تارتىپسىزدىكتىڭ العاشقى قۇرباندىعى

يران استاناسى تەھران قالاسىندا دەمونسترانتتار مەن پوليتسيا اراسىندا قاقتىعىس بولىپ, ءبىر ادام وپات بولسا, جا­را­لانعاندار ونداعان ادام سانالادى. 200-دەن استام ادام قا­ماۋعا الىنعان. جۇمىس كۇنى اياقتالعان كەشقۇرىم ساتتە قا­لانىڭ ەكى باس الاڭىنا ءتۇرلى جولدارمەن بەت العاندار قاتارى ونداعان مىڭ ادامعا جەتكەن. جينالعاندار ۇكىمەتكە قارسى ۇراندار ايتىپ, ساياسي تۇتقىن­داردى بوساتۋدى, رەجىمدى دەموكراتيالاندىرۋدى تالاپ ەتكەن. كەي كوشەلەردە پوليتسيادان قورعانۋ ءۇشىن بارريكادالار تۇرعىزىلا باستاعان. دەمونسترانتتارعا ون مىڭ شاماسىندا پوليتسيا قارسى تۇرعان كورىنەدى. ولار ادامداردىڭ شوعىرلانۋىن بولدىرماۋ ءۇشىن كوزدەن جاس اعىزاتىن گاز, كەلدەكتەر جانە رەزەڭكە وقتار قولدانۋدا ەكەن. شەنەۋنىكتەر شوتتارىن جابۋدى ءوتىندى ەگيپەت باسشىلىعى اقش-قا, ۇلىبريتانيا مەن فران­تسيا­عا ەكس-پرەزيدەنت حوسني مۇباراكتىڭ اكىمشىلىگىندەگى بۇرىنعى شەنەۋنىك­تەردىڭ شوتتارىن جابۋ تۋرالى وتىنىشپەن شىقتى. بىراق فرانتسيا مەن اقش بۇرىنعى شەنەۋنىكتەر تىزىمىندە ەكس-پرەزيدەنتتىڭ نە ءوزى, نە وتباسى مۇشەلەرى جوق ەكەنىن مالىمدەپ وتىر. سونىمەن قاتار, مىسىر باسشىلىعى اتالعان ءوتىنىشتى ەۋرو­وداققا قاتىستى دا جاساعان. ەندى ەو ەلدەرىنىڭ قارجى مينيسترلەرى ارنايى ماجىلىستە مىسىر باسشىلىعىنىڭ ءوتىنىشىن تالقى­لاماق. قازىردىڭ وزىندە جوعارىداعى وتىنىشتەر قاناعاتتاندى­رى­لاتىن سىڭايلى. وكىنىش­تىسى, تىزىمدە مۇباراكتىڭ نە ءوزى, نە وتباسى مۇشەلەرى جوقتىعى عانا. يەمەندە دە قاقتىعىستار جالعاسۋدا يەمەننىڭ استاناسى سانا قالاسىندا مانيفەستانتتاردىڭ پوليتسيامەن جانە ەل پرەزيدەنتى ابداللا سالەحتىڭ جاقتاس­تا­رىمەن قاقتىعىستار قايتا جالعاستى. 3 مىڭ قارالى نارا­زىلار ەل استاناسىنداعى باستى الاڭعا كەلىپ, پرەزيدەنتتىڭ وتستاۆكاعا كەتۋىن تالاپ ەتتى. قاقتىعىس سالدارىنان بىرنەشە ادام جەڭىل دەنە جاراقاتىن الدى. پرەزيدەنتتىڭ وتستاۆكاسىن تالاپ ەتكەن دەمونستراتسيالار سونداي-اق تايز قالاسىندا كورىنىس بەردى. وندا 8 مانيفەستانت جاراقاتتانعان. ودان ءبىر كۇن بۇرىن بولعان وسىنداي اكتسيا بارى­سىندا ون ادام تۇتقىنعا الىنعان ەكەن. پرەزيدەنت سالەح كەلەسى مەرزىمگە ساي­لانبايمىن, 2013 جىلى وتستاۆكاعا كەتەمىن دەپ ءمالىم­دەگەندىكتەن, پارلامەنتتىك وپپوزيتسيا ۇكىمەتپەن كەلىسسوزگە كەلۋگە كەلىسكەن. رەسەي كۋريلدەگى اسكەرىن كۇشەيتەدى كۋريل ارالدارىندا ورنالاسقان 18-ءشى پۋلەمەتتىك-ارتيل­لە­ريالىق ديۆيزياعا ەندى زەنيتتىك-زىمىراندىق بريگادا قوسىلا­تىن بولدى.  سونىمەن قاتار, اسكەر قۇرامالارىنىڭ قارۋ-جاراق­تارى دا جاڭالارىمەن الماستىرىلاتىنى مالىمدەلدى. بۇل اقپاراتتى رەسەي قورعانىس ءمينيسترى اناتولي سەرديۋكوۆ تە قۋاتتادى. ونىڭ سوزىنە قاراعاندا, رەسەي كۋريل ارالدارىنداعى سترا­تە­گيالىق نىساندارىن نىعايتۋعا قاجەتتى شارالاردىڭ ءبارىن جاساي­تىن بولادى. بۇل مالىمدەمە  رەسەي مەن جاپونيا اراسىنداعى قارىم-قاتىناس وتكىرلەنە تۇسكەن جاعدايدا جاسالىپ وتىر. ەكى جاقتى قارىم-قاتىناس جاپوندار ءوز اۋماعى سانايتىن كۋريلگە رەسەي پرەزيدەنتى د.مەدۆەدەۆ ساپارمەن بارعان سوڭ بۇزىلعان بولاتىن. باحرەيندە دە كوز جۇمعاندار بار تۋنيس پەن مىسىرداعى حالىق كوتەرىلىسى ناتيجەلى اياقتال­عان­نان سوڭ بولار, مۇنداي وقيعالار قارا قۇرلىقتىڭ جانە اراب الەمىنىڭ كەيبىر جەرلەرىندە كورىنىس بەرە باستادى. ماسەلەن, باحرەيندە دەمونسترانتتار مەن پوليتسيا اراسىنداعى قاقتى­عىس سالدارىنان ءبىر ادام قازا تاۋىپ, كەم دەگەندە 25 ادام جا­راقاتتانعان. ەلدە كوپشىلىك بولىپ تابىلاتىن شيتتەر بيلەۋشى ءسۇننيت ازشىلىعىنان قىسىم كورگەندەرىنە توزبەيتىندىكتەرىن ەندى عانا اشىق بىلدىرە باستاعانداي. باحرەيننىڭ كورولى ءسۇننيت وكىلى بولىپ تابىلادى. ەلدە ازشىلىق بولا تۇرا, ەركىنسيتىندەرى كورولدى ارقا تۇتاتىن­دىقتان ەكەنى انىق. دەمونسترانتتار جازىلۋىنا ءسۇننيت­تەرمەن قاتار, شيتتەر دە قاتىسا الاتىن جاڭا كونستيتۋتسيا قابىلداۋدى, پرەمەر-ءمينيستردى سايلاپ قويۋدى تالاپ ەتىپ وتىر. قارۋ-جاراق پەن ەسىرتكى تاركىلەندى ارگەنتينا باسشىلىعى امەريكا قۇراما شتاتتارىنان اقش اسكەري-اۋە كۇشتەرىنىڭ ۇشاعىنان تابىلعان دەكلاراتسيا­لان­باعان قارۋ-جاراق پەن ەسىرتكىگە بايلانىستى تۇسىنىكتەمە تالاپ ەتتى. اقش ۇشاعى بۋەنوس-ايرەسكە بىرلەسكەن اسكەري جاتتىعۋلار وتكىزۋگە كەلگەن ساراپشىلار مەن قۇرال-جابدىق­تار­دى جەتكىزۋگە وراي قونعان بولاتىن. قارۋ-جاراق پەن ەسىرتكىنى س-17 جۇك ۇشاعىن قاراۋ بارىسىندا جەرگىلىكتى كەدەنشىلەر تاپقان ەكەن. ولار تۋرالى اقش تارابى ۇسىنعان ەشقانداي قۇجاتتا مالىمەت جوق بولعان كورىنەدى. ارگەن­تي­نالىقتار ۇشاق بورتىنداعى جۇكتىڭ بارلىعىن كامپەسكەلەپ, اقش-تان وقيعانى بىرگە تەكسەرۋدى تالاپ ەتكەن. تۇسىنىسپەستىك سالدارىنان بىرلەسكەن وقۋ-جاتتىعۋ دا وتپەي قالعانعا ۇقسايدى. قىزمەتكەرى كەسىرىنەن جۇمىستان كەتتى ليتۆا پوليتسياسىنىڭ باس كوميسسارى ۆيزگيرداس تەليچەناس وتستاۆكاعا كەتتى. ونىڭ مۇنداي قادامعا بارۋىنا پوليتسيا قىزمەتكەرلەرىنىڭ ءبىرى جول-كولىك وقيعاسىن جاساپ, بىرنەشە كىسىنىڭ ولىمىنە سوقتىرۋى سەبەپ بولدى. كەيىن انىقتال­عا­نىن­داي, پوليتسيا قىزمەتكەرى رولگە ماس كۇيىندە وتىرىپتى. تەليچەناس وقيعاعا تۇسىنىكتەمە بەرە كەلە, پوليتسيانىڭ ءىس-ارەكەتىنە تەك باس كوميسسار عانا ەمەس, سونداي-اق كەيبىر ءبولىم­شەلەردىڭ باس­شىلارى دا جاۋاپ بەرۋى تيىستىگىن اتاپ وتكەن. ەل پرەزيدەنتى داليا گريباۋسكايتەنىڭ توڭىرەگىندەگىلەر تەليچەناستىڭ وتستاۆكاسىن لايىقتى قادام دەپ باعالاپ وتىر. مۇنداي قادامعا ەكى باسشىنىڭ ءبىرى بارا بەر­مەي­تىنى بەلگىلى. قىسقا قايىرىپ ايتقاندا: • مىسىردا بيلىك باسىنا كەلگەن اسكەريلەر پارلامەنتتى تاراتىپ, كونستيتۋتسيا ارەكەتىن توقتاتا تۇ­را­تىندارىن جاريالادى. سونداي-اق 6 اي ىشىندە جاڭا پرەزيدەنتتىك سايلاۋعا دايىندىق جۇرگىزۋگە ۋادە بەردى. • پالەستينا اۆتونومياسىنىڭ ۇكىمەتى وتستاۆكاعا كەتتى.  پرەمەر-مينيستر سالام فاياد باستاعان ۇكىمەتتىڭ وت­ستاۆكا­سىن اۆتونوميا پرەزيدەنتى ماحمۇد ابباس قابىل الدى. بۇل وقيعا يزرايلمەن كەلىسسوزدەر تۋرالى قۇپيا قۇجاتتاردىڭ سىرتقا جاريالانىپ كەتۋىمەن بايلانىستى ورىن العان سياقتى. • يتاليا پرەمەر-ءمينيسترى سيلۆيو بەرلۋسكونيگە قاتىستى ءىس سوتقا جولداندى. وعان كامەلەتكە تول­ماعاندارمەن سەكسۋالدى قارىم-قاتىناسقا ءتۇستى دەگەن ايىپ تاعىلىپ وتىر. 74 جاستاعى پرەمەر ءىسى بويىنشا العاشقى سوت ءماجىلىسى 6 ساۋىرگە بەلگىلەنگەن. ينتەرنەت ماتەريالدارى نەگىزىندە ازىرلەندى.