تۇركيادا ءولىم جازاسى كۇشىنە ەنسە, ەۋرووداققا مۇشە بولا المايدى

[caption id="attachment_52935" align="aligncenter" width="700"] فوتو: aa.com.tr[/caption] aa.com.tr اقپارىنا سايكەس, ءولىم جازاسى زاڭدى كۇشىنە ەنەتىن بولسا, تۇركيا  ۇشىن ەۋروپالىق وداقتىڭ (ەو) ەسىگى جابىلۋى مۇمكىن. بۇل تۋرالى ەۋروكوميسسيا باسشىسى جان-كلود يۋنكەر مالىمدەدى. «ەگەر تۇركيا بۇل ءىستى زاڭدى تۇرعىدا قۇپتايتىن بولسا, ەۋرووداق قۇرامىنا قابىلدانۋىن توقتاتامىز. بىراق قازىرگى جاعدايمەن ەنۋىنىڭ ءوزى ەكىتالاي», – دەدى جان-كلود يۋنكەر. ايتا كەتەيىك, بىرنەشە كۇن بۇرىن ىستانبۇلدا جينالعان بىر توپ ادام اسكەري توڭكەرىس جاساماق بولعانداردى ءولىم جازاسىنا كەسۋدى تالاپ ەتكەن ەدى. ال 18 شىلدە كۇنى مەملەكەت باسشىسى رەجەپ تايپ ەردوعان حالىق تالاپ ەتسە, ەڭ جوعارعى جازا قايتا قولدانىلۋى مۇمكىن ەكەنىن ايتتى. «دەموكراتيادا حالىقتىڭ تالابىن ەسكەرۋ قاجەت. ءبىز جازانىڭ ەڭ اۋىر ءتۇرىن كەيىنگە قالدىرمايمىز. سەبەبى, بيلىكتى باسىپ الماق بولعاندار جاۋاپقا تارتىلۋى تيىس», – دەگەن ەدى ەل پرەزيدەنتى. سوڭعى رەسمي مالىمەت بويىنشا, 16 شىلدەگە قاراعان ءتۇنى ءساتسىز توڭكەرىستەن 290 ادام قازا تاپقان. تۇركيادا ءولىم جازاسىن (دارعا اسۋ) قولدانۋ ەلدىڭ ەو-عا مۇشە بولۋ شارتتارىن ورىنداۋ ماقساتىمەن 2002 جىلى توقتاتىلعان. ايان ءابدۋالي