ەل مەرەيتويىن لايىقتى وتكىزەيىك

ەلباسىنىڭ وسى جىلعى 27 قاڭتارداعى جارلىعى­مەن 2011 جىل «بەيبىتشىلىك پەن جاسامپازدىقتىڭ 20 جىلى» دەگەن ۇرانمەن وتكىزىلەتىن قازاقستان رەسپۋبليكاسى تاۋەلسىزدىگىنىڭ 20 جىلدىعى جىلى دەپ جاريالاندى. كەشە قازاقستان رەسپۋب­لي­كا­سىنىڭ مەملەكەتتىك حاتشىسى – سىرتقى ىستەر ءمينيسترى ق.ساۋ­داباەۆتىڭ توراعالىعىمەن قۇرامى­نا پرەزيدەنت اكىم­شى­لىگىنىڭ, ۇكىمەتتىڭ وكىلدەرى, پار­لامەنت دەپۋتاتتارى, وب­لىس­تاردىڭ, استانا جانە ال­ماتى قالالارىنىڭ اكىمدەرى, سونداي-اق, قوعامدىق ۇيىم­دار­دىڭ جەتەكشىلەرى كىرەتىن وسى مەملەكەتتىك كوميسسيانىڭ ءبىرىنشى وتىرىسى ءوتتى. ەلباسى العا قويعان تاپ­سىرمالار اياسىندا قازاق­ستان­نىڭ 20 جىلدىعى جىلى ءىس-ش­ا­را­لارىن وڭىرلىك جانە رەسپۋب­ليكالىق دەڭگەيدە دايىنداۋ جانە ولاردى وتكىزۋ جونىندەگى ناقتى مىندەتتەر بەلگىلەندى. وسى ماقساتتا ەلباسىنىڭ تاپ­سىرماسى بويىنشا مەملەكەتتىك كوميسسيانىڭ شەڭبەرىندە مىنان­داي ءتورت جۇمىس توبى قۇرىلدى: – پرەمەر-ءمينيستردىڭ ورىن­­با­سارى – يندۋستريا جانە جاڭا تەحنولوگيالار ءمينيسترى ءا.ءو.يسە­كەشەۆ جەتەكشىلىك ەتەتىن ۇيىم­داستىرۋشىلىق, قۇقىقتىق جانە ماتەريالدىق-تەحنيكالىق قامتا­ما­سىز ەتۋ ماسەلەلەرى بويىنشا; – پرەزيدەنت اكىمشىلىگى باس­­­شىسىنىڭ ورىنباسارى م.­س.ءاشىم­­­باەۆ جەتەكشىلىك ەتەتىن اقپا­رات­تىق قول­داۋ جانە قو­عامدىق-ساياسي مازمۇنداعى ءىس-شا­رالار وتكىزۋ ماسەلەلەرى بويىن­شا; – مادەنيەت ءمينيسترى م.ا.قۇل-مۇحاممەد جەتەكشىلىك ەتەتىن مادەني-گۋمانيتارلىق ءىس-شارالار­دى وتكىزۋ ماسەلەلەرى بوي­ىنشا; – استانا قالاسىنىڭ اكىمى ي.ن.تاسماعامبەتوۆ جەتەكشىلىك ەتەتىن استانا قالاسىنداعى مەرەكەلىك ءىس-شارالاردى وتكىزۋ ءجو­نىن­دەگى جۇمىس توبى. ق.ساۋداباەۆ وتىرىستى قورى­تىندىلاي كەلە: «ەلباسىمىز ن.نازارباەۆ اتاپ وتكەندەي, «تاۋەل­سىزدىكتىڭ مەرەيتويى مەملەكەتتىڭ جاڭا تاريحىنداعى اسا جارقىن ايتۋلى وقيعا بولۋى ءتيىس. بۇل 2011 جىلدىڭ عانا ەمەس, تاۋەل­سىزدىك جىلدارىنداعى ءجۇرىپ وتكەن جولداردىڭ كۆينتەسسەن­تسياسى». سول ءۇشىن 20 جىلدىق, شىنىمەن دە, جالپىۇلتتىق مەرەكە بولۋى جانە ونىڭ بەلسەندى قاتىسۋشىسى ءاربىر قازاقستان­دىق بولۋى اسا ماڭىزدى. ءبىزدىڭ باستى ماقساتىمىز ءاربىر وتان­دا­سىمىز تاۋەلسىزدىك جىلدا­رىندا ءوز اۋىلىنىڭ, قالا­سى­نىڭ, ءومىرىنىڭ جاقسى جاعىنا قاراي اۋىسقانىن, وعان جانە وتباسىنا تاۋەلسىزدىكتىڭ بەرگەن بوستاندىعى مەن مۇمكىنشىلىگىن سەزىنۋى ءۇشىن ەكونوميكا, مادە­نيەت جانە قوعامدىق ءومىردىڭ بارلىق سالالارىنداعى قازاق­ستان­نىڭ وڭ اسەر قالدىراتىن جەتىستىكتەرىن كورنەكى تۇردە كور­سەتۋ بولىپ تابىلادى. سو­نىڭ ىشىندە وسى جەتىستىكتەردىڭ بارلىعىندا جاڭا قازاقستان­نىڭ ارحيتەكتورى جانە قۇرۋ­شى­سى, الەم مويىنداعان كە­مەڭگەر كوشباسشى نۇرسۇلتان نازارباەۆتىڭ تەڭدەسى جوق ەڭ­بە­گىن ءادىل كورسەتۋ دە ەرەكشە ماڭىزدى. ەلباسى مەن ەلدىڭ ءبىرتۇتاس ەكەندىگىن تاعى ءبىر رەت كورسەتۋ كەرەك», – دەپ قاداپ ايتتى. جاقسىباي سامرات.