تۇرعىن ءۇي قۇرىلىسىمەن تانىستى

پارلامەنت سەناتىنىڭ دەپۋتاتتارى راشيت اكىموۆ پەن جابال ەرعاليەۆ اقمولا وبلىسىندا جۇمىس بابىنداعى ساپار­مەن بولدى, دەپ حابارلادى وسى پالاتانىڭ ءباسپاسوز قىزمەتى. سەناتورلار ايماقتىڭ الەۋ­مەتتىك-ەكونوميكالىق جاع­دايىمەن تانىسۋدى وبلىس ورتالىعى كوكشەتاۋ قالاسىنان باستادى. دەپۋتات­تار «سارىارقا» شاعىن اۋدانىن­داعى تۇرعىن ءۇي­لەردىڭ قۇرىلىس الاڭ­دارىن­دا بولىپ, جاڭادان سالىن­عان بالا­لار باقشاسى مەن ءورت ءسون­دىرۋ دە­پو­س­ىنىڭ عيماراتتارىمەن تانىستى. كوكشەتاۋ ءسۇت زاۋىتى مەن «بيجان» ەت كومبيناتىنىڭ ەڭبەك ۇجىم­­­دارىمەن كەزدەسۋ بارىسىن­دا شاعىن جانە ورتا بيزنەستى دامى­تۋ, حا­لىقتى جۇمىسقا ورنالاس­تىرۋ ماسە­لە­لەرى كوتەرىلدى. دەپۋتات­­­تار ەت جانە ءسۇت ونىمدەرىنىڭ ءون­دىرى­سىن كە­لە­­شەك­تە ۇلعايتۋعا نازار اۋدار­دى. ر. اكىموۆ پەن ج. ەرعاليەۆ ارشالى اۋدانىنداعى «جاسىل تەح­نولوگياعا» بەت بۇرعان ۆياچەسلاۆ ورتا مەكتەبىندە بولدى. بۇل وقۋ ورنىندا تامشىلاتىپ سۋارۋ جۇيەسى جانە كۇن ەنەرگياسىن پايدا­لانۋ ارقىلى وقۋشىلاردىڭ وزدەرى كوكونىستەر مەن جەمىس وسىرەتىن ءوز جىلىجايى بار. اقمولا وبلىستىق ءماسليحاتىنىڭ دەپۋتاتتارىمەن كەزدەسۋدە پارلا­مەنت­شىلەر پارلامەنتتىڭ جوعارعى پالاتاسىنىڭ زاڭ شىعارۋ قىزمەتى جۇمىسىنىڭ ناتيجەلەرى تۋرالى اڭگىمەلەدى. ج.ەرعاليەۆ, سونىمەن قاتار, كوكشەتاۋ قالاسىندا قۇرىلىسشىلار كۇنىنە ارنالعان سالتاناتتى جينا­لىسقا دا قاتىستى. سەناتور ءوز ءسوزىن­دە مەملەكەت باسشىسى قۇرىلىس سالا­سىنا جانە جاستار مەن حالىقتىڭ الەۋمەتتىك ءالسىز توپتارىن تۇرعىن ءۇي­مەن قامتاماسىز ەتۋگە باسا نازار اۋدا­رىپ وتىرعانىن اتاپ ءوتتى.