دەپرەسسيانىڭ داۋاسى

امەريكالىق عالىمدار ادامداردىڭ جان-تانىمەن بەرىلىپ جۇمىس ىستەۋ ارقىلى كۇيزەلىستەن ارىلا الاتىندىعىنا كوز جەتكىزدى. ول ءۇشىن پسيحولوگتار ارنايى تاجىريبە جۇرگىزگەن. عالىمدار ۇزاق ۋاقىتتان بەرى دەپرەسسيادا جۇرگەن 120 ادامدى ىرىكتەپ الىپ, ولاردىڭ سۇيىكتى جۇمىستارىمەن شۇعىلدانۋىنا تولىق جاعداي جاساعان. بىرنەشە اپتادان كەيىن 120 ادامنىڭ 80-ءى وزدەرىن جاقسى سەزىنە باس­تاعان­دارىن ايتسا, ءبىر ايدان كەيىن 117 ادام كۇيزەلىستەن تولىق قۇتىل­عاندارىن جەتكىزىپتى. – بار ويى مەن كۇش-جىگەرىن جۇمىسقا ارناعان ادامنىڭ جاعىمسىز دۇنيەلەردى وي­لاۋعا مۇمكىندىگى بولمايدى. جۇمىس شىن مانىسىندە ادام­نىڭ ويىن دۇرىس ارناعا با­عىتتاۋعا كو­مەك­تەسىپ, دەپرەس­سيادان ارىلتادى, – دەيدى عا­لىمدار. ولاردىڭ ايتۋىنشا, جۇمىس ادامداردىڭ باسقالارمەن ارا­لاسۋعا دەگەن قۇلشىنىسىن وياتىپ, بۇرىنعى جاعىمسىز وي­لار­دى جاقسى ويلارمەن الماس­تىرۋعا ىقپال ەتەدى ەكەن. ءاسى­رەسە, دەنە ەڭبەگىمەن اينا­لى­سۋ­دىڭ پايداسى زور. ءتىپتى, دە­نە ەڭبەگىمەن اينالىساتىن ادامداردىڭ جەڭىل-جەلپى كۇي­زەلىستەرگە بوي الدىرۋى دا قيىن كورىنەدى. بۇرىن دا ايتىلىپ ءجۇر­گەن دۇنيەگە تاجىريبە جۇرگى­زۋ ارقىلى تولىق كوز جەتكىز­گەن عالىمدار ەندى جۇمىس­تىڭ كومەگىمەن باسقا دا پسيحولو­گيالىق اۋرۋلاردى ەمدەۋدىڭ جولىن قاراستىرۋدا. نۇرحان اسقار