«مەكتەپكە جول» – مەيىرىمدىلىك جورالعىسى

ەلىمىزدىڭ ءار تۇكپىرىندە وتكىزىلىپ وتىرعان «مەيىرىمدىلىك كەرۋەنى» شاراسى اياسىندا الماتىنىڭ كىشكەنە تۇرعىندارىنا قالا اكىمدىگى مەن قازاقستان حالقى اسسامبلەياسى ۇلكەن سىي جاسادى. ءداستۇرلى «مەكتەپكە جول» اكتسياسىن قولداۋ ماق­ساتىندا وتكىزىلگەن شارا بارىسىندا قالادا تۇراتىن كوپ بالالى وتباسىلار مەن جارىمجان سابيلەردى تاربيەلەپ وتىرعان شاڭىراقتارعا, جاس­­وسپىرىمدەردى بەيىم­دەۋ ور­تالىعىنىڭ تاربيە­لە­نۋ­­شىلەرىنە ماتەريالدىق كومەك رەتىندە وقۋشىلاردىڭ مەكتەپ جابدىقتارى سىيعا بە­­رىلىپ, جەتكىنشەكتەرگە شا­­­عىن مەرەكە ۇيىمداس­تى­رىلدى. كوپ سالالى «زاڭعار» ساۋ­دا ورتالىعىنىڭ «Lumiera» كينوتەاترىندا مۋلت­فيلم تاماشالاپ, بال­مۇز­­داق پەن سۋسىنعا قارىق بول­عان جەتكىنشەكتەردىڭ قۋا­نى­شىندا شەك بولمادى. ولارعا سىيلىق جاساپ, مەرە­كەلىك كوڭىل كۇي سىيلاعان قازاق­ستان حالقى اسسامبلەياسى حات­شى­لىعىنىڭ, قالا اكىمدىگى مەن «قوعامدىق كە­لىسىم» كوم­­مۋنالدىق-مەم­لەكەتتىك مەكە­مەسى, اس­سام­بلەيا جانىن­داعى انالار كەڭەسى مەن جەكە كاسىپكەرلىك توپتاردىڭ وكىل­دەرى كەلە جاتقان جاڭا وقۋ جىلىمەن قۇتتىقتاپ, ءبىلىم ساپارىندا ساتتىلىك تىلەدى. قانات ەسكەندىر, «ەگەمەن قازاقستان» الماتى