ايماقتى ارالاعان «التىن ادام»

ەل تاۋەلسىزدىگىنىڭ 25 جىلدىعى قۇرمەتىنە ارنالعان تىڭ جوبا – «ۇلتتىق مۋزەي سەنىڭ قالاڭدا» مادەني تۋرى اتىراۋ قالاسىندا جالعاسىن تاپتى. كەلۋشىلەردىڭ نازارىنا «ۇلت­تىق مۋزەيگە ساياحات» جانە 3د گرا­فيكالىق بەينەروليكتەرى ۇسى­نىلدى. جەرگىلىكتى تۇرعىندار تاۋەلسىز قازاقستاننىڭ برەندىنە اينالعان ەلىمىزدىڭ ەڭ قۇندى جادىگەرلەرىنىڭ بىرەگەيى «التىن ادامدى» تاماشالاۋ مۇمكىندىگىنە يە بولدى. ۇلتتىق مۋزەي اتىراۋ­لىقتار نازارىنا 10 سيرەك تۋىندىنى ۇسىندى. سونىمەن قاتار, وبلىستىق تاريحي-ولكەتانۋ مۋزەيىندە وتكەن ءىس-شارا «مۋزەيدەگى ءتۇن» اكتسياسىنا ۇلاستى. – ءبىزدىڭ «مۋزەيدەگى ءتۇن» اكتسيا­سىن ۇيىمداستىرۋداعى ماق­ساتىمىز – تاۋەلسىزدىكتىڭ سيمۆولى «التىن ادام» جادىگەرىن وبلىس حالقى تولىق كورسە دەگەن نيەتتەن تۋىنداعان. سونداي-اق, جاستارعا قۇرت, جەنت, ديىرمەنمەن تارتىپ, تارىدان تالقان الۋ سەكىلدى ۇلتتىق تاعامداردىڭ دايىندالۋ ءتاسىلىن, ارحەولوگيا سالاسى بويىنشا قىش قۇمىرا جاساۋدان شەبەرلىك ساباعىن وتكىزۋ ارقىلى سالت-داستۇردەن الشاقتاماۋدى دارىپتەيدى. شاراعا كەلۋشىلەرگە ارناپ «سىناق» ويىنىن ۇيىمداس­تىرىپ وتىرمىز. ماسەلەن, ەكى توپقا ءبولىنىپ, يىناعاشپەن سۋ تاسۋ, اعاش ءۇيدى قۇرۋ سەكىلدى ەپتىلىك پەن كۇشتىلىكتى ايقىندايتىن جايتتاردان سۇرىنبەي وتكەندەرگە مۇراجايدىڭ بارلىق جادىگەرلەر بولمەلەرىن ارالاپ كورۋگە, سۋرەتكە ءتۇسۋ ءۇشىن تەگىن ابونەنت بەرىلەدى, – دەيدى وبلىستىق تاريحي-ولكەتانۋ مۋ­زەيىنىڭ ديرەكتورى راشيدا حاري­پوۆا. ايتا كەتەيىك, «ۇلتتىق مۋزەي سەنىڭ قالاڭدا» اكتسياسى بيىلعى 27 ماۋسىمنان ورال, اقتوبە قالا­لارىنان باستاۋ الىپ, قالا تۇر­عىندارى ىقىلاسىنا بولەنگەن بولاتىن. ءۇش كۇنگە سوزىلعان مادەني تۋرعا اتىراۋ وبلىستىق اكىمدىگى قولداۋ ءبىلدىردى. قارشىعا كۇلەن