ابىرويلى پارىز

ەلباسى ن.ءا.نازارباەۆتىڭ «نۇر وتان» حدپ ءحىىى سەزىندە سويلەگەن سوزىندەگى ءبىر ەرەكشەلىك, حالىقتىڭ ءومىر ءسۇرۋ دەڭ­گەيىن جاقسارتۋدا ارزان جالدىق تۇرعىن ءۇي تەتىگىن ويلاستىرىپ, ونى جە­ڭىل­دىكپەن ۇسىنۋ قاجەت­تىگىن اتاپ كورسەتتى. بۇل بيىلعى جولداۋىن­دا اتاپ ايتقان تۇرعىن ءۇي-كوم­مۋ­نالدىق شارۋاشىلىق سالاسىنا باس­تى نازاردىڭ جالعا­سىنداي كو­رىندى. سوندىقتان ءار­بىر ەلدى مەكەندە جاس مامان­دار­عا ارناپ, قا­زىرگى تۇرمىس تالا­بىنا ساي ۇيلەر, الەۋمەتتىك-ءما­دەني نىساندار سالۋ­دى جوسپار­لا­عان دۇرىس. بۇل ءبىزدىڭ ەلدەگى تۇرعىن­دار­ى­نىڭ جارتىسىنا جۋىعى اۋىل­دىق جەردە تۇراتىندىقتان, وتە وزەكتى ماسەلە دەپ بىلەمىن. ال جولداۋدا ايتىلعان تۇرعىن ءۇي-كوممۋنال­دىق شارۋاشىلىق ءجۇ­يە­سىن رەفورمالاۋ – قالا تۇر­عىن­دارى ءۇشىن شەشۋىن كۇتكەن شەتىن ماسەلە بولىپ تابىلادى. اتال­عان رەفورمانى ءجۇر­گىزۋ ءۇشىن «تۇرعىن ءۇي قا­رىم-قاتىناس­تارى» زاڭىنا جانە تاعى باسقا قۇقىقتىق-نورمالىق قۇجات­تار­عا وزگەرىستەر مەن تولىقتىرۋلار ەنگىزۋ قاجەت. سوندىقتان, وسى سالا­لارعا قاتىستى مەكەمەلەر وكىلدەرى مەن اۋداندىق, قالالىق اكىمدىك جانە قوعامدىق ۇيىمدار وكىل­دەرى­نىڭ قاتىسۋىمەن ەلباسى جول­داۋىن جان-جاقتى تالقىلاۋدى كۇن ءتار­تىبىنە قويىپ, ايتىلعان پىكىرلەر مەن ۇسىنىستاردى توپتاستىرىپ, قو­رىتىندىلاپ, ءتيىستى ورگاندارعا جەتكىزۋى ءتيىس دەپ ويلايمىن. قانداي دا بولماسىن جاقسى جوس­پاردىڭ ورىندالۋ ساپاسى مەن دەڭ­گەيى ونى ىسكە اسىرۋعا جاۋاپتى ءاربىر دەڭگەيدەگى سالا باسشى­لارى­نىڭ حالىق الدىنداعى جاۋاپكەرشىلىگىنە, ادالدىعىنا, كاسىبي شەبەرلىگىنە, ۇيىم­داستىرۋشىلىق قا­بىلەتىنە ءجا­نە ارقايسىمىزدىڭ ازاماتتىق بەلسەندىلىگىمىزگە باي­لا­نىستى. ول ءۇشىن ءبىزدىڭ پارتيا مۇشەلەرىنە ءوز مىندەتتەرىن جەتىك بىلۋمەن قاتار, جۇرتشىلىقتى ور­تاق مۇددەگە جۇ­مىلدىرۋ ءىسى تاپسىرىلادى. ءحىىى سەزد دەلە­گاتى رەتىندە وسى ماسە­لەلەر مۇ­قيات تالقىلانىپ, باسشى­لىققا الىنادى دەگەن سەنىمدەمىن. ەلباسى ن.نازارباەۆ قازاق­ستان حالقىنا جولداۋىنداعى ءمىن­دەت­تەر­دىڭ ورىندالۋ بارىسىن باقى­لاۋعا الۋدى «نۇر وتان» حدپ ءجا­نە قوعامدىق ۇيىمدارعا تاپ­سىر­دى. پارتيانىڭ كەزەكتى ءحىىى سەزىن­دە اتالعان ماسەلە ناقتىلانا ءتۇس­تى. بۇل جەتەكشى پارتيامىزعا جۇك­تەلگەن ۇلكەن سەنىم جانە جاۋاپكەرشىلىك. ەل ءۇمىتىن اقتاۋ نۇروتان­دىق­تاردىڭ ابىرويلى پارىزى ەكەندىگىن جۇرتشىلىق جاقسى بىلەدى. مەيرامبەك قيىقوۆ, «نۇر وتان» حدپ اقمولا وبلىستىق فيليالى cاياسي كەڭەسىنىڭ مۇشەسى, سەزد دەلەگاتى.