باتىس قازاقستاندا ەكى مىڭنان استام وتباسىعا جەر تەلىمى بەرىلەدى

[caption id="attachment_51941" align="aligncenter" width="699"] فوتو: venturebeat.com[/caption] باتىس قازاقستان وبلىسىندا كەزەكتە تۇرعان 2278 وتباسىعا جەر تەلىمى بيىل بەرىلەتىن بولدى. وسىعان بايلانىستى ۇكىمەت قورىنان قوسىمشا 1,2 ميلليارد تەڭگە بولىنگەن. «نۇرلى جول» باعدارلاماسى بويىنشا بولىنگەن قارجى ينجەنەرلىك-كوممۋنيكاتسيالىق جۇيەلەردى تارتۋعا جۇمسالادى. 24.kz اقپارىنا سايكەس, اق جايىق وڭىرىندە تۇرعىندارعا جەر تەلىمى ەڭ كوپ بەرىلەتىن – ءبورىلى اۋدانى. بۇل ماڭايدا بيىل 1623 ادام جەكە ءۇي سالاتىن جەر الادى. ال وبلىس ورتالىعىنىڭ زەليونوۆ اۋدانىندا وسى جىلدىڭ سوڭىنا دەيىن كەزەكتە تۇرعان ازاماتتارعا 360 جەر تەلىمى ۇلەستىرىلۋى ءتيىس. ول اۋدان ورتالىعى پرەمەتنىي, ۆولودار جانە بەلەس اۋىلدارىنان ازىرلەنىپ جاتىر. «نۇرلى جول» باعدارلاماسى بويىنشا اۋدانعا ەلەكتر جەلىلەرى جانە سۋمەن قامتاماسىز ەتۋ جونىندە 250 ميلليون تەڭگە بولىندى. ۆولودار اۋىلىنان 200-گە جۋىق ادامعا بەرىلەدى. پەرەمەتنىي اۋىلىنان 200, سونىڭ 100 ۋچاسكەسىن قۇرىلىس اياقتالعاننان كەيىن بەرۋدى باستايمىز», – دەدى زەلەنوۆ اۋداندىق جەر قاتىناستارى ءبولىمىنىڭ باسشىسى قايرات تولەگەنوۆ. تەمىر قۇسايىن