جارىققا جارىماي وتىرعاندار

وبلىس ورتالىعىنا جانە كۇرە جولعا جاقىن ورنالاسقان ۆودو­پرو­ۆودنوە ىرگەلى ەلدى مەكەن­دەر­دىڭ ءبىرى سانالادى. مۇندا توعىز­جىلدىق مەكتەپ پەن شاعىن ورتا­لىق جۇمىس ىستەيدى. ەڭبەككە قابى­لەتتى تۇرعىندار تۇگەلگە جۋىق جۇ­مىس­پەن قامتاماسىز ەتىلگەن. وسى­دان 17 جىلداي بۇرىن وسىن­داعى قازان­دىقتىڭ قىزمەتى توقتا­تى­لىپ, اۋىل­دىقتار ەكى, ءۇش قاباتتى ءۇي­لەرگە پەش سالدىرىپ, كومىرمەن جىلى­تۋعا كەلىس­كەن بولاتىن. ەندى ادام­دار­دى بالالارىمىز وقۋ-ءبىلىم­سىز قالا ما دەگەن ۋايىم قاتتى مازالاپ وتىر. بۇلاي بولاتىن سەبەبى, اۋىلدا ەلەكتر ەنەرگياسى ءسوندىرىلىپ, كارىز جۇيەسى مەن مونشا جۇمىسى توق­تاتىلادى دەگەن سۋىق ءسوز جەلدەي ەسكەلى جۇرتشىلىقتىڭ سەڭدەي سوعى­لىسىپ, تىعىرىققا تىرەلگەن جاي­لارى بار. «قازسۋشار» رمك «ەسىل سۋ» مەكەمەسىنە قاراستى بۋلاەۆ وندىرىستىك ۋچاسكەسى بۇدان بىلاي كارىز جۇيەسىنە قىزمەتىن كور­سەتۋ قۇقىمىز جوق دەپ ات-تونىن الا قاشىپ وتىر. كوممۋنالدىق تولەم­اقى ۋاقىتىلى تولەنىپ كەل­گەنى­نە قاراماستان مۇنداي تۇسىنىك­سىز قادام­عا بارۋدى كوپشىلىك اۋىل­دىڭ بولا­شاعىنا بالتا شابۋ دەپ قابىل­داي­دى. فيليالدىڭ باس ەنەر­گەتيگى گەننادي سۋركوۆ ەلەكتر ەنەر­گياسىن حالىققا جەت­كىزىپ, قامتىپ وتىرۋ ءۇشىن ارنا­يى لي­تسەنزيا كەرەك­تىگىن, بۇل وراي­دا, «سەۆكازەنەرگو» اق-تىڭ «جىگەر» كومپانيا­سىمەن كەلىسىمشارتقا وتىرۋ­دى العا تارتسا, اۋداندىق تۇرعىن ءۇي-كوممۋنالدىق شارۋاشىلىق ءبولىمى جەتەكشىسىنىڭ ورىنباسارى باقىت ءىلياسوۆ جينالعانداردى سابىرعا شاقىرۋمەن شەكتەلدى. ورىن العان پروبلەمالاردى زاڭدىق تۇرعىدا شەشۋگە كىم, نە بوگەسىن بولىپ وتىر دەگەن ساۋالدار جاۋاپ­سىز قالدى. سوعان قاراعاندا ءتيىس­تى ورىنداردىڭ بۇل ارەكەتى ات­تى اربانىڭ ارتىنا جەككەن اپەن­دى­نىڭ قىلىعىن ەسكە تۇسىرەتىن سەكىلدى. ۆودوپروۆودنوە ەلدى مەكەنىندە تۇرعىنداردىڭ سانى بەس جۇزدەن اسادى. كوبىسى – زەينەت جاسىنداعىلار. ولار بۋلاەۆ وندىرىستىك ۋچاسكەسىندە ەڭبەك ەتىپ, ەندى زەينەت قىزىعىن كورەتىن شاقتا اۋىل تاعدىرىنا قاتتى الاڭداۋلى.  ءومىر ەسقالي, «ەگەمەن قازاقستان» سولتۇستىك قازاقستان