اۆتوونەركاسىپ كولىكتىنى كوبەيتتى

سوڭعى جىلدارى الەمدەگى ەكونوميكالىق داعدارىس بىرقاتار ءوندىرىس وشاقتارىنىڭ قارقىنىن باسەڭدەتكەنى راس. ونىڭ قاتارىندا ەلىمىزدىڭ اۆتوونەركاسىپ سالاسى دا بار. مۇنداي جاعدايعا تەك ءبىزدىڭ عانا ەمەس, وزگە دە دامىعان ەلدەردىڭ اۆتوونەركاسىپتەرى تاپ بولىپ وتىر ەكەن. بۇل جونىندە ورتالىق كوممۋنيكاتسيالار قىزمەتىندە بولعان ءباسپاسوز ءماسليحاتىندا ينۆەستيتسيالار جانە دامۋ مينيسترلىگىنىڭ رەسمي وكىلى قايسار جۇماباي ۇلى ايتتى. رەسمي وكىل ەكونوميكالىق قيىن­دىقتارعا قاراماي اۆتوونەر­كاسىپ ءالى دە ءارى قاراي دامي بەرەتى­نىن جەتكىزدى. «كانادا, ارگەن­تينا, اۆستراليا, رەسەي, جاپونيا, وزبەكستان سىندى ەلدەر دە قازىرگى كۇندە قازاق­ستاندىق ارىپتەستەرىنىڭ كۇيىن كەشىپ وتىر. ايتسە دە, وتاندىق اۆتوونەركاسىپتەر ءوندىرىستى شامالى باياۋلاتقانىمەن دامۋ جولىن ءالى دە جالعاستىرىپ كەلەدى. ماسەلەن, سالانىڭ ەل ەكونوميكاسىنداعى ۇلەسى ايتارلىقتاي. ناقتى سان­دار­عا جۇگىنسەك, بيىلعى ءبىرىن­شى جارتىجىلدىقتىڭ قورىتىن­دىسى بويىنشا وتاندىق اۆتو­ونەر­كاسiپتiڭ قازاقستان ەكونو­مي­كاسىنداعى ۇلەسi 36,6 ملرد. تەڭگەنi قۇراپ وتىر», دەدى ق.جۇماباي ۇلى. بۇل جەردە تەك جەڭىل اۆتو­كولىك­تەر عانا ايتىلىپ وتىر­ماعا­نىن ەسكەرتكەن رەسمي وكىل, ەلىمىزدە تىركەمەلەر مەن اۋىر ماشي­نالار قۇراستىرۋ ءىسى دە جاقسى جولعا قويىلعانىن اتاپ ءوتتى. «بۇل وڭدەۋشi ونەركاسiپتiڭ بiرقاتار نەگiزگi سالالارىنداعى كورسەت­كiشتەن كوبiرەك. مىسالى, اۆتوونەركاسiپتiڭ iشكi جالپى ونiمگە قوسقان ۇلەسi جەڭiل ونەر­كاسiپ, قاعاز ونەركاسiبi, فارماتسەۆتيكا, توقىما ونەركاسiبi, ەلەكترونيكا, جيھاز وندiرiستەرiنەن الدەقايدا جوعارى بولدى», دەگەن ول, اۆتوونەركاسىپ سالاسى ەكىنشى جارتىجىلدىقتا تاعى دا نىعايا تۇسەتىنىن جەتكىزدى. ەلىمىزدەگى اۆتوونەركاسىپتىڭ دامۋىندا مەملەكەتتىك قولداۋدىڭ ورنى ەرەكشە بولىپ وتىرعانىن ايتقان سپيكەر, وتكەن جىلى باس­تال­عان جەڭىلدەتىلگەن اۆتونەسيە جونىندە دە اڭگىمەلەدى. «وتكەن جىلى جەڭiلدەتiلگەن اۆتونەسيە مەملەكەتتiك باعدارلاما­سى باس­تال­عان بولاتىن. سودان بەرi جەكە ادامدار اۆتوكولiك ساتىپ الا باستادى. بۇگiنگi كۇنگە دەيiن 6 757 ادام اۆتونەسيەنiڭ ارقاسىندا جاڭا كولiك ساتىپ الدى. بۇل يندۋستريالىق-يننوۆاتسيا­لىق دامۋ باعدارلاما­سى ايا­سىندا جۇزەگە اسىپ وتىرعان شارا جانە جالعىز مەحانيزم ەمەس. بۇدان دا باسقا بيزنەستi قولداۋ­عا ار­نالعان تەتiكتەر بار», دەدى ق.جۇماباي ۇلى. رەسمي وكىلدىڭ ايتقاندارىنا دەن قويساق, وتاندىق اۆتوونەركاسiپ يندۋستريالاندىرۋدىڭ ەكiنشi بەس­جىلدىعىنىڭ باسىم باعىت­تارى­نىڭ قاتارىنا ەنگiزiلiپتى. «يندۋس­تريا­لاندىرۋدىڭ ەكىنشى بەس­­جىل­دىعىندا, ياعني 2015-2020 جىل­دارعا ارنالعان باعدارلاما­دا اۆتو­ونەركاسىپكە ايتارلىقتار كوڭىل ءبولىنۋى ءتيىس دەپ جوس­پارلاپ وتىرمىز. ويتكەنى, ءبىرىنشى بە­س­جىلدىقتا بۇل سالا دامۋ بويىن­­شا الدىڭعى قاتارلى ەكە­نىن تولىق دالەلدەدى. تاعى دا ناق­تى سانعا جۇگىنسەك, ءبىرىن­شى بەس­جىل­دىق بويىنشا اۆتو­ونەر­كاسىپ 4,8 ەسەگە وسكەن», دەپ ويىن تولىقتىردى ول. ونىڭ ايتۋىنا قاراعاندا, اۆتوونەركاسىپتەر قازىرگى بەس جىلدىقتا ءونىمنىڭ قازاقستاندىق ۇلەسىن كوبەيتىپ, كەم دەگەندە 50 پايىزعا دەيىن جەتكىزۋدى ماقسات ەتىپ قويىپتى. رەسمي وكىلدىڭ يلاندىرعانى, مۇنداي مەجەنى باعىندىرۋعا وتاندىق اۆتوكاسىپ­ورىندارىنىڭ مۇمكىن­دىگى بار ەكەن. ماسەلەن, اۆتوموبيلدەردىڭ قوسالقى بولشەكتەرىن ءوندىرۋ مەن سالادا جاڭا جۇمىس ورىندارىن اشۋدى 3,5 ەسەگە دەيىن ارتتىرۋ كوزدەلىپ تۇرعانىن ايتتى. بۇلارمەن قاتار, قازاقستاندىق اۆتوونىمدەردى ەكسپورتقا شىعارۋ ءىسى دە مىقتاپ قولعا الىنىپ جاتقان كورىنەدى. نۇرباي ەلمۇراتوۆ, «ەگەمەن قازاقستان»