تىلگە قۇرمەت – ەلگە قۇرمەت

كەشە ۇستىمىزدەگى جىلدىڭ 3 ساۋىرىندە وتەتىن كەزەكتەن تىس پرەزيدەنتتىك سايلاۋعا قاتىسۋ ءۇشىن ورتالىق سايلاۋ كوميس­سيا­سىنا ءوتىنىش بەرگەن مەملەكەت باسشىسى نۇرسۇلتان نا­زار­باەۆ لينگۆيستيكالىق كو­ميس­سيانىڭ مۇشەلەرىنە مەم­لەكەتتىك ءتىل – قازاق تىلىنەن سىناق تاپسىردى. ول ءبىر ساعاتتان استام ۋاقىتقا سوزىلدى. مەملەكەت باسشىسىنىڭ سىناق تاپسىرۋ ناتيجەسىن لين­گۆيس­تيكالىق كوميسسيانىڭ ءتور­اعا­سى مىرزاتاي جولداسبەكوۆ وتە جوعارى باعالادى. «نۇر وتان» حا­لىقتىق-دەموكراتيالىق پار­تيا­­سى اتىنان سايلاۋعا تۇسكەن نۇرسۇل­تان نازارباەۆ الدىمەن «الەمدىك قوعامداستىقتاعى قازاقستان» تا­قىرىبىنا شىعارما جازسا, ەكىنشى سىناق بويىنشا ابايدىڭ قارا سوزدەرىن اۋىزشا ايتىپ بەردى. ءۇشىنشى سىناق «قوعام جانە دەموكراتيا» تاقىرىبىنا 15 مينۋت ءسوز سويلەۋ بولاتىن. ەلباسى بۇل تا­قىرىپتى بارىنشا كەڭىرەك قام­تىپ, تاپسىرمانى تاماشا ورىن­دا­دى. وسىلايشا, لينگۆيستيكالىق كوميسسيا مۇشەلەرى ەلباسى سى­ناق قورىتىندىسى بويىنشا قا­زاق ءتىلىن مۇلتىكسىز مەڭگەرگەن دەگەن شەشىمگە كەلدى, دەدى ول. سون­داي-اق كوميسسيا توراعاسى م.جول­داسبەكوۆ جازباشا تاپسىرمانىڭ وتە تازا, قاتەسىز جازىلعاندىعىن اتاپ كورسەتتى. سىناقتان سوڭ جۋرناليستەرگە بەرگەن قىسقاشا سۇحباتىندا ەلبا­سى مەملەكەتتىك ءتىلدى مەڭگەرۋ بوي­ىن­شا وتكەن سىناقتى ءساتتى تاپ­سىر­دىم دەپ ويلايتىنىن ايتىپ ءوتتى. ەلىمىزدىڭ اتا زاڭى جانە سايلاۋ تۋرالى زاڭىنا ساي, پرەزيدەنتتىكتەن ۇمىتكەرگە قويىلاتىن تالاپتاردىڭ ءبىرى مەملەكەتتىك ءتىل­دى ءبىلۋ بولىپ تابىلادى. مەن ور­تالىق سايلاۋ كوميسسياسىنا سى­ناق تاپسىردىم دەپ ەسەپتەيمىن. ونى كوميسسيا قابىلدادى. سون­دىقتان مەن بۇل سىناقتان قايتادان ءوتتىم, دەدى نۇرسۇلتان نازارباەۆ. پرەزيدەنتتىككە كان­دي­­داتتىڭ مەملەكەتتىك ءتىلدى مەڭگەرۋى ءمىن­دەتتى شارت ەكەندىگىنە توق­تال­عان ەلباسى ولارعا ۇلتى بويىنشا شەكتەۋ قويىلمايتىندىعىن اتاپ ايتتى. پرەزيدەنتتىككە كاندي­دات­تاردىڭ ۇلتىنا شەكتەۋ قويىل­ماي­دى. كونستيتۋتسيانىڭ باپتا­رى­نا سايكەس كەز كەلگەن ۇلت وكىل­دەرى كانديدات رەتىندە تىركەلە الا­دى. الايدا ولار مەملەكەتتىك ءتىلدى ەركىن مەڭگەرۋى ءتيىس. بۇل قازاق­ستاندا عانا ەمەس, وزگە دە مەملەكەتتەردە بار سىناق, دەدى ول. مەملەكەت باسشىسى سونداي-اق ەلىمىزگە ورىس ءتىلى مەن اعىلشىن ءتىل­دەرىنىڭ قاجەتتىلىگىنە قىسقاشا توقتالىپ ءوتتى. ءبىز الەمدىك مادە­نيەت جانە ءبىلىم مەن عىلىمعا تىكەلەي شىعۋ قۇرالى رەتىندە مەڭ­گەر­گەن ورىس تىلىندەگى دەڭگەيى­مىز­دى تومەندەتىپ الماۋىمىز كەرەك. ويتكەنى, ورىس ءتىلى بۇۇ-دا قول­دا­نىلاتىن الەمدىك 6 ءتىلدىڭ ءبىرى ەكەنى ايان. ال ءبىزدىڭ بالالارىمىز جاھانعا كەرەك يننوۆاتسيا جانە سوڭعى تەحنولوگيالاردىڭ ءتىلى – اعىلشىن ءتىلىن بىلۋلەرى مىندەتتى. بۇل ءتىل الەمدە وبەكتيۆتى تۇردە سۇرانىسقا يە ءارى قاجەتتى ءتىل, دەپ اتاپ كورسەتتى مەملەكەت باسشىسى. لينگۆيستيكالىق كوميسسيا­نىڭ شەشىمى ورتالىق سايلاۋ كو­ميسسياسىنا تاپسىرىلدى. ال وسك ءوز كەزەگىندە الداعى 5 كۇن ىشىندە «نۇر وتان» حدپ اتىنان پرەزيدەنتتىكتەن ۇمىتكەر رەتىندە تىركەلگەن نۇرسۇلتان نازار­باەۆ­تى قر كونستيتۋتسياسى مەن «قر سايلاۋ تۋرالى» كونستيتۋتسيالىق زاڭىنىڭ تالاپتارىنا ساي ەكەندىگى تۋرالى شەشىم قابىلدايتىن بولادى. ۆەنەرا تۇگەلباي.