ەتىك تىككەننىڭ ەسەبى تۇگەل

بەيبىت حاديس ۇلى اۋدان ورتالىعى اققۋ­لىدا تۇرادى. اياق كيىمدەر تىگەتىن كاسىبىن شا­عىن عانا تسەح-بولمەسىنەن باستادى. كوز – قورقاق, قول – باتىر. قازىر «رىمحان كۇنتۋعان» اتتى جەكە كاسىپكەرلىك شارۋاسى بىرتىندەپ جولعا ءتۇسىپ كەلەدى. ەندى كادىمگى كروسسوۆكا­لار شىعارماقشى. بيىل 40 جۇپ اياق كيىم تىگىپتى. قاجەتتى بۇيىمداردى رەسەيدەن اكەلەدى. كروس­سوۆكالار ۇزاق مەرزىمگە شىدايدى, ەكولوگيالىق تازا ماتەريالدان جاسالعان. باعاسى – 10 مىڭ تەڭگە. كاسىبىن كەڭەيتە ءتۇسۋ ءۇشىن «جۇمىسپەن قامتۋدىڭ جول كارتاسى-2020» باعدارلاماسى اياسىندا 700 مىڭ تەڭگە كولەمىندە نەسيە الۋعا ءوتىنىش بەرىپتى. جامبىل وبلىسىنىڭ بىلعارى زاۋىتىمەن شيكىزات الۋ بويىنشا كەلىسىمشارت جاساماقشى. بايان-ولگەي ايماعىندا تۋىپ-وسكەن بەيبىت 1992 جىلى ەكى ەل اراسىنداعى ەڭبەك شارتىمەن العاشقىلاردىڭ ءبىرى بولىپ ەلگە جەتتى. بەسقاراعايدا قوي باعا ءجۇرىپ, مال تەرىسىن يلەپ, ىسكە اسىرۋدى ويلايدى. الدىمەن «ۋنتى» اياق كيىمىن تىگىپ كورەدى. كاسىبى جاندانا باستاعان سوڭ, زامانعا ساي تالپىنىس جاساپ, قىتاي, ومبى, سەمەي باردى. ەلىمىزدە قابىلدانعان «بيزنەستىڭ جول كارتاسى-2020» باعدارلاماسى قابىلدانعان كەزدە «دامۋ» كاسىپكەرلىكتى دامىتۋ قورى بولىمشەسىندە وقىدى. ارنايى گرانت ۇتىپ الدى, سەرتيفيكات بەرىلدى. سەمەيدەن ەتىك تىگۋگە قاجەتتى بۇيىمدار, تەرى يلەۋگە قاجەتتى ونىمدەر, وم­بى­دان اياق كيىم تاباندارىن الدىردى. قىتايدان ءىس ماشىڭكەلەرىن, ارنايى قالىپتار, جىپتەر جەت­كىزدى. ءيا, بەيبىتتىڭ شاعىن عانا اياق كيىم تىگۋ تسەحى اۋىلدىڭ ءبىر ءوندىرىس ورنى ىسپەتتى. ءويت­كەنى, بۇل جەردە كاسىپكەر ءونىم جاساپ شىعارۋدا, اۋىلدىقتار سۇرانىسىن وتەۋدە. – جىلقى تەرىسىنەن تىگىلگەن اياق كيىمنىڭ ەرەكشەلىگى كەۋىپ قالمايدى. تابان جىلى جۇرەدى, دەنساۋلىققا پايدالى. باعاسى 5-7 مىڭ­نىڭ اينالاسىندا. ۇلتتىق ورنەكتى اياق كيىم­دەر تىگۋ دە ويىمدا بار. وتاندىق ءونىم, وتاندىق زات, بارىنەن بۇرىن «اۋىلدا جاسالعان» دەگەن بەلگىمەن اياق كيىمى شىعارۋ ءبىر باقىت, – دەيدى كاسىپكەر جىگىت. فاريدا بىقاي, «ەگەمەن قازاقستان» پاۆلودار وبلىسى, لەبياجى اۋدانى