جوعارى باسەكەگە جول اشادى

قازاقستان مىندەتتى الەۋمەتتىك مەديتسينالىق ساقتاندىرۋدىڭ ىنتىماقتاس مودەلىن تاڭدادى. نەگىزگى پرينتسيپ – ءۇش جاقتى, ىنتىماقتى جاۋاپكەرشىلىك. دالىرەك ايتقاندا, دەنساۋلىق ساقتاۋ سالاسىنا ءۇش جاقتان قارجى بولىنەدى. مەملەكەت ەكونوميكالىق بەلسەندىلىگى تومەن حالىق ءۇشىن جارنا تولەسە, جۇمىس بەرۋشىلەر – ءوزىنىڭ جۇمىسشىلارى ءۇشىن, سالىق ورگاندارىندا تىركەلگەن ءوزىن-ءوزى قامتىعان ازاماتتار وزدەرى ءۇشىن تولەيتىن بولادى.   ەندى حالىق دەنساۋلىعىنا ءۇش جاق جاۋاپتى: مەملەكەت, جۇ­مىس بەرۋشى جانە ءاربىر ازامات. مەم­لەكەت ءوزىنىڭ ازاماتتارى ءۇشىن جارنا تولەسە, جۇمىس بەرۋشىلەر – ءوز جۇمىسشىلارى ءۇشىن, ال ءاربىر ازامات ءوز دەنساۋلىعىنا كوڭىل ءبولىپ, دۇرىس تاماقتانىپ, سپورتپەن شۇعىلدانىپ, سالاماتتى ءومىر سالتىن ۇستانىپ, ۋاقتىلى پروفيلاكتيكالىق تەكسەرۋلەردەن وتۋگە مىندەتتى. 2017 جىلدىڭ 1 قاڭتارىنان باس­تاپ مەملەكەت, جۇمىس بەرۋ­شىلەر, ءوزىن ءوزى جۇمىسپەن قام­تىعان ازاماتتار الەۋمەتتىك مە­ديتسينالىق ساقتاندىرۋ قورىنا بەكىتىلگەن نورماتيۆتەرگە سايكەس جارنا تولەۋدى باستايدى. مىندەتتى الەۋمەتتىك مەدي­­تسينالىق ساقتاندىرۋ ءاربىر قا­زاق­ستان ازاماتىنىڭ قان­داي جاعداي بولسا دا ماماندان­دى­رىلعان مە­دي­تسينالىق كومەك الۋىنا ءمۇم­كىندىك بەرەدى. مىندەتتى الەۋمەتتىك مەدي­تسي­نالىق ساقتاندىرۋ – دەن­ساۋ­لىق ساقتاۋ سالاسىن قارجى­لاندىرۋدىڭ جاڭا مودەلى. تۇر­عىندار ءۇشىن ارنايى قورعا جي­نالعان قاراجات ەسەبىنەن تەگىن مەديتسينالىق كومەك الۋدى قام­تاماسىز ەتەتىن جۇيە. مىندەتتى الەۋ­مەتتىك مەديتسينالىق ساقتان­دىرۋ قورى دەنساۋلىق ساقتاۋ جۇيەسىنىڭ بيۋدجەتىن كوبەيتەدى. بۇل جۇيە ارقىلى ازاماتتارعا مەديتسينالىق قىزمەتتىڭ ەكى ءتۇرلى پاكەتى ۇسىنىلادى, اتاپ ايتقاندا, رەسپۋبليكالىق بيۋدجەتتەن قارجىلاندىرىلاتىن مەديتسينالىق كومەكتىڭ مەملەكەت كەپىلدەندىرگەن كولەمىن ۇسىناتىن بازالىق پاكەتى جانە ساقتاندىرۋ پاكەتى. سونىمەن قاتار, ەگەر ازا­­ماتتار ەرىكتى ساقتاندىرۋعا قاتى­ساتىن بولسا, ءمامس جۇيە­سىندە قاراستىرىلماعان مەدي­تسينالىق كومەك الا الادى. ول جەكە ساقتاندىرۋ كومپانيالارىمەن بەكىتىلگەن كەلىسىمشارت نەگىزىندە جۇزەگە اسىرىلادى. ارينە, مەديتسينالىق ساقتان­دىرۋ جۇيەسىندە ءبىز بۇرىن دا جۇمىس ىستەپ كورگەنبىز. بىراق, ول كەزدە حالىق دايىن ەمەس بول­عاندىقتان, كوپكە ۇزامادى. سول كەزدە مەن مەديتسينالىق ساق­تاندىرۋدى ەڭگىزۋ توبىنىڭ مۇشەسى رەتىندە قىزمەت اتقارعان بولاتىنمىن. مىندەتتى الەۋمەتتىك مەدي­تسينالىق ساقتاندىرۋ جۇيەسىندە مەديتسينالىق مەكەمەلەرگە قويىلاتىن تالاپتار دا جوعارى. ءمامس اياسىندا ساقتاندىرىلعان ازاماتتارعا جوعارى تەحنولو­گيالىق مەديتسينالىق قىز­مەت­تەر, ستاتسيوناردى الماستىراتىن تەحنولوگيالار, ۇزاق مەر­زىمدى كۇتىم, امبۋلاتورلىق ءدارى­لەر­مەن قامسىزداندىرىلعان امبۋلاتورلىق-ەمحانالىق كومەك كورسەتىلەتىن بولادى. جاڭا تەحنولوگيالاردى ەن­گىزۋگە ىقپال ەتىپ, مەديتسينالىق قىزمەتتەردى ۇسىنۋشىلار ارا­سىنداعى باسەكەلەستىكتى ارتتىرۋ ەسەبىنەن مەديتسينالىق قىز­مەتتىڭ ساپاسىن كوتەرۋگە, مە­دي­تسينالىق قىزمەتكەرلەردىڭ كا­سىبي دەڭگەيى مەن جالاقىسىن ارتتىرۋعا كومەكتەسەدى دەپ كۇ­تىلۋدە. مەديتسينالىق مەكەمەلەر جوعارى ساپالى مەديتسينالىق قىزمەت كورسەتۋگە ىنتالانادى. سول سەبەپتەن ناعىز باسەكەلەستىك وسى كەزدەن باستالادى. مىندەتتى الەۋمەتتىك مەدي­تسينالىق ساقتاندىرۋ جۇيەسىندە مەديتسينالىق كومەك كورسەتۋ جونىندەگى قىزمەتتەردى ساتىپ الۋ كەزىندە «حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ كودەكسىنە سايكەس دەنساۋلىق ساقتاۋ سالاسىندا اككرەديتتەۋدەن وتكەن مەكەمەلەر باسىم قۇقىققا يە بولادى. مىندەتتى الەۋمەتتىك مەديتسي­نالىق ساقتاندىرۋ جۇيەلى تۇردە جۇمىس ىستەي باستاعاسىن ازاماتتار ساقتاندىرۋ ءپوليسى ارقىلى تولىق جانە ساپالى تەگىن مەديتسينالىق كومەكتىڭ قولجەتىمدىگىنە كوزى جەتىپ, ءوز قالتاسىنان جەكەمەنشىك مەديتسينالىق قىزمەتتەرگە ءجۇ­گىنۋدى ازايتادى. سول كەزدە جالپى ىشكى ءونىمنىڭ دەنساۋلىق ساقتاۋعا جالپى شىعىندارى ءوسۋى مۇمكىن. ازاماتتاردىڭ مىندەتتى الەۋ­مەتتىك مەديتسينالىق ساقتان­دىرۋ جۇيەسىندە العاشقى مەديتسينالىق-سانيتاريالىق كومەك ۇيىمىن تاڭداۋعا قۇقىعى بەرىلگەن جانە ولاردى العاشقى مەديتسينالىق-سانيتاريالىق كومەك ۇيىمىنا بەكىتۋ ءتارتىبىن ۋاكىلەتتى ورگان ايقىندايدى. سونىمەن قاتار, ازاماتتاردىڭ جوسپارلى تۇردە مەديتسينالىق كومەك الۋ جاعدايلارىندا ءمىن­دەتتى الەۋمەتتىك مەديتسينالىق ساقتاندىرۋ جۇيەسىندە ستاتسيو­نارلىق كومەك كورسەتەتىن مەدي­تسينالىق ۇيىمدى تاڭداۋعا دا قۇقىقتار بەرىلگەن. انۋاربەك مايماقوۆ, وقو بالالار كلينيكالىق اۋرۋحاناسىنىڭ باس دارىگەرى وڭتۇستىك قازاقستان وبلىسى