جاستار ماسەلەسىنە جاۋاپكەرشىلىك كەرەك

مەن استاناداعى ۋني­ۆەر­سيتەتتىڭ ءبىرىن گۋماني­تارلىق ماماندىق بويىنشا بيىل عانا بىتىرگەن تۇلەكپىن. بۇگىنگى تاڭدا تەلەارنا مەن ينتەرنەتتەن, وزگە دە اقپارات كوزدەرىنەن ارقيلى مالىمەتتەردى سانامىزعا ءسىڭىرىپ جاتىرمىز. اسىرەسە, الماتى قالاسىندا 26 جاستاعى تەپسە تەمىر ۇزەتىن جىگىتتىڭ قارۋدان وق جاۋدىرىپ, قوعام تىنىشتى­عىن بۇزۋى مەنى قاتتى الاڭداتتى. بەيكۇنا ادام­داردى جەر جاس­تاندىرىپ, انا­نى جەسىر, بالانى جەتىم اتان­دىردى. وسى­لايشا, ءوزىنىڭ ادام­دىققا جات جاۋىز­دىعىمەن نەشەمە وتباسىن قايعىدان قان جۇت­قىزدى. ەندىگى جەردە كەز كەلگەن قوعام­نىڭ سانالى مۇشەسىنىڭ كوكەيىندە «مۇنداي سوراقىلىق قالاي­شا ورىن الدى؟» دەگەن ساۋال تۋىن­دايتىنى انىق. وسىنداي جايت­تىڭ الدىن الۋ­دىڭ قانداي العى­شارتتارى مەن جاستارمەن جۇمىس جۇرگىزۋدىڭ قانداي ءتيىمدى تەتىكتەرى بار دەگەن سىندى ماسەلەلەر كىم-كىمدى دە تولعاندىرادى. جالپى, ەلدەگى مەملەكەت­تىك يدەولوگيامەن جاۋاپتى ماماندار اينالىسىپ جاتقان بولار. دەسەك تە, قازىرگى قوعامنىڭ جاس­­تارى ءتيىستى دەڭگەيدە ۇدايى كوڭىل ءبولىپ وتىرۋدى قاجەت ەتەتىن­دىگىن اتاپ وتكىم كەلەدى. اسىرەسە, اق­پاراتتىق كەڭىستىك شەكارا­سىز, بۇركەمەسىز جاتقان ءبۇ­گىن­گى­دەي اۋمالى-توكپەلى ۋا­قىت­تىڭ وتپەلى كەزەڭىندە جۇرگەن ورەندەرىمىز ءۇشىن سىن ساعاتى تۋعانداي. ولار­دى قالاي قاراي بەيىمدەسەڭ, سولاي قاراي بوي تۇزەيتىن وسى ءبىر «جۇمساقتىعى» مەن «بەيىم­دەل­گىشتىگىن» ءبىز مەيلىنشە ءوز پايدا­مىزعا قاراي بۇرا ءبىلۋىمىز كەرەك. سونىمەن قاتار, 17 مەن 35 جاس ارا­لىعىن­داعى ارناۋلى ءبىلىمى نەمەسە تۇراق­تى جۇمىسى جوق جاستار ماسەلەسىن شەشۋدى ەشقاشان نازاردان تىس قالدىرۋعا بولمايدى. سول سەكىلدى قالا جاستارى مەن اۋىل جاستارى اراسىنداعى كوزقاراس ايىرماشىلىعىنىڭ الشاقتىعىنا دا ءجىتى كوڭىل ءبولۋ قاجەت شىعار دەپ ويلايمىن. ءبىزدىڭ مەملەكەتىمىزدىڭ بۇل ماسەلەدە وڭتايلى ارەكەت ەتۋگە قاۋقارلى ەكەندىگىنە كوزىم جەتەدى. الەۋمەتتىك ماسەلەنىڭ وڭ شەشىمىن تابۋدى ۇيىمداستىرۋ مەن جاستاردى جۇمىس ورىندارىنا باعىتتاۋدا, ولاردى جاڭا ورتاعا پسيحولوگيالىق بەيىم­دەۋدە قازىردىڭ وزىندە از شارۋالار اتقارىلىپ جاتقان جوق. ءتىپتى, بۇل رەتتە ۇلكەن قالالارداعى كىسى قاراسى كوپ شوعىرلانعان قوعامدىق ورىنداردا الەۋمەتتانۋ سالاسىنىڭ بىلىكتى ماماندارى مەن زاڭگەرلەرى جانە پسيحولوگتارى تەگىن قابىلداۋ جۇرگى­زىپ جاتاتىن ساتتەر دە از ەمەس. تىعىرىققا تىرەلىپ, تۇيىقتا قالعان جاندار ءۇشىن قىزمەتتىڭ بۇل ءتۇرى كەرەك-اق. ەڭ بولماعاندا رۋحاني داعدارىسقا ۇشىراعان ادامنىڭ جان دۇنيەسىنە ءۇڭىلىپ, پسيحولوگيالىق تۇرعىدا ءبىر ءسات سەرگىتۋدىڭ ءوزى كىسى بالاسىنا كۇش-قۋات بەرەتىنىن كوپشىلىك قاۋىم بىلە بەرمەسە دە, ونىڭ دۇرىستىعى عىلىمدا دالەلدەنگەن. سونىمەن قاتار, جاستار ءۇشىن ماتەريالدىق قاجەتتىلىكتىڭ قول­جەتىمسىزدىگى ولاردىڭ كوپشى­لىگىنىڭ ءۇمىتىن ءۇزىپ جىبەرەتىنىن قاپەر­دەن شىعارۋعا بولماس. ماسە­لەن, كوڭىلدەن شىعارلىق قىزمەتكە ورنالاسۋ ارقىلى, ۇزاق جىلدار تاباندى ەڭبەك ناتيجەسىندە تۇر­مىس جاعدايىن تۇزەۋدىڭ سەنىم­دى جەلىسىن مەملەكەتتىك قۇرىلىم­دار قۇرىپ بەرگەنى ءلازىم. ەگەر وسىن­­داي جەلى ارقىلى قوعام بەل­سەن­­دىسىنە اينالعان جاستار لەگى كوپ بول­سا, وندا ءبىز سوڭعى كەزدەرى ءومىرى­­­مىز­­دە ورىن الىپ جاتقان ءتۇر­لى كە­لەڭ­­س­ىز­دىكتەردىڭ الدىن الۋ­شى ەدىك. ويتكەنى, كەز كەلگەن جان­نىڭ كوڭىلىنەن شىعار تۇراقتى قىز­مەتى بولسا, ول ءوزىن جانە وتباسىن جان-جاقتى تولىق قامتا­ماسىز ەتەدى. ال ونداي ازاماتتىڭ كوڭىلى قاشان دا جايلى ءارى ماڭايىنا قايىرىمدى كەلەتىنى بەسەنەدەن بەلگىلى. فاريزا مۇحامەدقالي  استانا