ورالدا جوندەلگەن جولدارعا سەگىز جىل كەپىلدىك بەرىلەدى

[caption id="attachment_52021" align="aligncenter" width="700"] فوتو: uralskweek.kz[/caption] باتىس قازاقستان وبلىسىنىڭ ورتالىعى – ورال قالاسىندا جوندەۋدەن وتكەن جولدارعا كەمىندە سەگىز جىل كەپىلدىك بەرىلەدى. جاقىندا قالا اكىمى ناريمان تورەعاليەۆ شاھار بويىنشا كۇردەلى جوندەۋ جۇمىستارى جۇرگىزىلىپ جاتقان بارلىق جولداردى قاراپ شىعىپ, وسىنداي شەشىمگە كەلدى. uralskweek.kz اقپارى بويىنشا بۇعان دەيىن مەردىگەرلەر وزدەرى جىبەرگەن كەم-كەتىكتەر مەن قاتەلىكتەردى قالپىنا كەلتىرگەننەن كەيىن جولداردى پايدالانۋ ۋاقىتى 3 جىل عانا بولاتىن. «وتكەن جىلى جول جوندەۋگە قاتىستى جۇمىستارىن ساپاسىز اتقارعان كەي مەردىگەر كومپانيالارعا ءبىز ارنايى حات جولداپ, كەمشىلىكتەرىن تۇزەۋ تۋرالى ەسكەرتكەن بولاتىنبىز. بۇل قىزمەت كورسەتۋ بويىنشا كەپىلدىك مەرزىمى ءالى اياقتالماعان مەردىگەرلەرگە قاتىستى. الداعى ۋاقىتتا تەندەرگە قاتىساتىن جول سالۋمەن اينالىساتىن بارلىق قۇرىلىسشىلارعا جولدارعا كەمىندە سەگىز جىلعا كەپىلدىك بەرۋ تالابىن قوياتىن بولامىز. جولدار كەمىندە ون جىلعا جارامدى بولۋى كەرەك», – دەپ اتاپ ءوتتى ناريمان تورەعاليەۆ. تەمىر قۇسايىن