ريو-2016: جازيرا جاپپارقۇل – وليمپيادانىڭ كۇمىس جۇلدەگەرى!

ريو-دە-جانەيرودا ءوتىپ جاتقان وليمپيالىق ويىنداردا اۋىر اتلەتيكادان 69 كگ سالماقتاعى ايەلدەر اراسىنداعى جارىس اياقتالدى. وندا قازاقستاندىق اۋىر اتلەت جازيرا جاپپارقۇل كۇمىس مەدالدىڭ يەگەرى اتاندى. وسىلايشا ول سپورتتىڭ وسى ءتۇرى بويىنشا وليمپيادانىڭ كۇمىس جۇلدەگەرى اتانعان تۇڭعىش قازاق سپورتشىسى بولىپ وتىر. جۇلقا جاتتىعۋدا 116 كگ سالماقتى باعىندىرعان قىتايلىق سيان يانمەي ءبىرىنشى, 115 كگ سالماقپەن توقتاعان جازيرا جاپپارقۇل ەكىنشى, 113 كگ سالماقتى العان ەگيپەتتىك سارا سامير موحامەد احمەد ءۇشىنشى تۇعىرعا كوتەرىلدى. جازيرا ءۇشىنشى تالپىنىستا 117 كگ سالماقتى, ال سيان 118 كيلونى الا المادى. سەرپە كوتەرۋدە 145 كگ سالماقتى باعىندىرعان سيان يانمەي – ءبىرىنشى, 144 كگ-نى العان جازيرا – ەكىنشى, 143 كگ سالماقپەن ەگيپەتتىك سارا احمەد ءۇشىنشى بولدى. قوسسايىستا سيان يانمەي 261 كگ (116+145) سالماقپەن ءبىرىنشى, جازيرا جاپپارقۇل 259 كگ (115+144) سالماقپەن ەكىنشى, 255 كگ (112+143) سالماقپەن ەگيپەتتىك سارا سامير موحامەد احمەد ءۇشىنشى ورىنعا ورنالاستى. دامير قوجامقۇل تەحنيكالىق مالىمەتتەر XXXI جازعى وليمپيادا. ريو-دە-جانەيرو (برازيليا), 10 تامىز اۋىر اتلەتيكا. ايەلدەر. 69 كگ. 1. سيان يانمەي (قىتاي) – 261 (116+145). 2. جازيرا جاپپارقۇل (قازاقستان) – 259 (115+144). 3. سارا سامير موحامەد احمەد (ەگيپەت) – 255 (112+143).