حرام توڭىرەگىندەگى جانجال

تايلاند پەن كامبودجا اراسىندا بىرنەشە كۇننەن بەرى ءجۇرىپ جاتقان اتىس سالدارىنان كەم دەگەندە بەس ادام قازا تاپتى, دەپ حابارلايدى ياكۋتيا اقپارات اگەنتتىگى. مىلتىق پەن ارتيللەريالىق قارۋلاردى پايدالانا وتىرىپ بولىپ جاتقان اتىس يۋنەسكو-نىڭ الەمدىك مادەني مۇرالار تىزىمىنە ەنگەن ءحى عاسىرداعى پرەا ۆيحەار حرامى اۋدانىندا ورىن الۋدا. قاقتىعىس حرام توڭىرەگىندە تۋىنداعان جارتى عاسىر بويعى داۋ-جانجالدار سالدارىنان ورىن الىپ وتىر. 1962 جىلى حالىق­ارالىق سوت اۋماقتىق تالاس-تارتىستى كامبودجانىڭ پايداسىنا شەشكەن بولاتىن. حرامنىڭ كامبودجا جەرىندە ورنالاسىپ, وعان كىرەتىن ەسىكتىڭ تايلاند اۋماعىندا قالۋى دا داۋ-جانجالدارعا تۇرتكى بولۋدا. اۆستراليادا ءورت ءورشىپ تۇر ەلگە زور اپاتتار اكەلگەن سۋ تاسقىنى مەن تسيكلونداردان كەيىن اۆستراليانىڭ با­تىس بەتكەيىندە تۇتانعان ءورت ءورشي ءتۇسۋ­دە, دەپ حابارلايدى ۆۆس اگەنتتىگى. ءورت ءسون­دىرۋشىلەر وتتىڭ تارالىپ كەتپەۋى ءۇشىن كۇرەسۋدە. قازىرگى مالىمەتتەرگە قاراعاندا ادام شىعىندارى جوق, بىراق قاۋلاعان وت 20 تۇرعىن ءۇيدى جالماپ كەتكەن كورىنەدى. ءجۇز قارالى ادام قاۋىپسىز جەرلەرگە كوشىرىلگەن. ورتكە قارسى تىكۇشاقتار قولداۋىمەن 150 ءورت ءسوندىرۋشى تىنىمسىز كۇرەس جۇرگىزۋدە. سوڭعى مالىمەتتەر بويىنشا ءورت 800 گەكتار القاپتى قامتىعان. ۋكراينانى توراعالىققا دايىنداماق ەۋروپاداعى قاۋىپسىزدىك جانە ىنتىماقتاستىق ۇيىمىنىڭ توراعاسى—ليتۆانىڭ سىرتقى ىستەر ءمينيسترى اۋدرونيۋس اجۋباليس رەسمي ساپارمەن ۋكرايناعا كەلدى, دەپ حابارلايدى proUA اگەنتتىگى. ساپار بارىسىندا اجۋباليس ۋكراينا پرەزيدەنتى ۆيكتور يانۋكوۆيچپەن, ەل پرەمەر-ءمينيسترى نيكولاي ازاروۆپەن, سىرتقى ىستەر ءمينيسترى كونستانتين گريششەنكومەن, جوعارعى رادا توراعاسى ۆلاديمير ليتۆينمەن, سول سياقتى ساياسي پارتيالار مەن ازاماتتىق قوعام وكىلدەرىمەن كەزدەسپەك. تالقىلاناتىن ماسەلەلەر قاتارىن­دا ۋكراينانى  2013 جىلعى  ەقىۇ توراعالىعىنا دايىنداۋ ماسەلەسى دە بار.