قانت جىرى» بىتەر ەمەس

«كەشە «ەگەمەن قازاقستان» گازەتىندە «قانت نەگە قات؟» اتتى سىن ماقالا جاريالانعان ەدى. ۇلتتىق ەكونوميكا مينيستر­لىگى تابيعي مونوپوليا­لاردى رەت­تەۋ جانە باسەكەلەستىكتى قورعاۋ كومي­تەتىنىڭ قاراعاندى وبلىسى بويىنشا دەپارتامەنتىنىڭ باس­شىسى اسحات جاپسارباي قانت تاپ­شىلىعىنا بايلانىستى ءوڭىر­دە انتيمونوپوليالىق تەرگەۋ باس­­تال­­عانىن مالىمدەدى. «قاراعاندى وبلىسى نارىعىن­دا قالىپتاسقان جاعدايعا بايلا­نىس­­تى ءبىزدىڭ دەپارتامەنت ءىرى قانت جەت­كىزۋ­شىلەرگە قاتىستى تەر­گەۋ­دى باس­تا­دى. ءبىز بۇل ماسەلە­نى ما­ڭىز­دى دەپ سانايمىز. قالىپ­تاسقان جاع­داي قانت باعاسى­نىڭ شەتەلدە كوتەرىلۋى­مەن بايلا­نىس­­تى ەمەس. ءبىز بۇل تاپ­شىلىق قول­دان جاسالعان دەپ ەسەپ­تەيمىز. بۇلاي دەپ ايتۋ ءۇشىن, ارينە, اي­عاق كەرەك. سول ءۇشىن ءىرى قانت جەت­كىزۋ­شىلەرىنە قاتىس­تى تەرگەۋ­دى باستادىق», دەدى ا.جاپ­سارباي. سونىمەن قاتار, ول تەرگەۋ ءجۇر­­­گى­زىلە­تىن كومپانيالاردىڭ دا اتىن اتادى. ولار – «ادال-اس­لان» جشس, «سامادي-1», «ەر اي 2012», «Dias KZ» جانە «Green Foods». تەرگەۋ بارىسىندا بۇل كوم­­پا­نيا­لار قاتارىنىڭ كوبەيۋى دە ءاب­دەن مۇمكىن. ەسكە سالساق, قاراعاندى وبلى­سىن­دا سوڭعى كۇندەرى 1 كيلو قانت­تىڭ باعاسى 340-350 تەڭگەگە شارىق­تاپ كەتكەن ەدى. ءتىپتى, تاۋار­دىڭ بۇل ءتۇرى كوپتەگەن دۇكەن­دەر­دىڭ سورەلەرىنەن جوعالىپ كەتكەن بولاتىن. جاعدايدى تۇراق­تان­دىرۋ قورىنان بولىنگەن 150 توننا قانت تا تۇزەي المادى. مۇنىڭ سە­بە­بىن وبلىستىق كاسىپكەرلىك باس­­قار­­ماسىنىڭ باسشىسى تاتيانا ابلاەۆا بىلايشا ءتۇسىندىردى. «نە­گىزى ارنايى بولىنگەن بۇل قانت پار­تيا­سى تۇتىنۋ قاجەتىن تولى­عىمەن وتەيتىن ەدى. بىراق جۇرت قازىر قانتتى ادەتتەگىدەن كوپ مولشەردە ساتىپ الىپ جاتىر», دەدى ول. قايرات ءابىلدينوۆ, «ەگەمەن قازاقستان» قاراعاندى