ءوندىرىستى ءوڭىر ءورىسى

ۇكىمەت باسشىسى قاراعاندى وبلىسىنا جۇمىس ساپارى اياسىن­دا وڭىردەگى مەتاللۋرگيا سالاسىنىڭ دامۋ الەۋەتىن باعالادى. پرەمەر-مينيستر كارىم ءما­سىموۆ­كە «قازاقمىس كورپورا­تسيا­سى» جشس باسقارما توراعاسى باق­تيار قىرىقپىشەۆ كومپانيانىڭ قۇ­رى­­لىم­دىق بولىمشەلەرىنىڭ جانە ءتۇس­تى مەتال­­لۋرگيانىڭ الەمدىك نارىق­تا­عى ءجا­نە ەلىمىزدەگى الەۋەتى جونىندە باياندادى. وتكەن جىلى كورپوراتسيانىڭ ءبو­لىم­­شەلەرى, سونىڭ ىشىندە جەزقازعان مىس قورىتۋ زاۋىتى شامامەن 223 مىڭ توننا كاتودتى مىس ءوندىردى, بۇل – جوس­­پار­داعى كورسەتكىشتەن 3 پايىزعا ار­­تىق. الەمدىك ەكونوميكانىڭ قيىن­د­ى­عى­­نا, سۇرانىس پەن باعانىڭ تومەن­دى­گى­­نە قاراماستان, كاسىپورىن توبى مىس ءون­دىرىسىن 2014-2015 جىلداردىڭ كولەمى­مەن بىردەي دەڭگەيدە ۇستاپ تۇرۋعا نيەتتى. 2016 جىلدىڭ العاشقى جارتى­جىل­دىعىندا كورپوراتسيا بولىمشە­لەرى 111 مىڭ توننا كاتودتى مىس ءون­دىر­دى, بۇل وتكەن جىلدىڭ سايكەس كەزە­ڭى­مەن سالىستىرعاندا 8 پايىزعا ار­تىق. قازىرگى تاڭدا كاسىپورىن ەسكى تەح­نو­لو­گيا­لار – پيرومەتاللۋرگيانى (ەلەك­تر بال­قىتۋ) قولدانۋ ارقىلى مىس وندىرەدى. مۇنىمەن قاتار, تومەنگى سۇرى­پ­تالعان گيدرومەتاللۋرگيالىق قاي­تا وڭدەۋ شيكىزاتى ارقىلى كاتود­تى مىس الۋ ءۇشىن سىناق جۇمىستارىن جۇرگىزەدى. كومپانيا قازاقستاندا مىس كون­تسەنتراتىن ءوندىرۋ بويىنشا ەكى گيدرومەتاللۋرگيا زاۋىتىن سالۋدى جوسپارلاپ وتىر. ءوز كەزەگىندە قاراعاندى وبلىسى­نىڭ اكىمى ن.ابدىبەكوۆ پرەمەر-مينيسترگە جەزقازعان ءوڭىرىن الەۋ­مەتتىك-ەكونوميكالىق دامىتۋدىڭ كەشەندى جوسپارىن جۇزەگە اسىرۋ جونىندە ەسەپ بەردى. ونىڭ سوزىنە قارا­عان­­دا, 2020 جىلعا دەيىن وندىرىستىك كاسىپورىنداردى جوندەۋدەن ءوت­كىزۋ, ينفراقۇرىلىم قۇرىلىسى, گەو­لو­گيا­لىق بارلاۋ جۇمىستارى جونىندە 88 ءىس-شارا وتكىزۋ كوزدەلىپ وتىر ەكەن. قازىرگى ۋاقىتتا 28 ءىس-شارا اياقتالىپ, وسى جىلى تاعى 7 جوبا جۇزەگە اسىرىلادى. سونداي-اق, جۇمىس ساپارىنىڭ اياسىندا كارىم ءماسىموۆ جەزقازعاندا ءسۇت ونىمدەرىن وڭدەۋدىڭ جاڭا تەحنولو­گيالارىمەن تانىستى. مامانداندىرىلعان ازىق-ت ۇلىك وندىرەتىن «BAYAN كومپا­نيا­سى» جشس جاڭا كەشەنى يندۋستريا­لاندىرۋ كارتاسى اياسىندا وتكەن جىلدان باستاپ جۇمىس جاساي باستا­دى. قازىرگى تاڭدا تسەح ايرىقشا تەحنو­لوگيا بويىنشا ازىرلەنەتىن 48 توننا سۇزبە ءونىمىن شىعارادى. سونداي-اق, كومپانيا دارۋمەن قوسىلعان ءسۇت جانە شىرىن ءوندىرىسىن جولعا قويعان. سەرىكتەستىكتىڭ باس ديرەكتورى ا.ىسقاقوۆا ۇكىمەت باسشىسىنا ءونىم­دەر­دىڭ نەگىزگى بولىگى جەرگىلىكتى ءتۇس­تى مەتال­لۋرگيا كاسىپورىندارىنا ءوت­كى­­زى­لەتىنىن, ال قالعان كولەمى جەز­قاز­­عان, ساتباەۆ قالالارىنا جانە ۇلى­تاۋ اۋدانىنىڭ ەلدى مە­كەن­­­دەرىن­­دەگى دۇكەن سورەلەرىنە جىبە­رى­لەتىنىن مالىمدەدى. سونداي-اق, كارىم ماسىموۆكە ازىق-ت ۇلىك ءوندىرىسى بويىن­شا تەحنولوگيالىق جەلىلەر جۇمى­سى تانىستىرىلىپ, كاسىپورىندا شىعا­رى­لاتىن ءونىمنىڭ ءتۇر-ءتۇرى كورسەتىلدى. قاراعاندى وبلىسى اكىمىنىڭ ورىن­­باسارى ع.جۇماسۇلتانوۆتىڭ ءمالى­مەتىن­شە, وتكەن جىلى ءوڭىردىڭ اۋىل شارۋا­شىلىعى كاسىپورىندارى 162,9 ملرد تەڭگەنىڭ ءونىمىن شىعارعان. وبلىستا 127,1 مىڭ توننا ەت, 403,6 مىڭ توننا ءسۇت, 624,5 ملن دانا جۇمىرتقا جانە 2 مىڭ توننادان استام ءجۇن ءوندىرىلىپتى. ايماقتىق يندۋستريالاندىرۋ كارتاسىنا جالپى قۇنى 25 ملرد تەڭگە بولاتىن اگروونەركاسىپ كەشەنىنىڭ 10 ينۆەستيتسيالىق جوباسى كىرەدى. جاڭا جوبالاردى ىسكە قوسۋ 925 جۇمىس ورنىن قۇرۋعا مۇمكىندىك بەرەدى. ايدار ورىسباەۆ, «ەگەمەن قازاقستان» قاراعاندى وبلىسى