قازاقتىڭ قابىرعالى قالامگەرى, ءارى جۋرناليست, مەملەكەتتىك سىيلىقتىڭ لاۋرەاتى ءازىلحان نۇرشايىقوۆتىڭ ەسىمى قازاق ادەبيەتى تاريحىندا التىن ارىپپەن جازىلعان دەسەك بولادى. ونىڭ قالامىنان تۋعان «ماحاببات, قىزىق, مول جىلدار», «ماڭگىلىك ماحاببات» شىعارمالارى بۇگىندە حالىقتىڭ جادىندا, ساناسىندا سايراپ تۇر. بۇگىندە ءازىلحان نۇرشايىقوۆقا ارنالعان «ماحاببات اللەياسى» ءوزىنىڭ تۋىپ وسكەن جەرى جارما اۋدانىنىڭ ورتالىعى قالباتاۋ اۋىلىندا بوي كوتەردى.
ەل تاۋەلسىزدىگىنىڭ 25 جىلدىعىنا وراي ۇيىمداستىرىلىپ وتىرعان شارا – وسكەلەڭ ۇرپاقتىڭ بۇگىنى مەن ەرتەڭىن ايشىقتايتىن ارقالى كوپىر ىسپەتتەس. ەسىمىن ءاز-اعا دەپ, ۇرپاعى ۇلىقتاپ وتكەن جازۋشىنىڭ «ماحاببات اللەياسىنا» جازۋشىنىڭ شىعارماسىمەن سۋسىنداپ وسكەن اعا-بۋىن وكىلدەرى مەن اۋدان جۇرتشىلىعى قاتىستى. سالتاناتتى شارانى اشقان اۋدان اكىمى نۇرلان سىدىقوۆ جارما جۇرتىنىڭ ءتول پەرزەنتىن ۇلىقتاپ, ەسىمىن جاڭعىرتىپ جاتقان قادامىمەن قۇتتىقتادى. ماحابباتتىڭ جىرشىسى اتانعان جازۋشىعا قانداي قۇرمەت كورسەتىلسە دە لايىق ەكەندىگىن اتاپ ءوتتى.
وسىدان ءۇش جىل بۇرىن جۋرناليست ريزا مولداشەۆا «ۇمىتساق, ۇرپاعىڭدى كەشىرە گور» اتتى ماقالاسىندا «ماحاببات, قىزىق مول جىلدار» رومانىنىڭ كەيىپكەرلەرىنە ەسكەرتكىش قويىلسا دەگەن ۇسىنىس ايتقان بولاتىن. مىنە, بۇگىندە ۇتىمدى ايتىلعان ۇسىنىس ءىس جۇزىندە جۇزەگە اسىپ وتىر. ماحاباتتى جىر قىلىپ, ادالدىقتى تۋ ەتكەن ءاز اعاڭنىڭ ەسكەرتكىش تاقتاسى شاڭىراق كوتەرگەن جاستار ءتاۋ ەتىپ كەلەتىن قاستەرلى ورىنعا اينالارى ءسوزسىز.
ايمان مۇقىشەۆا
