ارىپتەستىك كەڭەيىپ كەلەدى

استانادا قازاقستان رەسپۋبليكاسىنىڭ سىرتقى ىستەر ءمينيسترى ەرلان ىدىرىسوۆ اقش مەملەكەتتىك حاتشىسىنىڭ ورىنباسارى سارا سيۋەللمەن كەزدەستى. قۇراما شتاتتار وكىلى قازاقستانعا جۇمىس ساپارىمەن كەلگەن بولاتىن. اڭگىمە بارىسىندا تاراپتار قازاقستان-امەريكا ارىپتەستىگىن تەرروريزممەن كۇرەس, ونىڭ ىشىندە ەكسترەميزمدى ناسيحاتتاۋعا قار­سى ءىس-ارەكەت سالاسىندا دا تەرەڭ­دەتۋ كەرەك دەگەن پىكىر ءبىلدىر­دى. ە.ىدىرىسوۆ, بۇل ارادا, قازاق­س­تان پرەزيدەنتى نۇرسۇلتان نازارباەۆ­تىڭ 2015 جىلدىڭ قىر­كۇيەگىندە  نيۋ-يوركتە وتكەن بۇۇ باس اس­سام­ب­لەياسىنىڭ 70-ءشى سەسسياسى اياسىندا جاريالانعان باستامالارىن جۇزەگە اسىرۋ اسا ماڭىزدى ءرول ات­قارا الاتى­نىن اتاپ كورسەتتى. قازاق­ستان باسشىسى اقش استانا­سىن­دا سويلە­گەن سوزىندە بۇۇ تۋى اس­تىندا تەرروريزممەن كۇرەس ءجونىن­دەگى حالىقارالىق كواليتسيا قۇرۋ, الەمدەگى ءاربىر مەملەكەت ءوزى­نىڭ اسكە­ري بيۋدجەتىنىڭ 1 پايىزىن ورنىقتى دامۋ ماقساتتارىنا ءبو­لۋ, بۇۇ-نىڭ جاھاندىق كون­تر­تەر­روريستىك ستراتەگياسىن ورىن­داۋدى زاڭ تۇر­عىسىنان ءمىن­دەت­­تەۋ بويىنشا باس­تاما كوتەر­­گە­نىن ەسكە سالا كەتەيىك. سۇحباتتاستار «س5+1» (ورتالىق ازيا ەلدەرى مەن اقش) ۇنقاتى­سۋ الاڭىنا قاتىسۋشى ەلدەر سىرتقى ىستەر مينيسترلەرى ەكىنشى ءماجىلىسىنىڭ قورىتىندىسىنا ريزا­شىلىق ءبىلدىردى. بۇل باسقوسۋ ۇستىمىزدەگى جىلدىڭ 3 تامىزىن­دا ۆاشينگتوندا ءوتىپ, ونىڭ قورى­تىندىسى بويىنشا ورتالىق ازيا ءوڭىرىن دامىتۋعا باعىتتالعان ءبىر­قاتار جوبا ماقۇلدانعان ەدى. كەزدەسۋ سوڭىندا ە.ىدىرىسوۆ پەن س.سيۋەلل ۇستىمىزدەگى جىلى 25 جىلدىعى اتاپ وتىلەتىن قازاق­ستان مەن اقش اراسىنداعى سترا­تەگيالىق ارىپتەستىكتى بەلسەندى جال­عاستىرۋعا ۋاعدالاستى. «ەگەمەن-اقپارات»