قازاقستاندىق شاحماتشى دينارا سادۋاقاسوۆا 20 جاسقا دەيىنگى جاستار اراسىندا ءۇندىستاننىڭ بحۋۆانەسۆارە قالاسىندا وتكەن الەم چەمپيوناتىندا باس جۇلدەنى جەڭىپ الدى. وسى دودادا ول ايەلدەر اراسىنداعى گروسسمەيستەر جانە شاحماتتان حالىقارالىق شەبەر اتاندى. بۇل اتاقتار الەم چەمپيونى اتانعان شاحماتشىعا بەرىلەدى.
جاستار اراسىندا الەم چەمپيونى اتانۋ دينارانىڭ بالا كەزدەن بەرگى ارمانى ەدى. ويتكەنى, ول بۇعان دەيىن جاستار اراسىنداعى الەمدىك شاحماتتىڭ ءتاجىن باسىنا ولشەپ كورگەن ەمەس. ول 2010, 2012 جانە 2014 جىلدارى ءۇش دۇركىن الەم چەمپيونى بولعان. سول كەزدەرى شاحماتشى قىز 14, 17 جانە 18 جاسقا دەيىنگى ءجاسوسىپرىمدەر اراسىندا وتكەن الەم بايگەسىن عانا جەڭىپ العان بولاتىن. ال وسى جولعى دينارانىڭ چەمپيوندىق اتاعى تىپتەن ەرەكشە. بۇل اتاق شاحماتشىعا ايەلدەر اراسىنداعى گروسسمەيستەر اتانىپ, فيدە تىزىمىندەگى رەيتينگىن كوتەرىپ, جارىسىن وزىنەن ۇلكەن شاحماتشىلار اراسىندا جالعاستىرۋعا مۇمكىندىك بەرەدى.
بيىلعى چەمپيوناتقا 57 شاحماتشى قاتىستى. دينارا وسىلاردىڭ اراسىنان قارا ءۇزىپ شىعىپ, 13 تۋردا 9,5 بالل جينادى. بۇل جەڭىسىنە دينارا سادۋاقاسوۆا كوپ ۋاقىت دايىندالدى. بيىلعى جىلدىڭ ءساۋىر, ماۋسىم ايلارىندا دۋباي مەن تاشكەنت قالالارىندا وتكەن ازيا ۇلتتارى كۋبوگى مەن ازيا چەمپيوناتىنا قاتىسىپ, باق سىنادى. سونىڭ بىرىنشىسىندە – قولا, ەكىنشىسىندە كۇمىس مەدالدى جەڭىپ الدى. ال بىلتىر ارمەنيانىڭ ەرەۆان قالاسىندا وتكەن ەۋروپا ۋنيۆەرسيتەتتەرى اراسىنداعى قۇرلىق كلۋبتىق چەمپيوناتىندا باس ءجۇلدەنى يەلەندى. سول جىلى دۋشانبەدە ورتالىق ازيانىڭ ايەلدەر اراسىنداعى چەمپيونى اتاندى.
دينارا العاشقى كەزدە استاناداعى ح.وماروۆ اتىنداعى شاحمات كلۋبىندا بەس جاسىنان باستاپ ءتالىم الىپ, كەيىن سونىمەن قاتار, مۋزىكا مەكتەبىنىڭ فورتەپيانو سىنىبىن ۇزدىك اياقتاپ, كوركەم گيمناستيكامەن شۇعىلدانعان. وسى ءبىلىم ورداسىن دا ۇزدىك ديپلوممەن ءبىتىرىپ شىققان. بىراق ونىڭ شاحماتتاعى جاتتىقتىرۋشىسى ولگا چەرەپانوۆا ديناراعا: «شاحمات پەن گيمناستيكانىڭ بىرەۋىن تاڭداعانىڭ دۇرىس», دەگەننەن كەيىن, ول گيمناستيكانى ءبىرجولا قويىپ كەتەدى. بۇل دا ءبىر جاعىنان دۇرىس بولعان شىعار.
قالاي دەگەنمەن, ءبىزدىڭ كوز الدىمىزدا الا تاقتا ونەرىنىڭ جارىق جۇلدىزدارى ءوسىپ كەلەدى. بۇل قاتارعا دينارا سادۋاقاسوۆادان باسقا گ ۇلىسحان ناقباەۆا, ءمادينا داۋلەتباەۆا, گۇلميرا ءداۋلەتوۆا, جانسايا ابدىمالىك, ءبيبىسارا اساۋباەۆا سياقتى تالانتتى قىزداردى جاتقىزۋعا بولادى. ولاردىڭ ءبارى جاس بولسا دا, ەلىمىزدىڭ اتاق-داڭقىن الەمگە تانىتىپ, شاحماتتىڭ دامۋىنا ەلەۋلى ۇلەس قوسىپ ءجۇر.
داستان كەنجالين,
«ەگەمەن قازاقستان»
قازاقستاندىق شاحماتشى دينارا سادۋاقاسوۆا 20 جاسقا دەيىنگى جاستار اراسىندا ءۇندىستاننىڭ بحۋۆانەسۆارە قالاسىندا وتكەن الەم چەمپيوناتىندا باس جۇلدەنى جەڭىپ الدى. وسى دودادا ول ايەلدەر اراسىنداعى گروسسمەيستەر جانە شاحماتتان حالىقارالىق شەبەر اتاندى. بۇل اتاقتار الەم چەمپيونى اتانعان شاحماتشىعا بەرىلەدى.
جاستار اراسىندا الەم چەمپيونى اتانۋ دينارانىڭ بالا كەزدەن بەرگى ارمانى ەدى. ويتكەنى, ول بۇعان دەيىن جاستار اراسىنداعى الەمدىك شاحماتتىڭ ءتاجىن باسىنا ولشەپ كورگەن ەمەس. ول 2010, 2012 جانە 2014 جىلدارى ءۇش دۇركىن الەم چەمپيونى بولعان. سول كەزدەرى شاحماتشى قىز 14, 17 جانە 18 جاسقا دەيىنگى ءجاسوسىپرىمدەر اراسىندا وتكەن الەم بايگەسىن عانا جەڭىپ العان بولاتىن. ال وسى جولعى دينارانىڭ چەمپيوندىق اتاعى تىپتەن ەرەكشە. بۇل اتاق شاحماتشىعا ايەلدەر اراسىنداعى گروسسمەيستەر اتانىپ, فيدە تىزىمىندەگى رەيتينگىن كوتەرىپ, جارىسىن وزىنەن ۇلكەن شاحماتشىلار اراسىندا جالعاستىرۋعا مۇمكىندىك بەرەدى.
بيىلعى چەمپيوناتقا 57 شاحماتشى قاتىستى. دينارا وسىلاردىڭ اراسىنان قارا ءۇزىپ شىعىپ, 13 تۋردا 9,5 بالل جينادى. بۇل جەڭىسىنە دينارا سادۋاقاسوۆا كوپ ۋاقىت دايىندالدى. بيىلعى جىلدىڭ ءساۋىر, ماۋسىم ايلارىندا دۋباي مەن تاشكەنت قالالارىندا وتكەن ازيا ۇلتتارى كۋبوگى مەن ازيا چەمپيوناتىنا قاتىسىپ, باق سىنادى. سونىڭ بىرىنشىسىندە – قولا, ەكىنشىسىندە كۇمىس مەدالدى جەڭىپ الدى. ال بىلتىر ارمەنيانىڭ ەرەۆان قالاسىندا وتكەن ەۋروپا ۋنيۆەرسيتەتتەرى اراسىنداعى قۇرلىق كلۋبتىق چەمپيوناتىندا باس ءجۇلدەنى يەلەندى. سول جىلى دۋشانبەدە ورتالىق ازيانىڭ ايەلدەر اراسىنداعى چەمپيونى اتاندى.
دينارا العاشقى كەزدە استاناداعى ح.وماروۆ اتىنداعى شاحمات كلۋبىندا بەس جاسىنان باستاپ ءتالىم الىپ, كەيىن سونىمەن قاتار, مۋزىكا مەكتەبىنىڭ فورتەپيانو سىنىبىن ۇزدىك اياقتاپ, كوركەم گيمناستيكامەن شۇعىلدانعان. وسى ءبىلىم ورداسىن دا ۇزدىك ديپلوممەن ءبىتىرىپ شىققان. بىراق ونىڭ شاحماتتاعى جاتتىقتىرۋشىسى ولگا چەرەپانوۆا ديناراعا: «شاحمات پەن گيمناستيكانىڭ بىرەۋىن تاڭداعانىڭ دۇرىس», دەگەننەن كەيىن, ول گيمناستيكانى ءبىرجولا قويىپ كەتەدى. بۇل دا ءبىر جاعىنان دۇرىس بولعان شىعار.
قالاي دەگەنمەن, ءبىزدىڭ كوز الدىمىزدا الا تاقتا ونەرىنىڭ جارىق جۇلدىزدارى ءوسىپ كەلەدى. بۇل قاتارعا دينارا سادۋاقاسوۆادان باسقا گ ۇلىسحان ناقباەۆا, ءمادينا داۋلەتباەۆا, گۇلميرا ءداۋلەتوۆا, جانسايا ابدىمالىك, ءبيبىسارا اساۋباەۆا سياقتى تالانتتى قىزداردى جاتقىزۋعا بولادى. ولاردىڭ ءبارى جاس بولسا دا, ەلىمىزدىڭ اتاق-داڭقىن الەمگە تانىتىپ, شاحماتتىڭ دامۋىنا ەلەۋلى ۇلەس قوسىپ ءجۇر.
داستان كەنجالين,
«ەگەمەن قازاقستان»
سوڭعى جاڭالىقتار
تۇلعا • كەشە
اۋا رايى • كەشە
يران ورمۇز بۇعازىن قايتا جاپتى
الەم • كەشە
يران اۋە كەڭىستىگىن ءىشىنارا اشتى
الەم • كەشە
ءال-فارابي داڭعىلىندا جول ەرەجەسىن ورەسكەل بۇزعاندار ۇستالدى
ايماقتار • كەشە
جەردە ماگنيتتىك داۋىل باستالدى
وقيعا • كەشە
