ايماق نىساندارىن ارالادى

پارلامەنت سەناتىنىڭ دەپۋتاتتارى باقتىباي شەلپەكوۆ پەن ميحايل بورتنيك ماڭعىستاۋ وبلىسىندا جۇمىس ساپارىمەن بولدى, دەپ حابارلادى پارلامەنت سەناتىنىڭ ءباسپاسوز قىزمەتى. ب.شەلپەكوۆ ايماقتىڭ العاشقى جارتىجىلدىقتاعى الەۋمەتتىك-ەكونوميكالىق دامۋىنىڭ قورى­تىندىلارى قارالعان وبلىستىق ءماسليحاتتىڭ سەسسياسىنا قاتىستى. سەناتور ءوز سوزىندە مەملەكەت باس­شى­سىنىڭ «100 ناقتى قادام» – ۇلت جوس­پارىندا العا قويىلعان سترا­تەگيالىق مىندەتتەر جايىن­دا ايتا كەلىپ, پارلامەنتتىڭ رەفور­مالاردى زاڭنامالىق تۇرعىدا قام­تاماسىز ەتۋ قىزمەتىنە توقتال­دى. دەپۋ­تات دەنساۋلىق ساقتاۋ, تۇرعىن ءۇي قۇرى­لىسى سالالارى جانە وبلىس­تىڭ ترانزيتتىك الەۋەتى مەن جەرگىلىكتى پوليتسيا قىز­مەتىن جاقسارتۋ جونىندەگى وزەك­تى ماسەلەلەر تۋرالى ءوز ويلارىن ور­ت­اعا سالدى. جەرگىلىكتى تۇرعىندار جانە ەڭبەك ۇجىمدارىمەن كەزدەسۋ بارىسىندا ب.شەلپەكوۆ پەن م.بورتنيك اي­ماق­تىڭ قازىرگى كەزدەگى دامۋىمەن تا­نىستى. اۋەلدە سەناتورلار اقتاۋ قا­لا­سىنىڭ جۇرتشىلىعىمەن كەزدەستى. ودان سوڭ «نۇرلى جول» باع­دار­لاماسى اياسىندا سالىنىپ جاتقان بەينەۋ – شەتپە – جەتى­باي – اقتاۋ اۆتوموبيل جولىن جاڭ­عىرتۋ بارىسىمەن تانىستى. سەنات دەپۋتاتتارى قاراقيا اۋدانىنا بارىپ, اۋدان­دىق ءماسليحات دەپۋتاتتارىمەن, اۋىل اقساقالدارى جانە تۇرعىندارمەن  كەزدەستى. ساپار باعدارلاماسىنا ساي قۇرىق تەڭىز پورتىندا سالىنىپ جاتقان نىسانداردا دا بولدى.