قونىس تويى

ايماق باسشىسى پاۆلودارلىق 105 وتباسىنا, ولاردىڭ ىشىندە 11 اتا-اناسىنىڭ قامقورلىعىنسىز قالعان بالا بار, جاڭا پاتەرلەردىڭ كىلتتەرىن تابىس ەتتى. وبلىس ورتالىعىنداعى جاڭا «سارىارقا» شاعىن اۋدانىنىڭ اۋماعىندا ورنالاسقان ءۇيدىڭ اۋماعى 8,6 مىڭ شارشى مەتردى قۇرايدى. «2020 جىلعا دەيىن ءوڭىر­لەردى دامىتۋ» باعدارلاماسى بويىن­شا سالىنعان ءۇيدىڭ قۇرى­لىسىنا بيۋدجەتتەن 686 ملن. تەڭگە بولىنگەن ەدى. – قالا بويىنشا باسپانا كە­زەگىندە 15 مىڭ ادام تۇر. تۇر­عىن ءۇي قاجەتتىلىگىن ازايتۋ aماقساتىندا الداعى جىلدارى وبلىس ورتالىعىندا 22 جاڭا ءۇي سالىنادى دەپ جوسپارلانىپ وتىر. 9 ءۇي وسى جىلدىڭ اياعىنا دەيىن پايدالانۋعا بەرىلەدى. بۇل 900 وتباسى جاڭا پاتەرلەرمەن قامتاماسىز ەتىلەدى دەگەن ءسوز, – دەيدى وبلىس اكىمى بولات باقاۋوۆ. قونىس تويىن تويلاۋشىلاردىڭ اراسىندا بيۋدجەتتىك ۇيىمدارمەن قاتار, جەكە كاسىپورىنداردىڭ جۇمىسشىلارى دا بار. جايلى پاتەرلەرگە قونىستانۋشىلاردىڭ قۋانىشىندا شەك جوق. بولات باقاۋوۆ جاڭا پاتەردىڭ كىلتىنە يە بولعان ءبىر وتباسىنا باعالى سىيلىق تاپسىردى. – ءبىز بۇل كۇندى اسىعا كۇتتىك, – دەيدى ناتاليا شەپيلوۆا. – مەن ءوزىم اتا-اناسىز ءوستىم. ورتا جانە جوعارى ءبىلىم الدىم, قازىر ماماندىعىم بويىنشا جۇمىس ىستەيمىن. بۇگىنگى تاڭدا «سارىارقا» شاعىن اۋدانىندا جاڭا ۇيلەردىڭ قۇرىلىسى قارقىندى ءجۇرىپ جاتىر. جىل سوڭىنا دەيىن تاعى دا ءتورت جاڭا ءۇي پايدالانۋعا بەرىلەدى دەپ كۇتىلۋدە. «ەگەمەن-اقپارات»