قازاقستان رەسپۋبليكاسىنىڭ بىرىككەن اراب امىرلىكتەرىندەگى ەلشىسى قايرات لاما ءشارىپ امىرلىكتەردە اككرەديتتەلگەن ديپلوماتيالىق كورپۋس, سىرتقى ىستەر مينيسترلىگى, كومپانيالار مەن حالىقارالىق ۇيىمدار جانە بۇقارالىق اقپارات قۇرالدارىنا ارناپ بريفينگ وتكىزدى.
بريفينگتىڭ نەگىزگى ماقساتى شاقىرىلعانداردى قازاقستان رەسپۋبليكاسىنىڭ حالىقارالىق ساحناداعى وزەكتى باستامالارىمەن تانىستىرۋ بولدى. قازاقستاندىق ديپلومات بريفينگكە قاتىسۋشىلارعا قازاقستان پرەزيدەنتى نۇرسۇلتان نازارباەۆتىڭ 2016 جىلعى ساۋىردە ۆاشينگتوندا وتكەن يادرولىق قاۋىپسىزدىك جونىندەگى سامميت شەڭبەرىندە ۇسىنعان «الەم. ءححى عاسىر» جالپى الەمدىك دامۋدىڭ جاھاندىق ستراتەگياسى بويىنشا باستاماسى تۋرالى ەگجەي-تەگجەيلى حابارلادى.
عالامدىق قاۋىپسىزدىك پروبلەماتيكاسى الەمدىك قوعامداستىقتىڭ الدىندا بۇرىن-سوڭدى بولماعان ماڭىزعا يە جانە قازاقستان پرەزيدەنتى ءوزىنىڭ مانيفەسىندە جاھاندىق بەيبىتشىلىك پەن قاقتىعىستاردى رەتتەۋگە جەتۋ ءۇشىن نەگىزگى قادامداردى بەلگىلەدى. بريفينگتە ەلشىلىك تاراپىنان اراب جانە اعىلشىن تىلدەرىندە شىعارىلعان «مانيفەست: الەم. ءححى عاسىر» بروشيۋراسى ۇسىنىلدى.
بۇل جەردە ەلشى نەگىزگى ماقساتى ازاماتتىق قوعام مەن ۇكىمەتتىك ەمەس جانە جاستار ۇيىمدارىن يادرولىق قارۋدى سىناۋدى توقتاتۋ جانە يادرولىق قارۋدى سىناۋعا جاپپاي تىيىم سالۋ تۋرالى شارتتىڭ تەزىرەك كۇشىنە ەنۋىنە جاردەمدەسۋگە تارتۋ بولىپ تابىلاتىن مەملەكەت باسشىسىنىڭ – اتوم جوباسى (Abolish Testing. Our Mission) باستاماسىنىڭ بەلسەندى ىسكە اسىپ جاتقانىن اتاپ ءوتتى.
ق.لاما ءشارىپ قازاقستاننىڭ قاۋىپسىز الەم قۇرۋداعى بەلسەندى ۇستانىمى الەمدىك قوعامداستىق تاراپىنان مويىندالىپ, قولداۋعا يە بولعانىن حابارلادى. مۇنىڭ مىسالى رەتىندە سەمەي پوليگونىنىڭ جابىلۋى مەن قازاقستاندا ماگاتە تۋى استىندا تومەن بايىتىلعان يادرولىق وتىن بانكىن قۇرۋدى ايتۋعا بولادى.
سونىمەن قاتار, ەلشى بريفينگكە قاتىسۋشىلارعا ۇستىمىزدەگى جىلعى 29 تامىزدا استانادا سەمەي يادرولىق پوليگونىنىڭ جابىلۋىنىڭ 25 جىلدىعىنا ارنالعان «يادرولىق قارۋسىز الەم قۇرۋ» تاقىرىبىنداعى حالىقارالىق كونفەرەنتسيا وتەتىنىن جانە وعان بەدەلدى ساياساتكەرلەر, عالىمدار مەن قوعام قايراتكەرلەرىنىڭ قاتىساتىنىن حابارلادى.
قازاقستاندىق ديپلومات شەت مەملەكەتتەر ەلشىلەرىنە ءۇستىمىزدەگى جىلعى ماۋسىمدا وتكەن 2017-2018 جىلدارعا بۇۇ قاۋىپسىزدىك كەڭەسىنىڭ تۇراقتى ەمەس مۇشەسىن سايلاۋدا قازاقستاننىڭ كانديداتۋراسىنا قولداۋ كورسەتكەندەرى ءۇشىن العىسىن ءبىلدىردى.
بريفينگتىڭ سوڭىندا ءىس-شاراعا قاتىسۋشىلارعا قازاقستان رەسپۋبليكاسىنىڭ سىرتقى ساياسي باستامالارىنا ارنالعان اقپاراتتىق-يميدجدىك ماتەريالدار تاراتىلدى.
«ەگەمەن-اقپارات»
سوڭعى جاڭالىقتار
تۇلعا • كەشە
اۋا رايى • كەشە
يران ورمۇز بۇعازىن قايتا جاپتى
الەم • كەشە
يران اۋە كەڭىستىگىن ءىشىنارا اشتى
الەم • كەشە
ءال-فارابي داڭعىلىندا جول ەرەجەسىن ورەسكەل بۇزعاندار ۇستالدى
ايماقتار • كەشە
جەردە ماگنيتتىك داۋىل باستالدى
وقيعا • كەشە
