باسەكەدە ءباسى باسىم اقتوعاي

قارجى سەكتورىنداعى تۇراقسىز­دىق ترانس­ۇلتتىق كومپانيالاردى عانا ەمەس, ءىرى وندىرىستىك توپتاردى ءوز بيۋدجەتتەرىن قايتا قۇرۋعا ماجبۇرلەپ وتىر. باستالعان اپتادا قازاقستاندا زامان­اۋي از شىعىندى تاۋ-كەن ءوندىرىسىن دامىتۋعا باعىتتالعان, ءوسۋ الەۋەتى مىقتى دەپ ەسەپتەلى­نەتىن مىس ءوندىرۋشى كومپانيا KAZ Minerals توبى شىعىس قازاقستان وبلىسىندا ورنالاسقان اقتوعاي مىس كەنىشى قۇرىلىسىنىڭ بيۋدجەتى ازايعانى تۋرالى مالىمدەمە تاراتتى. بوزشاكول كەن بايىتۋ كومبيناتىنىڭ (كبك) (پاۆلودار وبلىسى) قۇرىلىسى بارىسىندا جيناقتالعان تاجىريبەنىڭ, سونداي-اق, 2015 جىلى امەريكالىق ۆاليۋتا باعامىنىڭ ءوسىمى بارىسىندا جەرگىلىكتى مەردىگەرلەر جۇمىسىنىڭ دوللارلىق قۇنىنىڭ ارزان­داۋى ارقاسىندا كۇردەلى شىعىنداردىڭ جالپى كولەمى $100 ملن. ازايىپ, $2,2 ملرد. قۇراعان. وسىلايشا بيۋدجەتتىڭ ازايۋى ناتيجەسىندە اقتوعاي كەن بايىتۋ كەشەنىنىڭ قۇرىلىسىنا سالىناتىن ينۆەستيتسيالار كولەمى 2016 جىلى $230 ملن. جانە 2017 جىلى $350 ملن. قۇرايدى دەپ جوسپارلانعان. قۇرىلىستىڭ باس مەردىگەرىنە اۋدارىلاتىن $300 ملن. كولەمىندەگى سوڭعى تولەم 2018 جىلعا, ياعني جوبا تولىعىمەن اياقتالعانعا دەيىن شەگەرىلگەنى تۋرالى بۇعان دەيىن حابارلانعان. اقتوعايدا توتىققان كەننەن كاتودتى مىس ءوندىرۋ 2015 جىلدىڭ جەلتوقسان ايىندا باس­تالعان بولاتىن. ال ءسۋلفيدتى كەننەن مىس كونتسەنتراتىن ءوندىرۋ كەلەسى جىلدان باستاپ قولعا الىنادى دەپ جوسپارلانعان ەدى. اقتوعايدا ءسۋلفيدتى كەندى قايتا وڭدەۋ جونىندەگى كاسىپورىننىڭ جىلدىق قۋاتى – 25 ملن. توننا. مىس مولشەرى 0,33% ء(سۋلفيدتى كەن) جانە 0,37% (توتىققان كەن). كەن ورنىن پايدالانۋ مەرزىمى – 50 جىلدان استام. اقتوعاي كەن ورنىنىڭ وپەراتسيالىق شىعىندارى حالىقارالىق مىس ءوندىرۋشى جوبالاردىڭ اراسىندا باسەكەگە قابىلەتتى بولىپ تابىلادى. ءوندىرىس كولەمى العاشقى 10 جىلدا ءسۋلفيدتى كەن ۋچاسكەسىنەن وندىرىلەتىن 90 مىڭ توننا كاتودتى ەكۆيۆالەنتتەگى مىستى جانە توتىققان كەن ۋچاسكەسىنەن وندىرىلەتىن 15 مىڭ توننا كاتودتى ەكۆيۆالەنتتى مىستى قۇرايدى. ەندىگى جەردە KAZ Minerals توبىنىڭ باسقارما توراعاسى ولەگ نوۆاچۋك «ءبىز KAZ Minerals-تىڭ العاشقى جوباسى – بوزشاكول كەنىشىندەگى قۇرىلىستا جيناقتالعان تاجىريبەنى ءساتتى پايدالاندىق. ءسويتىپ, اقتوعاي جوباسىنىڭ جوسپارلى بيۋدجەتىن ازايتۋعا مۇمكىندىك ال­دىق. نارىقتاعى جاعدايدى ءجىتى باقىلاپ, ول جاقىن ارادا, ياعني 2016 جىلدىڭ بارىسىندا اقتوعايدىڭ قۇرىلىسىنا قالاي اسەر ەتەتىندىگىن اسىعا كۇتىپ وتىرمىز», دەپ وتىر. بيىل اقپان ايىندا اتالمىش كومپانيا پاۆلودار وبلىسىندا ورنالاسقان اشىق تيپتەگى ءىرى اۋقىمدى كەنىش – بوزشاكول كەن با­يىتۋ كەشەنىن ىسكە قوستى. كومپانيانىڭ ەكىنشى وركەندەۋ جوباسى – جوعارىداعى اقتوعايدا ءسۋلفيدتى كەندى قايتا وڭدەۋ ۋچاسكەسىنىڭ قۇرىلىسى جالعاسۋدا. ايناش ەسالي, «ەگەمەن قازاقستان»