەرىن ۇتىپ العانىن ايتا كەتەيىك. تەڭىزشىلەردى سالتاناتتى قارسى الۋ قر قك اتك تۋىنىڭ كوتەرىلگەن كۇنىنىڭ 20 جىلدىعىمەن اتاپ ءوتىلدى. اسكەري تەڭىزشىلەر ءۇشىن بۇل كۇن اتاۋ­لى داتالاردىڭ ءبىرى بولىپ تابىلادى. وسى كۇنگە وراي, سوعىس, قارۋلى كۇشتەر ارداگەرلەرى, وقۋشىلار مەن ستۋدەنتتەر ءۇشىن 29011 اسكەري بولىمىندە ەكسكۋرسيا ۇيىمداستىرىلىپ, جاڭا اسكەري تەحنيكالار كورسەتىلدى. «اسكەري-تەڭىز كۇشتەرىنىڭ جەكە قۇرامى كاسپي تەڭىزىندە اسكەري-تەڭىز تۋىن ءارى قاراي ابىرويمەن كوتەرۋدى جالعاستىرىپ, وزدەرىنىڭ الدىنا قويىلعان وقۋ جانە جاۋىنگەرلىك تاپسىرمالاردى ورىنداۋ ءۇشىن بارلىق كۇش-جىگەرلەرىن سالاتىنىنا  كامىل سەنىمدىمىن. اسكەري-تەڭىز تۋى كوتەرىلۋىنىڭ 20 جىلدىعىمەن تاعى ءبىر مارتە قۇتتىقتاپ, ءداستۇر بويىنشا ساپارلارىڭىز ءساتتى بولسىن», – دەپ زاپاستاعى كونتر-ادميرال كەنجەمەرگەن ابىكەەۆ ءوزىنىڭ لەبىزىن ءبىلدىردى. 20 جىل بۇرىن اقتاۋ قالاسىنىڭ 4-ءشى شاعىن اۋدانىندا 1-دارەجەلى كاپيتان ر.يسلاموۆ تاۋەلسىز قازاقستاننىڭ اسكەري-تەڭىز تۋىن العاش رەت كوتەرگەنىن ەستەرىڭىزگە سالا كەتەيىك. «ەگەمەن-اقپارات»