الماتى قالاسىنىڭ كوشەسىندە قىلمىسكەر سالعان لاڭ جۇرتتىڭ جانىن تۇرشىكتىرۋمەن قاتار, قالىڭ بۇقارانىڭ تەمىر ءتۇيمەلى قۇقىق قورعاۋ قىزمەتكەرلەرىنە دەگەن سەنىمى مەن ەرەكشە قۇرمەتىن جاڭعىرتقانداي بولعانى راس. بۇرىن, سىرت كوزگە تەك پوليتسيا فورماسىندا عانا كورىنەتىن ساقشىلاردىڭ دا جەكە ءومىرى, وتباسى, العا قويعان ماقساتتارى بار ەكەندىگىن تەرەڭنەن سەزىنگەندەي بولدىق. بۇيىعى جاتقان قوعام ءۇشىن پوليتسيا قىزمەتكەرلەرىنە باسقاشا كوزبەن قاراۋ توسىننان تيگەن اۋىر سوققى ارقىلى كەلدى دەسەك تە بولادى. ارينە, وكىنىشتى-اق, الايدا, قوسپاسى جوق اقيقات ەكەنىن دە مويىنداۋىمىز كەرەك...
قانقۇيلى قولىنان قاپىدا قازا تاپقان پوليتسيا سەرجانتى ايان عاليەۆ نەبارى 2 جىلدان كەيىن زەينەتكەرلىك دەمالىسقا شىعادى ەكەن. ىشكى ىستەر ورگانىندا 1997 جىلدان بەرى قىزمەت ەتىپ كەلە جاتقان ايان جايلى قىزمەتتەستەرى, تۋعان-تۋىسى, ءتىپتى, كورشىلەرى دە ونىڭ ازاماتتىق ادال جۇرەگى مەن كىسىگە كومەك بەرۋگە دايار تۇراتىن قاعىلەز مىنەزى تۋرالى ايتۋدا. بالكىم, باتىرلىق دەگەنىمىز دە قاراپايىم ادالدىقتىڭ استارىندا جاسىرىنىپ جاتاتىن ادامي قاسيەتتىڭ كىلتى شىعار.
ءومىرىنىڭ سوڭعى 10 جىلىن الماتى قالاسىنداعى مەملەكەتتىك كىرىستەر باسقارماسىنىڭ عيماراتىن كۇزەتۋگە, ماڭىزدى مەملەكەتتىك قىزمەتكەرلەردىڭ قاۋىپسىزدىگىن قامتاماسىز ەتۋگە ارناعان ايان عاليەۆ ءوزىنىڭ سوڭعى جۇمىس كۇنىندە دە قىزمەتتىك مىندەتىنە ادالدىقپەن, جاۋاپكەرشىلىگىندەگى بەيبىت جانداردىڭ ءومىرىن ساقتاپ قالۋ جولىندا كوز جۇمدى. ەگەر, ايان باسىن بايگەگە تىگىپ توقتاتپاسا, قارۋ اسىنعان قانىشەر قانشا ادامنىڭ ءومىرىن جالمار ەدى؟! باسقارما قىزمەتكەرلەرىمەن قوسا, كۇندەلىكتى جۇمىس بارىسىندا اعىلىپ كەلىپ جاتقان سالىق تولەۋشىلەردىڭ دە باس اماندىعى ءۇشىن كەۋدەسىن وققا بايلاپ, جانىن قۇربان ەتۋ – ەكىنىڭ ءبىرى بارا بەرمەيتىن ۇلكەن ەرلىك.
اياننىڭ ارتىندا اڭىراپ قارت اناسى قالدى, ءوڭ مەن ءتۇستىڭ اراسىندا ەسەڭگىرەپ جارى قالدى, ءومىر بويى ساعىنىشى باسىلماي وتەتىن قوس پەرزەنتى قالدى. كوزى تىرىسىندە «قۇقىق قورعاۋ سالاسىنىڭ ۇزدىگى» اتانىپ, 3 بىردەي مەدالدى كەۋدەسىنە تاققان باتىر ۇلدىڭ ورنىن ەندى ەشكىم دە, ەش نارسە دە تولتىرا الماسى حاق!
اياننىڭ ازاماتتىق كەلبەتى مەن اڭقىلداق مىنەزىن, شاڭىراعىنا دەگەن قامقورلىعىن ساعىنىش پەن قايعىنىڭ اششى جاسىن جۇتا وتىرىپ ءسوز ەتكەن سۇيگەن جارى جۋىردا عانا بوسانىپتى. جاسى 85-كە اياق باسقان قارت اناسى جىلاي-جىلاي كوز جانارى قۇرعاعان. كەيۋانا قىزىعىن كورىپ, كوڭىلىم جاز بولا ما دەپ وتىرعاندا قارا شاڭىراققا يە بوپ جۇرگەن ۇلىنان تاپ وسىلاي كوز جازىپ قالامىن دەپ ويلادى عوي دەيسىز بە؟ ەس توقتاتىپ قالعان ەرەسەك قىزى ءومىر بويى اكەسى جايراڭداپ كىرىپ كەلەردەي, بوساعاعا جاۋتەڭدەپ قاراۋمەن وتپەي مە؟! دۇنيە ەسىگىن جاڭا اشقان ءسابي كۇنى ەرتەڭ اكە جۇرەگىنىڭ جىلۋىن اڭساماي ما. قانسىراپ جاتقاندا اياننىڭ ءوزى دە زارىعىپ كۇتكەن 7 ايلىق ۇلىن: «ءبىر يىسكەسەم-اۋ», دەپ اڭسامادى دەيسىز بە؟!.
قوعامنىڭ قابىرعاسىن قايىستىرىپ كەتكەن بوزداقتاردىڭ قازاسى, اياننىڭ كەۋدەسىنە قادالعان قورعاسىن وق – تۇراقتىلىق پەن تىنىشتىعىمىزعا جاسالعان سوڭعى شابۋىل بولسىنشى!..
قانات ەسكەندىر,
«ەگەمەن قازاقستان»
الماتى قالاسىنىڭ كوشەسىندە قىلمىسكەر سالعان لاڭ جۇرتتىڭ جانىن تۇرشىكتىرۋمەن قاتار, قالىڭ بۇقارانىڭ تەمىر ءتۇيمەلى قۇقىق قورعاۋ قىزمەتكەرلەرىنە دەگەن سەنىمى مەن ەرەكشە قۇرمەتىن جاڭعىرتقانداي بولعانى راس. بۇرىن, سىرت كوزگە تەك پوليتسيا فورماسىندا عانا كورىنەتىن ساقشىلاردىڭ دا جەكە ءومىرى, وتباسى, العا قويعان ماقساتتارى بار ەكەندىگىن تەرەڭنەن سەزىنگەندەي بولدىق. بۇيىعى جاتقان قوعام ءۇشىن پوليتسيا قىزمەتكەرلەرىنە باسقاشا كوزبەن قاراۋ توسىننان تيگەن اۋىر سوققى ارقىلى كەلدى دەسەك تە بولادى. ارينە, وكىنىشتى-اق, الايدا, قوسپاسى جوق اقيقات ەكەنىن دە مويىنداۋىمىز كەرەك...
قانقۇيلى قولىنان قاپىدا قازا تاپقان پوليتسيا سەرجانتى ايان عاليەۆ نەبارى 2 جىلدان كەيىن زەينەتكەرلىك دەمالىسقا شىعادى ەكەن. ىشكى ىستەر ورگانىندا 1997 جىلدان بەرى قىزمەت ەتىپ كەلە جاتقان ايان جايلى قىزمەتتەستەرى, تۋعان-تۋىسى, ءتىپتى, كورشىلەرى دە ونىڭ ازاماتتىق ادال جۇرەگى مەن كىسىگە كومەك بەرۋگە دايار تۇراتىن قاعىلەز مىنەزى تۋرالى ايتۋدا. بالكىم, باتىرلىق دەگەنىمىز دە قاراپايىم ادالدىقتىڭ استارىندا جاسىرىنىپ جاتاتىن ادامي قاسيەتتىڭ كىلتى شىعار.
ءومىرىنىڭ سوڭعى 10 جىلىن الماتى قالاسىنداعى مەملەكەتتىك كىرىستەر باسقارماسىنىڭ عيماراتىن كۇزەتۋگە, ماڭىزدى مەملەكەتتىك قىزمەتكەرلەردىڭ قاۋىپسىزدىگىن قامتاماسىز ەتۋگە ارناعان ايان عاليەۆ ءوزىنىڭ سوڭعى جۇمىس كۇنىندە دە قىزمەتتىك مىندەتىنە ادالدىقپەن, جاۋاپكەرشىلىگىندەگى بەيبىت جانداردىڭ ءومىرىن ساقتاپ قالۋ جولىندا كوز جۇمدى. ەگەر, ايان باسىن بايگەگە تىگىپ توقتاتپاسا, قارۋ اسىنعان قانىشەر قانشا ادامنىڭ ءومىرىن جالمار ەدى؟! باسقارما قىزمەتكەرلەرىمەن قوسا, كۇندەلىكتى جۇمىس بارىسىندا اعىلىپ كەلىپ جاتقان سالىق تولەۋشىلەردىڭ دە باس اماندىعى ءۇشىن كەۋدەسىن وققا بايلاپ, جانىن قۇربان ەتۋ – ەكىنىڭ ءبىرى بارا بەرمەيتىن ۇلكەن ەرلىك.
اياننىڭ ارتىندا اڭىراپ قارت اناسى قالدى, ءوڭ مەن ءتۇستىڭ اراسىندا ەسەڭگىرەپ جارى قالدى, ءومىر بويى ساعىنىشى باسىلماي وتەتىن قوس پەرزەنتى قالدى. كوزى تىرىسىندە «قۇقىق قورعاۋ سالاسىنىڭ ۇزدىگى» اتانىپ, 3 بىردەي مەدالدى كەۋدەسىنە تاققان باتىر ۇلدىڭ ورنىن ەندى ەشكىم دە, ەش نارسە دە تولتىرا الماسى حاق!
اياننىڭ ازاماتتىق كەلبەتى مەن اڭقىلداق مىنەزىن, شاڭىراعىنا دەگەن قامقورلىعىن ساعىنىش پەن قايعىنىڭ اششى جاسىن جۇتا وتىرىپ ءسوز ەتكەن سۇيگەن جارى جۋىردا عانا بوسانىپتى. جاسى 85-كە اياق باسقان قارت اناسى جىلاي-جىلاي كوز جانارى قۇرعاعان. كەيۋانا قىزىعىن كورىپ, كوڭىلىم جاز بولا ما دەپ وتىرعاندا قارا شاڭىراققا يە بوپ جۇرگەن ۇلىنان تاپ وسىلاي كوز جازىپ قالامىن دەپ ويلادى عوي دەيسىز بە؟ ەس توقتاتىپ قالعان ەرەسەك قىزى ءومىر بويى اكەسى جايراڭداپ كىرىپ كەلەردەي, بوساعاعا جاۋتەڭدەپ قاراۋمەن وتپەي مە؟! دۇنيە ەسىگىن جاڭا اشقان ءسابي كۇنى ەرتەڭ اكە جۇرەگىنىڭ جىلۋىن اڭساماي ما. قانسىراپ جاتقاندا اياننىڭ ءوزى دە زارىعىپ كۇتكەن 7 ايلىق ۇلىن: «ءبىر يىسكەسەم-اۋ», دەپ اڭسامادى دەيسىز بە؟!.
قوعامنىڭ قابىرعاسىن قايىستىرىپ كەتكەن بوزداقتاردىڭ قازاسى, اياننىڭ كەۋدەسىنە قادالعان قورعاسىن وق – تۇراقتىلىق پەن تىنىشتىعىمىزعا جاسالعان سوڭعى شابۋىل بولسىنشى!..
قانات ەسكەندىر,
«ەگەمەن قازاقستان»
سوڭعى جاڭالىقتار
تۇلعا • كەشە
اۋا رايى • كەشە
يران ورمۇز بۇعازىن قايتا جاپتى
الەم • كەشە
يران اۋە كەڭىستىگىن ءىشىنارا اشتى
الەم • كەشە
ءال-فارابي داڭعىلىندا جول ەرەجەسىن ورەسكەل بۇزعاندار ۇستالدى
ايماقتار • كەشە
جەردە ماگنيتتىك داۋىل باستالدى
وقيعا • كەشە
