كوميتەت توراعاسىنىڭ كەزدەسۋلەرى

پارلامەنت سەناتىنىڭ دەپۋتاتى, الەۋمەتتىك-مادەني دامۋ جانە عىلىم كوميتەتىنىڭ توراعاسى اقان بيجانوۆ الماتى قالاسىنداعى بىرقاتار ەڭبەك ۇجىمدارىمەن كەزدەستى, دەپ حابارلادى پارلامەنت سەناتىنىڭ ءباسپاسوز قىزمەتى. سەناتور قالاداعى سالا بويىنشا كوشباسشى بولىپ تابىلاتىن «الەس», «بانكتسەنتركرەديت» اكتسيونەرلىك قوعامدارىندا, «قاز­لەگپروم-الماتى», «Global ءBuىldىng Contract», «اتريكس-ستروي», «ALACARDPetroltech», «ەركە-نۇر» مەكە­مەلەرىندە بولدى. سەنات كوميتەتىنىڭ توراعاسى كەزدەسۋلەردە بەس ينستيتۋتتىق رەفورمانى جۇزەگە اسىرۋداعى «100 ناقتى قادام» – ۇلت جوسپارىن ورىنداۋ اياسىندا پارلامەنتتىڭ زاڭنامالىق قىزمەتى جونىندە ايتىپ بەردى. ۇجىمدارداعى كەزدەسۋلەردە رەسپۋبليكانىڭ جانە الماتى قالاسىنىڭ دامۋ جاعدايى, ونىڭ ىشىندە ءبىلىم-عىلىم, دەنساۋلىق ساقتاۋ سالالارى مەن اگرووندىرىس سەكتورىن وركەندەتۋ ماسەلەلەرى ءسوز بولدى. سەناتور دەپۋتاتتار كورپۋسى­نىڭ زاڭ شىعارۋ قىزمەتى, الداعى جوس­پارلار, سونداي-اق, الماتى قالا­سىنىڭ ەرەكشە مارتەبەسى ءجونىن­دەگى زاڭنامانى جاڭارتۋ تۋرا­لى اڭگىمەلەدى. كەزدەسۋگە قاتى­سۋشىلار تۇرعىنداردى جۇمىس­پەن قامتۋ, بالالار قۇقىن قورعاۋ, عىلىم مەن عىلىمي-تەح­نيكالىق قىزمەتتەر ناتيجەلەرىن كوم­مەرتسيالاۋ تۋرالى جانە پار­لامەنتتە قابىلدانعان باسقا دا زاڭدارعا نازار اۋدارىپ, ساۋال­دار قويدى. الماتى بارلىق جاعى­نان قازاقستاننىڭ ەكونومي­كا­لىق, عىلىمي جانە مادەني ورتا­لىعى بولىپ سانالادى. بۇعان قالا­نىڭ قارجى, وندىرىستىك, ينتەللەك­تۋالدىق جانە ينفرا­قۇ­رىلىمدىق الەۋەتى جەتكىلىكتى. كەزدەسۋلەر سوڭىندا ا.بيجانوۆ ەلىمىز ءوز تاۋەلسىزدىگىنىڭ 25 جىل­دىعى قارساڭىندا, الەمدەگى داعدا­رىستارعا قاراماستان, العا قوي­عان ماقساتتارعا ناقتى قادام­دار جاسا­عانىن, تۇراقتىلىق پەن كە­لىسىمدى قامتاماسىز ەتۋگە, الەمدەگى دامىعان 30 ەلدىڭ قاتارىنا ەنۋگە ۇمتىلىپ وتىرعانىن اتاپ كورسەتتى. «ەلباسى نۇرسۇلتان نازار­باەۆ­­تىڭ ستراتەگيالىق باعدارىنىڭ نەگىزى – حالىقتىڭ ءال-اۋقاتىن جاق­سارتۋ, بۇگىنگى جانە كەلەشەكتەگى بەي­بىت ءومىردى قامتاماسىز ەتۋ. قازاق­ستان حالقىنىڭ بىرلىگى مەن الەۋ­مەت­تىك احۋالدىڭ جوعارى دەڭگەيى – قوعام­دىق تۇراقتىلىقتىڭ كەپىلى, – دەدى ا.بيجانوۆ. سەناتور كەزدەسۋلەردە الما­تىلىق­تاردىڭ كوپتەگەن سۇراق­تارىنا جاۋاپ بەرىپ, پىكىر الماستى.