الەمدىك موتوساياحات قازاقستان ارقىلى وتەدى

14 تامىزدا ەيندحوۆەن (نيدەرلاند) قالاسىندا «ەيندحوۆەن تەحنولوگيالىق ۋنيۆەرسيتەتىنىڭ «STORM Eindhoven» عىلىمي توبى قۇراستىرعان ەلەكترموتوتسيكلدەردىڭ الەمدىك ساياحاتى باستالدى. موتوساياحاتقا قاتىسۋشىلار ەۋروپا, ازيا جانە امەريكا قۇرلىقتارى 25 ەلىنىڭ جولدارىمەن 26 مىڭ شاقىرىم ءجۇرىپ وتۋگە نيەتتەنۋدە. ءىس-شارانىڭ ماقساتى – ەلەكترموبيلدىڭ يننوۆاتسيالىق الەۋەتىن جانە بالامالى ەنەرگيا تەحنو­لو­گيالارىنىڭ كەڭ قول­دانىلۋىن كورسەتۋ. وسى جىلدىڭ قىركۇيەگىندە «STORM Eindhoven» الەمدىك تۋرنەسىنىڭ ارالىق كەزەڭى قازاقستان اۋماعىمەن شىمكەنت – تاراز – قورداي – الماتى – جاركەنت – قورعاس باعىتى ارقىلى وتەدى. بيىلعى جىلدىڭ 9 قىركۇيەگىندە الماتى قالاسىنداعى قازاق ەكونوميكالىق ۋنيۆەرسيتەتىندە «STORM Eindhoven» كومانداسى مۇشەلەرىنىڭ قاتىسۋىمەن وزىق تەحنولوگيالاردىڭ ارنايى تۇساۋكەسەرى جوسپارلانۋدا. قازاقستاننىڭ نيدەرلاند كورول­دىگىندەگى ەلشىلىگى جانە «STORM Eindhoven» عىلىمي توبى موتوساياحات كەزىندە «بولاشاق ەنەر­گياسى» ۇرانىمەن وتەتىن بالامالى ەنەرگيا كوزدەرىن دامى­تۋعا ارنالعان ەكسپو-2017 حا­لىقارالىق مامانداندىرىلعان كور­مەسىن ناسيحاتتاۋ تۋرالى كەلى­سىمگە قول جەتكىزدى. ەيندحوۆەن قالاسىندا وتكەن الەمدىك ساياحات باستاماسىنا ارنالعان سالتاناتتى ءىس-شا­را­عا قاتىسۋشىلارعا «استانا-ەكسپو-2017» ۇك» اق-تىڭ لوگو­تيپى بار فيرمالىق بۇيىمدار جانە باسقا دا يميدجدىك ونىمدەر ۇسىنىلدى. «ەگەمەن-اقپارات»