ورالىنا ولجالى ورالادى

برازيليا جەرىندە ايەلدەر كۇرە­سىنەن ولجا سالىپ جاتقان قاي­سار قىز ەكاتەرينا لاريونوۆا با­تىس قازاقستان وبلىسىنىڭ ءبورلى اۋدانىنا قاراستى پريۋرال اۋىلىنىڭ تۋماسى ەكەن. كەيىن بۇل وتباسى وبلىس ورتالىعىنا كوشىپ كەلىپ­تى. سودان باستاپ ت ۇلىمشاعى جەلبى­رەگەن جەتكىنشەك سپورتتاعى دارىندى بالالارعا ارنالعان مەكتەپ-ينتەر­ناتقا قابىلدانىپ, ايەلدەر كۇرە­سىمەن دەندەپ اينالىسا باستاپتى. سول كەزدە ول ون جاسقا دا تولا قويماعان ەكەن. تۇڭعىش باپكەرى مۇسابەك ناريگەەۆ كىشكەنتاي كاتيا­نىڭ بويىندا مۇقالماس ەرىك-جىگەر قالىپتاسا تۇسكەنىن ايتادى. ءبىز مۇنىڭ جارقىن ۇلگىسىن ريودا شەشۋشى ءسات تۋعاندا كوردىك. ءبىرىنشى بەلدەسۋىندە ۇتىلىپ قالعان ول ءوزىن سۇرىندىرگەن بەلورۋس بالۋانى فينالعا شىققاننان كەيىن قولا مەدال ءۇشىن كۇرەسۋ مۇمكىندىگىنە يە بولدى. مۇنى كاتيا كەرەمەت پايدالاندى. ول بۇدان كەيىنگى ەكى بەلدەسۋىن دە جەڭىسپەن اياقتاپ, قولا مەدالعا قول سوزدى. ول, اسىرەسە, كانادالىق الەم چەمپيونى ەلەنا پيروجكوۆاعا قارسى كۇرەسىن وتە تاماشا ەتىپ وتكىزىپ, تازا جەڭىسكە جەتتى. ءبىز كەشە ورال قالاسىنداعى الەكسەي جانە ناتاليا لاريو­نوۆتار تۇراتىن ۇيگە ارنايى باس سۇعىپ, كاتيانىڭ اتا-اناسىمەن دە ءبىر-ەكى اۋىز ءتىل قاتىسقان ەدىك. – قازىرگى ساتتەگى كوڭىل كۇي­لە­رىڭىز جونىندە ايتىپ بەرمەس پە ەكەنسىزدەر؟ قاي وتباسىندا دا اكە – اسقار تاۋ, قامقورشى. ال كاتيا ءۇشىن اكەنىڭ ورنى ءتىپتى بولەك. ويتكەنى, الەكسەي ستانيسلاۆوۆيچ ونىڭ اكەسى عانا ەمەس, سونداي-اق وسى ويىندارعا دايىنداعان باپكەرى. سوندىقتان, قىزدارى جونىندەگى العاشقى  اتا-انالىق ىقىلاس ءسوزدى اكەنىڭ باستاۋى قاي تۇرعىدان دا ورىندى ەكەنى انىق ەدى. – ءبىز قىزىمىزدان ۇلكەن ءۇمىت كۇتتىك. ونىڭ وليمپيادادان جۇلدەسىز ورالمايتىنىنا سەنىم ارتتىق. ول وسى ءۇمىت پەن سەنىمدى اقتادى. ءوزىن دە, اتا-اناسىن دا, وزىنە تىلەكشى جانكۇيەر بولعان بار­لىق وتانداستارىن دا جەرگە قارات­قان جوق, – دەدى ول. كەلەسى كەزەكتە قۋانىشتان كوزى جاساۋراپ وتىرعان اناسى ناتاليا ميحايلوۆنا تۇلا بويى تۇڭعىشى جونىندەگى اق تىلەگىن بىلايشا جال­عاستىرىپ اكەتتى. – ارينە, قىزىمىزدىڭ وليم­پيادا كەزىندەگى جەتىستىگىنە باستى قولداۋ كورسەتكەن جۇبايىم, وتباسى يەسى. اكەسى مەن قىزىنىڭ ۇزاق ۋاقىتقا سوزىلعان ەرەن ەڭبەك­تەرى, توگىلگەن ماڭداي تەر­لەرى تەككە كەتپەگەنىنە قۋانا­مىن. بۇل جۇلدە تەك ءبىزدىڭ وتباسىمىزعا عانا ەمەس, سونىمەن بىرگە كاتياعا تىلەكشى بولعان ورال ءوڭىرىنىڭ جۇرتشىلىعىنا جانە بارشا قازاقستاندىقتارعا ورتاق دەپ تۇسىنەمىن. وتكەن ايلاردا يسپانيادا وتكەن سايىستار كەزىندە كاتيا جاراقات الىپ قالعاندا جانىمدى قويارعا جەر تاپپادىم. ونى قاتتى ۋايىمدادىم. دەگەنمەن, كەيىن ءبارى ءوز ورنىنا كەلگەنى قانداي جاقسى. كاتيامىز وتباسىمىزداعى ءوزىنىڭ ارتىنان ەرگەن ىنىلەرىنە ۇلگى-ونەگە كورسەتتى. ولارعا ايقىن جول باستادى. اينىماس باعىت-باعدار بەردى. ولار قازىردىڭ وزىندە ءوز اپالارىنداي بولۋعا تالپىنۋدا. ەڭ باستىسى, ەكاتەرينا ەل سەنىمىن اقتادى. ءبىز بۇل كۇندى ۇزاق كۇتتىك. بۇگىن سول كۇتكەن كۇنىمىز كەلىپ, باقىتتان باسىمىز اينالعانداي كۇي كەشۋدەمىز. بۇنىڭ ءبارى ەل تىلەگىنىڭ قابىل بولعانى دەپ بىلەمىز. قىسقاشا, ءتىل قاتىسۋ ءساتى اياق­تالىپ, كوشەگە شىقتىق. قۋا­نىش پەن شاتتىق كەرنەگەن, ءار بۇرىشىنا مەيىرىم مەن مامىراجاي تىرلىك ۇيا­لاعان لاريونوۆتار ءۇيى ارتىمىزدا قالىپ بارادى. ومىرگە كاتيۋشاداي جانى جومارت, بايىپتى دا بايسالدى, رياسىز ك ۇلىمسىرەي قارايتىن, ايداي ديدارىنان جىلى نۇر توگىلىپ سالا بەرەتىن قايسار دا كوركەم قىزدى دۇنيەگە اكەلىپ, تاربيەلەگەن ەرلى-زايىپتى الەكسەي جانە نا­تاليا لاريونوۆتارعا دەگەن ءسۇيىس­پەنشىلىك سەزىم قالدى كوكەيدە. تەمىر قۇسايىن, «ەگەمەن قازاقستان» ورال