بىرقاتار مەكەمەدە بولدى

پارلامەنت ءماجىلىسىنىڭ دەپۋتاتى, «نۇر وتان» پارتياسى فراكتسياسىنىڭ مۇشەسى اباي تاسبولاتوۆ سولتۇستىك قازاقستان وبلىسىندا كەزدەسۋلەر وتكىزدى. پەتروپاۆلدا دەپۋتات ءۇش كوپ پاتەرلى تۇرعىن ءۇيدىڭ قۇرىلىسىندا, «مۇنايماش» زاۋىتىندا, حالىقتى جۇمىسپەن قامتۋ ورتالىعىنىڭ قىزمەتتىك جاتاقحانالارىندا بولدى جانە «نۇر ءسات» بالاباقشاسىنىڭ دايىندىق جۇمىسىمەن تانىستى. «بەرەكە» شاعىن اۋدانىندا جاڭا كوپ پاتەرلى ۇيلەردى «قازاقستاننىڭ تۇرعىن ءۇي قۇرىلىس جيناق بانكى» اق تۇرعىن ءۇي قۇرىلىس جيناقتارى باعدارلاماسى شەڭبەرىندە وتكەن جىلى سالا باستادى, ولاردى پايدالانۋعا تاپسىرۋ وسى جىلعا جوسپارلانعان. ءۇيدى سالۋدىڭ مەرزىمى وتە تىعىز, سوندىقتان مەردىگەرلەرگە جۇمىستى تەزدەتۋ كەرەك, دەدى اباي تاسبولاتوۆ. سودان كەيىن دەپۋتات «مۇنايماش» زاۋىتىنىڭ جۇمىسىمەن تانىستى. كاسىپورىن مۇناي كاسىپورنى جابدىقتارىن جوبالاۋ, ازىرلەۋ جانە شىعارۋ ىستەرىنە ماماندانعان. سونداي-اق, ۇڭعىمالارعا ارنالعان قارناقتى سورعىلار مەن مۇناي ءوندىرۋ ءۇشىن قاجەتتى وزگە دە اسپاپتار شىعارادى. بۇگىن زاۋىتتا 150-گە جۋىق ادام ەڭبەك ەتۋدە, ورتاشا ەڭبەكاقى مولشەرى – 140 مىڭ تەڭگە. ونىمگە دەگەن سۇرانىس ۇلكەن, مۇندا تاجىريبەلى ماماندار جۇمىس ىستەيتىنىن «مۇنايماش» اق باسقارماسىنىڭ توراعاسى سپارتاك پۋشكارەۆ مالىمدەدى. ا.تاسبولاتوۆ كاسىپورىننىڭ جۇمىسىنا وتە جاقسى باعا بەردى, قا­زاق­ستانداعى وزىق كاسىپورىنداردىڭ ءبىرى بولىپ تابىلاتىنىن ايتتى. زاۋىتتىقتاردىڭ جالاقىسى سول­تۇستىك­قا­زاقستاندىق ولشەم بويىنشا جوعارى ەكەنىنە دە نازار اۋداردى. بۇدان باسقا, پارتيا فراكتسياسىنىڭ مۇشەسى حالىقتى جۇمىسپەن قامتۋ ورتالىعىنىڭ قوس عيماراتتان تۇرا­تىن 100 پاتەرلى جاتاقحاناسىنىڭ تۇر­عىندارىمەن كەزدەستى. ولارمەن ءبول­مەلەردى الۋ شارتتارىن تالقىلادى جانە باسقا دا ماسەلەلەرىنە نازار اۋداردى. ا.تاسبولاتوۆ قىركۇيەك ايىندا قول­دانۋعا بەرىلەتىن «نۇر ءسات» جاڭا بالا­باقشا­سىنا دا باردى. جۇمىس ساپارى بارىسىندا ءماجىلىس دەپۋتاتى پارتيانىڭ وبلىستىق في­ليالىنىڭ قوعامدىق قابىلداۋ بولمە­سىندە ازاماتتاردى قابىلدادى جانە ايماق­تىڭ پارتيا بەلسەندىلەرىمەن كەزدەس­تى, دەپ حابارلادى ءماجىلىستىڭ باسپا­سوز قىزمەتى.