الەۋمەتتىك تۇرعىدان ماڭىزدى باعدارلاما

گازەت رەداكتسياسىنا جانە ۇلتتىق بانككە قارىزداردى قايتا قارجىلاندىرۋ باعدار­لاماسىنا قاتىستى كوپتەگەن سۇراقتار كەلىپ تۇسەدى. قر ۇب قارجىلىق قىز­مەتتەردى تۇتىنۋشىلاردىڭ قۇقىقتارىن قورعاۋ جونىندەگى ماماندارى سولاردىڭ ىشىندە ەڭ كوپ قويىلاتىن سۇراقتارعا جاۋاپ دايىندادى. «ەگەر قارىز الۋشىدا 2015 جىلعى 1 قاڭتارداعى جاعداي بويىنشا ءبىر بانكتە نەگىزگى بورىشىنىڭ جالپى سوماسى  36 470 000 تەڭگەدەن اساتىن ەكى جانە ودان دا كوپ قارىزى بولعان جاعدايدا, قارىزداردى قايتا قارجىلاندىرۋعا بولا ما؟» – قارىز الۋشى قارىزى (قا­رىزدارى) باعدارلاما تالاپتارىنا سايكەس كەلگەن جاعدايدا قايتا قارجىلاندىرىلۋعا ءتيىس. بۇل رەتتە نەگىزگى بورىشىنىڭ جالپى سوماسى  36 470 000 تەڭگەدەن اسپايتىن قارىزدار قايتا قارجىلاندىرۋعا جاتادى. ءوز كەزەگىندە, ەگەر ءبىر قارىز باسقا قارىزدارمەن قوسىلعاندا 36 470 000  تەڭگەدەن اسسا, وندا قوسىلعاندا كورسەتىلگەن سومادان اسپايتىن قارىزدار قايتا قارجىلاندىرىلادى. «قارىز الۋشىنى باع­دارلاما بويىنشا قايتا قار­جىلاندىرۋ كەزىندە بانك ءۇشىنشى تۇلعانىڭ قوسىمشا كەپىلزاتىن تالاپ ەتۋگە قۇقىلى ما؟» – باعدارلامانىڭ الەۋمەتتىك باعىتىن ەسكەرسەك, بانك قارىز بويىنشا قوسىمشا كەپىلزاتىن تالاپ ەتۋگە قۇقىلى ەمەس. ء«تورتىنشى بالاسى 2015 جى­لى تۋىلعان قارىز الۋشى­نىڭ كرەديتى «حالىقتىڭ الەۋ­مەتتىك تۇرعىدان وسال توبى» ساناتى بويىنشا قايتا قار­جىلاندىرىلا ما؟» – باعدارلامانىڭ الەۋ­مەتتىك باعىتىن ەسكەرسەك, مۇن­داي قارىزدار باعدارلاما شەڭ­بەرىندە وسى سانات بويىنشا قايتا قارجىلاندىرىلۋعا ءتيىس.