الماتى ەلباسىنىڭ نازارىندا

مەملەكەت باسشىسى الماتى قالاسىنىڭ اكىمى باۋىرجان بايبەكتى قابىلدادى, دەپ حابارلادى پرەزيدەنتتىڭ ءباسپاسوز قىزمەتى. قازاقستان پرەزيدەنتىنىڭ الماتىداعى رەزيدەنتسياسىندا ءوت­كەن كەزدەسۋ بارىسىندا ب.بايبەك ەلباسىنا قالانىڭ الەۋ­­­مەتتىك-ەكونوميكالىق دامۋ قار­­قىنى, ماڭىزدى مەملەكەتتىك باع­­دار­­لامالاردىڭ ىسكە اسىرىلۋى جانە الداعى كەزەڭگە ارنالعان جوس­­پارلارى تۋرالى باياندادى. نۇرسۇلتان نازارباەۆ قالا تۇر­عىندارىنىڭ ءال-اۋقاتىن ارت­تىرۋ ءۇشىن ءتيىستى شارالار قابىلداۋ, جاڭا جۇمىس ورىندارىن اشۋ, قۇرىلىس جۇمىستارى مەن الەۋمەتتىك ماڭىزدى نىسانداردى اشۋ ءىسىن كەستەگە سايكەس جۇرگىزۋ قاجەتتىگىنە نازار اۋداردى. سونىمەن قاتار, ەلباسى قازاقستان تاۋەلسىزدىگىنىڭ 25 جىلدىعىن مەرەكەلەۋ جونىندەگى ءىس-شارالارعا ساپالى دايىندالىپ, وتكىزۋدىڭ ماڭىزدىلىعىن اتاپ ءوتتى. – الماتى – ەلىمىزدەگى ەڭ ءىرى قالا. رەسپۋبليكا بويىنشا ا­ت­قارىلاتىن بارلىق جۇمىس ونىڭ دامۋىنا اسەر ەتەدى ءارى تۇرعىندارىنا كورىنىپ تۇرادى. بيىل قالانىڭ 1000 جىلدىعى مەرەكەلەنەدى, كەلەسى جىلى – قىسقى ۋنيۆەرسيادا-2017 ءوت­­كىزىلەدى. بۇلار – ءىرى مەم­لە­كەت­تىك ءىس-شارالار. ولاردى ءىس­كە اسىرۋ ءۇشىن وراسان جۇمىس ات­قارۋ قاجەت. سونداي-اق, قالا­نىڭ كۇزگى-قىسقى كەزەڭىنە دايىن­دىقتى بۇگىننەن باستاۋ كەرەك. وتكەن كەزدەسۋدە مەن بىرقاتار تاپسىرما بەرگەن بولاتىنمىن, ولاردىڭ مۇلتىكسىز ورىندالۋىن باقىلاۋ قاجەت, – دەدى مەملەكەت باسشىسى. ب.بايبەك نۇرسۇلتان نازارباەۆ­تىڭ بۇعان دەيىن بەرىل­گەن تاپسىرمالارىنىڭ ورىندالۋ بارىسى تۋرالى باياندادى. – قازىرگى كەزدە قايتا قار­جى­لاندىرىلعان يپوتەكالىق قارىز­دار كولەمى 45%-عا ءوستى. مەم­لەكەتتىك باعدارلامالاردى ىسكە اسىرۋ اياسىندا 15 مىڭ جاڭا جۇمىس ورنىن اشۋعا قاراجات ءبولىندى. بۇدان بولەك, مەملە­كەت-جەكەمەنشىك سەرىكتەستىگىن دامىتۋ جونىندە بيزنەسپەن تى­عىز جۇمىس جۇرگىزىلۋدە. بۇگىندە جال­پى قۇنى 40 ملرد. تەڭگەنى قۇراي­تىن مەموراندۋمدارعا قول قويىلدى. سونىڭ اياسىندا ءبىر­نەشە الەۋمەتتىك نىساندار اشۋ جوس­پارلانىپ وتىر, – دەدى الماتى قالاسىنىڭ اكىمى.