قاسىم كۋبوگى – قاراعاندىلىقتاردا

تاياۋدا ارقا تورىندە استانا-قاراعاندى قالاسىنىڭ ونەرپازدارىنان قۇرالعان كوماندالار اراسىندا شاعىن فۋتبولدان V «قاسىم» كۋبوگى ساراپقا سالىندى. كەزەكتى دوپ دوداسى تاۋەلسىزدىگىمىزدىڭ 25 جىل­دى­عىنا جانە الاش ارىسى ءاليحان بوكەيحانوۆتىڭ 150 جىلدىعىنا ارنالدى. «ەڭ ءبىرىنشى, شاحتالى شا­ھارعا قوش كەلدىڭىزدەر. قاسىم امانجولوۆ اتىنداعى تۋرنير تاعى دا ءوزىنىڭ جالعاسىن تاۋىپ جاتىر. بۇل جارىستى ۇيىم­داستىرۋداعى نەگىزگى ماقسات – استانا ونەر جۇلدىزدارى مەن قاراعاندى ونەرپازدارىنىڭ اراسىنداعى دوستىقتى ودان ءارى نىعايتا ءتۇسۋ. وسى ءۇردىستى ءۇزىپ الماي, جىل سايىن جينالىپ تۇرساق, بۇل دا بىرلىگىمىزدىڭ ءبىر بەلگىسى ەمەس پە؟», – دەدى ايتىسكەر اقىن ايتباي جۇماعۇلوۆ. ادەبيەت پەن مادەنيەت وكىل­دەرىن كوك الاڭنان كورۋ قىزى­عارلىق دۇنيە بولدى. ولاي دەي­تىنىمىز, ولار تەك ءان ايتىپ, دومبىرا تارتىپ, قويىلىم قويىپ قانا ەمەس, الا دوپ الامانىندا دا العىرلىق تانىتا الاتىنىن بايقادىق. قوس قالانىڭ نامىسىن قورعايمىز دەپ كەلگەن قوس كوماندانىڭ شيراق قيمىلى مەن شەبەر ادىستەرى «ءا» دەگەننەن كورىنە باستادى. ءبىرىنشى ءبولىمدى, ياعني العاشقى 45 مينۋتتىڭ اياق الىسىنا اقىن رۋسلان نۇرباي كوم­مەنتاتورلىق جاساپ, ويىننىڭ بارىسىن ءازىل ارالاستىرىپ, ءاڭ­گىمەلەپ وتىردى. ال ەكىنشى تايمدا كوممەن­تاتورلىقتىڭ تىزگىنىن «قاسىم» ادەبي-قوعامدىق جۋرنالىنىڭ باس رەداكتورى سەرىك ساعىنتاي ۇستاپ, ەكى كوماندانىڭ ويىن ورنەكتەرىن سىرلى سوزبەن سۋ­رەتتەدى. ونىڭ «الدا جۇرگەن ايتباي ما, قورعانىسقا قايتپاي ما؟» دەپ ۇيقاستىرا سويلەگەنىنە كو­رەرمەندەر قول سوعىپ, ءبىر ك ۇلىپ الدى. +35 گرادۋس ىستىققا قاراماستان, سوڭعى بولىمگە بە­رىلگەن 45 مينۋت ويىن جوعارى دارەجەدە ءوتتى. دەگەنمەن, جارىس بار جەردە جەڭىس تە, جەڭىلىس تە بار ەمەس پە؟ سونىمەن, ءبىر جارىم ساعاتقا سوزىلعان دوپ دوداسى الاڭ يەلەرىنىڭ پايداسىنا شەشىلدى. ەكى تايمدا دا ەرەكشە ەكپىن تانىتقان ەلوردالىقتاردىڭ ەڭسەسى تۇسكەن جوق. جالپى, قورىتىندى بويىنشا 3-2 ەسەبىمەن باسىم تۇسكەن قاراعاندى قالاسىنىڭ كومانداسى كۋبوكتىڭ يەسى اتاندى. باسقا ويىنشىلارعا ءارتۇرلى اتالىم بو­يىنشا ماراپات قاعازدارى تابىس ەتىلدى. دالىرەك ايتساق, «وزگە ەمەس, ءوزىم ايتام ءوز جايىمدى...» ۇزدىك باپكەر – ميراس قۇتتىباي (قاراعاندى وبلىسى, جاستار ساياساتى جونىندەگى باسقارما باسشىسى), «جاس داۋرەن, ريزامىن مەن ساعان...» ەڭ ادەمى گول – نۇربەك ادىلبەك (استانا قالاسى «جاستار» تەاترىنىڭ اكتەرى), «كۇركىرەپ كۇندەي ءوتتى عوي سوعىس...» ۇزدىك قاق­پاشى – مۇراتبەك بەيسەنباەۆ (استانا قالاسى قۋىرشاق تەاترى­نىڭ اكتەرى), «ورتكە تيگەن داۋىلداي...» ۇزدىك شابۋىلشى – قاينار الەتاەۆ («بازار جوق» تەاترىنىڭ اكتەرى), «مەن قالعان ءبىر اتانىڭ عاسىرىمىن...» ۇزدىك ويىنشى – ءادىل احمەتوۆ (استانا قالاسى جاستار تەاترىنىڭ اك­تەرى), «شارلاعان جولىم جاتىر جەر بەتىندە...» ۇزدىك جارتىلاي قورعاۋشى – بەك شمات (استانا قالاسى. ايتىسكەر اقىن), «قيالىم قاقتى قانات...» ۇزدىك جانكۇيەر – مارال داديەۆا (قارا­عاندى مەملەكەتتىك ۋنيۆەر­سي­تەتى, قازاق ءتىلىن دامىتۋ ورتا­لىعىنىڭ مامانى), «تۇسىرگەن وي ساۋلەسىن شارتاراپقا...» ۇزدىك ۇيىمداستىرۋشى – مارعۇلان ءۋالي («بازار جوق» تەاترىنىڭ ستسەناريسى), «قولىمدا نايزا, شاعىلىپ ايعا...»ۇزدىك قورعاۋشى – الماز مىرزاحمەت (اقىن, جازۋشى, «قاسىم» رەسپۋبليكالىق əدەبي-قوعامدىق جۋرنالىنىڭ جاۋاپتى حاتشىسى, ە.بوكەتوۆ اتىنداعى قاراعاندى مەملەكەتتىك ۋنيۆەرسيتەتىنىڭ وقىتۋشىسى). ۇيىمداستىرۋشىلاردىڭ ۇي­عارىمى بويىنشا اتالمىش الا­ماننىڭ كەلەسى كەزدەسۋى جەزقازعان جەرىندە وتەدى دەپ جوسپارلانۋدا. راۋان قايدار, «ەگەمەن قازاقستان» قاراعاندى