ەلى ەلباسىنا سەنەدى

حالىق ەلباسىنىڭ جىل سايىنعى جولداۋىن اسىعا كۇتەدى. سەبەبى, وسى جولداۋ رەسپۋبليكا تۇرعىندارىنا ساياسي, ەكونوميكالىق, الەۋمەتتىك تۇر­عى­دان جىگەر بەرەرى حاق. جىل سايىنعى جولداۋلارداعى تاپ­سىر­مالاردىڭ ىسكە اسىپ جات­قانىن دا كوزىمىزبەن كورىپ, جەمىسىن تاتىپ جاتىرمىز. بيىلعى «بولاشاقتىڭ ىرگەسىن بىرگە قا­لايمىز» اتتى جولداۋداعى مە­جەلەنگەن باعىت­تار دا ادەتتەگى­دەي سالماقتى ءارى كوڭىلگە قونىمدى. بۇل جولداۋدا قامتىلعان ماسەلەلەر حالىقتىڭ الەۋمەتتىك جاعدايىن جاقسارتۋعا, ەلدىگىمىزدى نىعايتۋعا, ەكونوميكامىزدى دا­مىتۋعا, تاۋەلسىزدىگىمىزدىڭ 20 جىل­دىعىن تابىستى قارسى الۋعا, سو­نى­مەن قاتار, ارداگەرلەردىڭ ءال-اۋقا­تىن جاقسارتا تۇسۋگە ناقتى شا­رالاردى ايقىنداپ بەرۋىمەن قۇن­دى دەسەم, ارتىق ايتقاندىق بولماس. جولداۋداعى اۋىل شارۋا­شى­لى­عىن دامىتۋ, سىبايلاس جەم­قورلىققا قارسى كۇرەستى كۇشەيتۋ ءار باسشىعا, ءار قازاقستاننىڭ تۇرعىنىنا زاڭ شەڭبەرىندە قادام جاساۋعا جول اشاتىنى انىق. ءبىزدىڭ بولاشاق ۇرپاعىمىز زايىرلى مەملەكەتتە تۇرعان­دىق­تان, ءوز قۇقىعىن بىلەتىن ازامات بولىپ قالىپتاسۋى كەرەك. سونى­مەن قاتار, حالىقتىڭ الەۋمەتتىك جاع­دايىن كوتەرۋ ءۇشىن ەكونو­ميكانى ءبىرىنشى كەزەكتە جان-جاق­تى دامىتساق, ول حالىقتىڭ ەرتەڭ­گى كيىمى, تاماعى دەگەن ۇعىمدى بىلدىرەدى. ءبىلىمدى ۇرپاقتى تاربيەلەۋ – ول مەملەكەتتىڭ ءبىرىنشى تابىسى. ەكونوميكامىز, مادەنيەتىمىز بەن ىشكى جانە سىرتقى ساياساتىمىز ارقىلى 50 مەملەكەتتىڭ قاتارىنا كىرىپ, ورىن الۋىمىز ەلباسى ەڭبەگىنىڭ ناتيجەسى. حالىقتى دەمەۋشى ءارى تانى­تۋ­شى ونەر ەكەندىگى بەلگىلى. ءار ۇلت ءوزىنىڭ ءتىلى, ادەبيەتى, ونەرى, سالت-ءداستۇرى ارقىلى ەرەكشەلەنەدى. ال ءوزىم ونەر ادامى بولعان­دىقتان, جولداۋداعى وسى سالاعا جاڭاشىلدىقپەن ءمان بەرىلۋى ەرەكشە قۋانىشقا بولەدى. جولداۋدى تىڭداي وتىرىپ, ەلباسىنىڭ بويىنداعى ءتۇرلى قا­سيەتتەرگە, ءوز حالقىنا دەگەن شەكسىز سۇيىسپەنشىلىگىنە ءتانتى بول­دىم. تاۋەلسىز مەملەكەتى­مىز­دىڭ اتىن اسقاقتاتىپ, وسكەلەڭ ۇرپاققا, بولاشاققا سەنىممەن قاراۋعا جاعداي تۋعىزىپ وتىر­عان وزىڭىزدەي ەلباسىنا اۋدان­نىڭ سوعىس جانە ەڭبەك ارداگەرلەرى اتىنان مىڭ دا ءبىر العى­سىمدى بىلدىرەمىن. نۇرسۇلتان نازارباەۆ بەيبىتشىلىكتى, ىنتىماق پەن بىرلىكتى تۋ ەتىپ ۇستاپ, حالقىنىڭ ەل-جۇرتىن مۇراتىنا جەتكىزىپ وتىر­عان ۇلت كوشباسشىسى, الەم­دىك دەڭگەيدەگى مەملەكەت قايرات­كەرى. الماتى وبلىسى ىلە اۋدا­نى­نىڭ حالقى ەلباسىن ءبىر ءۇيدىڭ بالاسىنداي قولدايدى. ويتكەنى, ەلباسى باستاعان قازاق ەلىنىڭ نىعايا بەرەتىنىنە سەنەدى. تورتكەن كەنەنقىزى, ىلە اۋدانىنىڭ قۇرمەتتى ازاماتى. الماتى وبلىسى.