«جاسىل» ەنەرگەتيكانى دامىتۋ ۇدەرىسى

وڭتۇستىك-شىعىس ازياعا جاساعان جۇمىس ساپارى بارىسىندا ەكسپو-2017 حالىقارالىق مامانداندىرىلعان كورمە كوميسسارى ءراپىل جوشىباەۆ سينگاپۋردە ارالدىق مەملەكەتتىڭ ەكسپو-2017 كورمەسىنە قاتىسۋىنا جاۋاپتى ۇلتتىق سەكتسيانىڭ كوميسسارى – ساۋدا جانە يندۋستريا مينيسترلىگى دەپارتامەنتىنىڭ ديرەكتورى ۆونگ تۋن دجۋنمەن جانە سينگاپۋر تۋريستىك اگەنتتىگى ۇلتتىق اسسوتسياتسياسىنىڭ پرەزيدەنتى دەۆيندەر وريمەن كەزدەستى. كەزدەسۋ بارىسىندا ءراپىل جوشىباەۆ پەن ۆونگ تۋن دجۋن ەكى ەل اراسىنداعى ساۋدا-ينۆەستيتسيالىق جانە عىلىمي ىنتىماقتاستىق ماسەلەلەرىن تالقىلادى. ونىڭ ىشىندە «جاسىل» تەحنولوگيا سالاسىن­داعى جەتىستىكتەر جان-جاقتى تىلگە تيەك ەتىلىپ, سينگاپۋر كوم­پانيالارىنىڭ استاناداعى كورمەگە قاتىسۋ مۇمكىندىگى تال­قى­لاندى. سينگاپۋر كوميسسارى بۇل ەلدە «جاسىل» ەنەرگەتيكانى دامىتۋعا ايرىقشا ءمان بەرىلەتىندىگىن ايتا كەلىپ, سالانى دامىتۋعا مەملەكەت بيۋدجەتىنەن 3,4 ميلليارد اقش دوللارى كولەمىندە قارجى بولىنگەندىگىن اتاپ كورسەتتى. بۇگىندە جاڭعىر­مالى ەنەرگيا كوزدەرى ارقىلى الىناتىن ەنەرگەتيكا سالاسىندا 18 مىڭ ادام جۇمىسپەن قامتىلعان. ول سونىمەن بىرگە, استانادا وتكىزىلەتىن ەكسپو كورمەسىنىڭ بۇل ماڭىزدى سالاعا جاڭا تەحنولوگيالار تارتۋعا, عىلىمي بازانى نىعايتۋعا جانە قازاقستاننىڭ حالىقارالىق دارەجەدەگى بەدەلىنىڭ ارتۋىنا ىقپال ەتەتىندىگىن ايتتى. كەزدەسۋ قورىتىندىسىندا ر.جوشىباەۆ پەن ۆونگ تۋن دجۋن ەكسپو-2017 حالىقارالىق مامان­داندىرىلعان كورمەسىنە سينگا­پۋرلىك تاراپتىڭ قاتىسا­تىن­­دى­عى جونىندەگى شارتقا قول قويدى. سينگاپۋر تۋريستىك اگەنتتىگى ۇلتتىق اسسوتسياتسياسىنىڭ پرە­زي­دەنتى دەۆيندەر وريمەن وتكىزىلگەن كەزدەسۋ شەڭبەرىندە تاراپتار سين­گاپۋرلىك تۋريستەردى ەلوردادا وتەتىن كورمەگە كوپتەپ تارتۋ ماسەلەلەرىن تالقىلادى. بۇل رەتتە ەكى ەلدىڭ تۋروپەراتورلارى كور­مەگە ساتىلاتىن بيلەتتەردى تارا­تۋ ماسەلەسى جونىندە جان-جاقتى جۇمىس جۇرگىزۋى كەرەك. دەۆين­دەر وري استانادا وتەتىن كورمە شەڭبەرىندە سينگاپۋرلىك تۋريس­تەردى قازاقستانعا كوپتەپ تارتۋ ماسەلەسىنىڭ وڭتايى كەلىپ تۇرعان­دىعىن اتاپ كورسەتتى. سونىمەن بىرگە, ر.جوشىباەۆ سين­گاپۋردە ءوتىپ جاتقان جىل سايىن­عى «NATAS Travel Fair 2016» حالىقارالىق تۋريستىك كورمەسىنە قاتىستى. وسى كورمە اياسىندا ۇيىم­داستىرىلعان قازاقستان پاۆيلو­نىنىڭ جۇمىسىمەن تانىسىپ, سينگاپۋرلىكتەرگە قازاقستاندىق تۋريستىك الەۋەتتىڭ مۇمكىندىكتەرىن پاش ەتتى. ۇلان سانجار