«ماڭگىلىك اسپان استىندا»

ءفيلمى قىتاي حالىقارالىق كينوفەستيۆالىندە جەڭىمپاز اتاندى شىڭ­جاڭدا (قىتاي) حالىقارالىق مادەنيەت جانە كرەا­تيۆتى يندۋستريا كورمەسى اياسىندا حالىقارالىق كينوفەستيۆال ءوتتى. كينوفەستيۆال مەن شاراعا قاتىسۋشى مەملەكەتتەردىڭ مادە­نيەتى تۋرالى كورمەنى قىتاي حالىق رەسپۋب­ليكاسىنىڭ مادەنيەت مينيسترلىگى ۇيىمداستىردى. كينوفەستيۆال باعدارلاماسىندا قازىلار القاسى نازارىنا 78 فيلم ۇسىنىلدى. رەجيسسەر باقىت قايىر­بەكوۆتىڭ «ماڭگىلىك اسپان استىندا» اتتى عىلىمي-تانىمدىق ءفيلمى «يننو­ۆاتسيالىق جوبا» اتالىمى بويىن­شا جوعارى ماراپاتقا يە بولىپ, قىتاي حالىق رەسپۋبليكاسى مادە­نيەت مينيسترلىگىنىڭ جۇلدەسىن الدى. ەسكە سالا كەتسەك, «ماڭگىلىك اس­پان استىندا» ءفيلمىن قازاقستان رەسپۋبليكاسى مادەنيەت جانە سپورت مينيسترلىگىنىڭ تاپسىرىسى بويىنشا قازاق عىلىمي-زەرتتەۋ مادەنيەت ينستيتۋتى مەن «مەرگەن» ستۋدياسى تۇسىرگەن. بۇل جوبا نۇرسۇلتان نازارباەۆتىڭ «عاسىرلار توعىسىندا» كىتابى نەگىزىندە قازاق حاندىعىنىڭ 550 جىلدىق مەرەيتويىنا ارنايى دايارلاندى. كينوفەستيۆالعا قاتىسۋشى­لاردىڭ ورتاق پىكىرى بويىنشا قازاق­­ستاندىق فيلمدەر شەتەلدىك كورەرمەندەردىڭ تاراپىنان سۇرا­نىسقا يە. وسى فيلمدەر ارقىلى ادامدار قازاقستان حالقىنىڭ باي مادەنيەتىمەن, سالت-داستۇرلەرىمەن تانىسا الادى. شىڭجاڭ ۇيعىر اۆتونوميالى اۋدانىنىڭ مادەنيەت دەپارتامەنتى ديرەكتورىنىڭ ورىنباسارى كەڭەس ساني: «قازاقستاندىق فيلم كينو­فەستيۆالدىڭ لايىقتى جوعارى ماراپاتىنا يە بولدى. فيلم قازاق حالقىنىڭ مادەنيەتى مەن ءومىرىن جاڭا تۇرعىدان اشىپ, كورمەگە كەلۋ­شىلەردىڭ ۇلكەن قىزىعۋشىلىعىن تۋدىردى. ءبىز بۇدان بىلاي ەكى ەل اراسىنداعى ىنتىماقتاستىقتىڭ جە­مىستى بولاتىنىنا ۇمىتتەنەمىز». كورمەنىڭ جۇمىس ىستەپ تۇرعان ۋاقىتىندا قازاقستاندىق ستەندتى مىڭ­داعان ادام تاماشالادى. «ەگەمەن-اقپارات»