اۋعانستان دۇنيەجۇزىلىك ساۋدا ۇيىمىنا مۇشە بولدى

[caption id="attachment_53780" align="aligncenter" width="698"] فوتو: tass.ru[/caption] اۋعانستان دۇنيەجۇزىلىك ساۋدا ۇيىمىنا (دسۇ) كىرىپ, ونىڭ 164-مۇشەسى اتاندى. بۇل تۋرالى تاسس اقپارات اگەنتتىگى حابارلادى. اۋعانستان دسۇ شتاب پاتەرىنە حاتتامانى پارلامەنتتىڭ راتيفيكاتسيالاعانى تۋرالى قۇجاتتى 30 ماۋسىمدا تاپسىرعان بولاتىن. بۇل ەلدىڭ دسۇ-عا كىرۋ جونىندەگى كەلىسسوزدەرى 2004 جىلى باستالىپ, 2015 جىلدىڭ قاراشاسىندا اياقتالدى. ال 17 جەلتوقساندا نايروبيدە وتكەن دسۇ مينيسترلىك كونفەرەنتسياسى كەزىندە ۇيىمعا كىرۋ تۋرالى حاتتاماعا قول قويىلدى. ەل پارلامەنتى بۇل قۇجاتتى 18 ماۋسىمدا راتيفيكاتسيالادى. بىرىككەن ۇلتتار ۇيىمىنىڭ اقپارىنا سايكەس, الەمدە نەعۇرلىم از دامىعان 48 مەملەكەت بار. اۋعانستان وسى ەلدەردىڭ ىشىنەن دۇنيەجۇزىلىك ساۋدا ۇيىمىنا مۇشە بولعان 9-شى ەل اتاندى. قازىرگى تاڭدا تاعى 19 مەملەكەت دۇنيەجۇزىلىك ساۋدا ۇيىمىنا قوسىلۋ تۋرالى كەلىسسوز جۇرگىزىپ جاتىر. ايتا كەتەيىك, دۇنيەجۇزىلىك ساۋدا ۇيىمى – حالىقارالىق ساۋدا ەرەجەلەرىن ليبەراليزم پرينتسيپتەرىنە قاراي رەتتەيتىن حالىقارالىق ەكونوميكالىق ۇيىم. ايان ءابدۋالي