دەپۋتاتتار ەل وڭىرلەرىن ارالاۋدا

پارلامەنت ءماجىلىس توراعا­سى­نىڭ ورىنباسارى, «نۇر وتان» پارتيا­سى فراكتسياسىنىڭ جەتەك­شىسى گ.يسيمباەۆا باستاعان ءماجىلىس دەپۋ­تات­تارى الماتى قا­لا­سىندا ۋنيۆەر­سيادا – 2017-گە ارناپ سالىنىپ جاتقان نىسانداردى ارالادى. دەپۋتاتتار گ.يسيمباەۆا, ز.امانجولوۆا, و.شيشيگينا, ا.پلاتونوۆ الدىمەن 12 مىڭ ادامدىق مۇز ارەناسىندا بولدى. بۇل مۇز جامىلعىلاردى ۆولەيبولعا, باسكەتبولعا, ميني-فۋتبول مەن باسقا دا سپورت ويىندارىنا ارنالعان الاڭدارعا اينالدىرۋ مۇمكىندىگى بەرىلە وتىرىپ جوبالانعان كوپفۋنكتسيونالدى امبەباپ كەشەن. قۇرىلىستا جارىقپەن جانە دىبىسپەن جاراقتاندىرۋدىڭ جانە سۋديالىقتى تەحنيكالىق جاعىنان قامتاماسىز ەتۋدىڭ ەڭ جاڭا تەحنولوگيالارى قولدانىلعان. مۇز ارەناسى ەڭ زاماناۋي سپورت جابدىعىمەن جانە مۇكامالىمەن جاراقتاندىرىلاتىن بولادى. حالىق قالاۋلىلارىنىڭ بۇكىل­الەمدىك قىسقى ستۋدەنتتىك جارىس­تاردى ۇيىمداستىرۋشىلارمەن بولعان اڭگىمەسىندە سالىنىپ جاتقان وسى نىسانداردى ويىندار وتكىزىلگەننەن كەيىن پايدالانۋ, ولاردىڭ حالىققا, ونىڭ ىشىندە مۇمكىندىگى شەكتەۋلى ادامدارعا تەحنيكالىق جاعىنان قولجەتىمدى بولۋى جونىندە ماسەلەلەر قوزعالدى. ۋنيۆەرسيادا-2017-ءنى دايىنداۋ جانە وتكىزۋ جونىندەگى ديرەكتسيانىڭ باسشىسى نايل نۋروۆتىڭ ايتۋىنشا, سپورت كەشەنىنىڭ ينفرا­قۇرىلىمى حالىقارالىق دەڭگەيدە جارىستار وتكىزۋگە مۇمكىندىك بەرەدى. ول الماتى قالاسىنىڭ تۇرعىندارى مەن مەيماندارى ءۇشىن جىل بويى سپورتپەن اينالىسۋعا جانە ويىن-ساۋىق ءىس-شارالارىن وتكىزۋگە ارنال­عان ورتالىققا اينالادى. «ايتەۋىر, ءبىزدىڭ بالالارىمىزعا زاماناۋي ءبىر نارسە قالاتىن بولدى. ەندى مانەرلەپ سىرعاناۋدى, ءجۇزۋ مەن باسقا دا سپورت تۇرلەرىن دامىتۋعا بولادى. ءبىز قازاقستاننىڭ اۋماعىندا دا لايىق­تى سپورت­شىلار تاربيەلەي الاتىن بولامىز», – دەدى ولگا شيشيگينا. سول كۇنى پارلامەنتشىلەر «راحات» كونديتەرلىك فابريكاسىنىڭ ۇجىمىمەن دە كەزدەستى. وندا «100 ناقتى قادام» ۇلت جوسپارىن, پرەزي­دەنت جولداۋىنىڭ نەگىزگى باعى­ت­تارىن, سونداي-اق, «نۇر وتان» پار­تياسىنىڭ سايلاۋالدى تۇعىرنا­ماسىن ورىنداۋ جونىندە ءسوز بولدى. «نۇر وتان» پارتياسىنىڭ ساي­لاۋالدى باعدارلاماسىندا بەلگى­لەنگەن بيىك ماقساتتارعا جەتۋ ءۇشىن بارلىق جەردە كاسىپكەرلەردىڭ جۇمىسىنا بارىنشا قولايلى جاعدايلار جاسالۋعا ءتيىس. بۇل ىستە سوڭعى جىلدارى وڭىرلەردە بيلىك قۇرىلىمدارى بيزنەسكە قولداۋ كورسەتىپ, ونىڭ تىلەگىنە قۇلاق اسىپ وتىر. «راحات» فابريكاسى حالىقتىڭ ەكونوميكالىق جانە الەۋمەتتىك كوڭىل-كۇيىنىڭ وزىندىك بارومەترى بولا الادى. ەگەر ءونىم سۇرانىسقا يە بولىپ, ادامدار ونى ساتىپ الىپ جاتسا, دەمەك, ولاردىڭ تاتتىدەن ءدام تاتۋعا مۇمكىندىگى بار دەگەن ءسوز, بۇل جاھاندىق داعدارىسقا قاراماستان, حالىق پەن ەلدىڭ ەكونوميكالىق جاي-كۇيىنىڭ تۇراقتى ەكەنىن بىلدىرەدى», – دەپ اتاپ ءوتتى گ.يسيمباەۆا. بۇدان سوڭ دەپۋتاتتار قازاق­ستاندا ديابەتتەن زارداپ شەگەتىن ادامدار ءۇشىن ارنايى ءونىم شىعا­رۋدى يگەرگەن بىردەن-ءبىر كوندي­تەرلىك كاسىپورىن بولىپ تابىلاتىن «راحاتتىڭ» وندىرىستىك تسەحتارىندا بولدى. بۇل اسسورتيمەنتكە كالورياسى ازايتىلعان جانە قۇرامىنداعى قانت ونىمەن تەڭدەس تابيعي شيكىزاتپەن الماستىرىلعان بىرنەشە شوكولاد, كامپيت, پەچەنە مەن ۆافلي اتاۋى كىرەدى. پارلامەنت ءماجىلىسىنىڭ دەپۋتاتتارى, «نۇر وتان» پارتياسى فراكتسياسىنىڭ مۇشەلەرى گ.ششەگەلسكي مەن س.سيمونوۆ اقتوبە وبلىسىنداعى ساپارى بارىسىندا قارعالى اۋدانىنداعى «نۇرلى جول» ينفراقۇرىلىمدى دامىتۋ مەملەكەتتىك باعدارلاماسىنىڭ نىساندارىندا بولدى. حالىق قالاۋلىلارى بادامشا اۋىلىنداعى كۇردەلى جوندەۋ­دەن وتكىزىلىپ جاتقان جىلۋ جۇيەسى­نىڭ جۇمىس قارقىنىمەن تانىس­تى, سونىمەن قاتار, قوسەستەك ەلدى مەكەنىنىڭ تۇرعىندارىمەن كەزدەسۋلەر وتكىزدى. دەپۋتاتتار ءما­جى­لىستە قابىلداناتىن ماڭىزدى زاڭ جوبالارى تۋرالى ايتىپ, تۇرعىنداردىڭ سۇراقتارىنا جاۋاپ بەردى.سونىمەن قاتار, «نۇر وتان» پارتياسىنىڭ سايلاۋالدى باعدارلاماسىنىڭ نەگىزگى باعىت­تارىن, «100 ناقتى قادام» ۇلت جوسپارىنىڭ ورىندالۋ بارىسىن تالقىلادى. ءماجىلىس دەپۋتاتى ز.باليەۆا الماتى وبلىسىنا جاساعان ساپارىندا «كەرۋەن+» پلاستماسسا بۇيىمدارىن ءوندىرۋ زاۋىتىندا بولىپ, مەكتەپتەر قۇرىلىسىنىڭ بارىسىمەن تانىستى, سونداي-اق, بالالاردىڭ جازعى دەمالىس لاگەرلەرىنە دە اتباسىن بۇردى. ول كاسىپورىن شىعاراتىن با­لا­­لار­عا ارنالعان تاۋارلاردىڭ قاۋىپ­سىزدىگىنە ەرەكشە نازار اۋداردى جانە قۇرى­لىس الاڭدارىندا «نۇرلى جول» باعدارلاماسى اياسىندا سالىنىپ جات­قان, جوندەۋ جۇ­مىستارى جۇرگىزىلىپ جاتقان مەك­تەپتەردىڭ ساپاسى مەن ولاردى ۋاقتىلى پايدالانۋعا بەرۋ ماسە­لە­لەرىنە قىزىعۋشىلىق تانىت­­تى. ءماجىلىس دەپۋتاتى بالالاردىڭ جاز­عى دەمالىس لاگەرلەرىندە بو­­لىپ, ونداعى دەمالىستىڭ جاقسى ۇيىم­داس­­تىرىلىپ جاتقانىن اتاپ ءوتتى. ءماجىلىس دەپۋتاتى ج.دۇيسەباەۆ اقمولا وبلىسىندا بۇلاندى اۋدا­نى­نىڭ اگرارشىلارىمەن كەزدەستى. كاپيتونوۆكا اۋىلدىق وكرۋگىن­دە ورنالاسقان «جۋراۆلەۆكا-1» جشس-دا وتكەن كەزدەسۋدە زاڭ­نا­ماعا دايىندالىپ جاتقان وزگەرىس­تەر, سونداي-اق, جەرگىلىكتى ءوزىن ءوزى باسقارۋ ورگاندارى توڭىرەگىندە اڭگىمە قوزعالدى. اۋىل تۇرعىن­دارى­­نىڭ الاڭداۋشىلىعىن تۋعىزا­تىن وزەكتى ماسەلەلەردىڭ ءبىرى – جايى­ل­ىم­­داردىڭ تاپشىلىعى. دەپۋتات اتاپ وتكەندەي, قازىرگى ۋاقىت­تا جايى­لىمدار تۋرالى جاڭا زاڭ جوباسى جۇمىسقا الىندى, ونىڭ قابىل­دانۋى وسى پروبلەمانى شەشۋگە مۇمكىندىك بەرەدى. جەرگىلىكتى ءوزىن ءوزى باس­­قارۋ ورگاندارى جايلى ايتا كەلىپ, ج.دۇيسەباەۆ 2018 جىلدان باستاپ زاڭ­ناماداعى وزگەرىستەرگە بايلانىس­تى ولاردىڭ ءوز بيۋدجەتتەرi بولاتى­­نىن جانە ونى قاجەتتىلىكتەرگە قاراي ءوز بەتىنشە بولەتىندەرىن حابارلادى. تۇستەن كەيىن دەپۋتات «نۇر وتان» پارتياسى فيليالىنىڭ قوعام­­­دىق قابىلداۋ بولمەسىندە ازا­­مات­تاردى جەكە ماسەلەلەرى بويىنشا قابىلدادى. سەنات دەپۋتاتى جابال ەرعاليەۆ «قازاقستان» تەلەراديوكور­پوراتسياسىنىڭ اقمولا وبلىستىق بولىمىندەگى «وزەكتى اڭگىمە» باعدارلاماسىنا قاتىستى. حابار بارىسىندا سەناتور VI شاقىرىلعان پارلامەنتتىڭ جوعارعى پالاتاسىنىڭ ءبىرىنشى سەسسياسىنىڭ قورىتىندىسى جايىندا ايتا كەلىپ, سەناتتا اتقارىلعان اۋقىمدى جۇمىستارعا توقتالدى. ونىڭ ايتۋىنشا, ەلباسى ن.ءا.نازارباەۆتىڭ ستراتەگيالىق رەفورمالارى مەن «100 ناقتى قادام» ۇلت جوسپارىنىڭ ورىندالۋىن قامتاماسىز ەتۋ ءۇشىن قاجەتتى زاڭدار ۋاقىتىندا قابىلداندى. سەنات دەپۋتاتتارى ءماجىلىستىڭ جاڭا قۇرامى ىسكە كىرىسكەنشە ەلىمىزدىڭ الەۋمەتتىك-ەكونوميكالىق دامۋىن قامتاماسىز ەتۋگە قاجەتتى 57 زاڭ, ال پارلامەنت جىل باسىنان بەرى 73 زاڭ قابىلدادى. جوعارعى پالاتانىڭ ۇيىمداس­تىرۋىمەن استانادا «دىندەر تەرروريزمگە قارسى» اتتى حالىقارالىق كونفەرەنتسيا ءوتتى. الەمنىڭ 41 مەملەكەتىنەن كەلگەن 200-دەن استام دەلەگات يادرولىق قارۋدى تاراتپاۋ جانە قارۋسىزدانۋ, تەرروريزم­گە قارسى كۇرەستى ورىستەتۋدەگى قازاق­ستاننىڭ جانە ەلباسى نۇرسۇلتان نازارباەۆتىڭ ايرىقشا ءرولىن جوعارى باعالادى. قازاقستان پرەزي­دەنتى­نىڭ «الەم. XXI عاسىر» ماني­فەسى­نىڭ تاريحي ماڭىزى اتاپ ءوتىلدى. – قازاقستاننىڭ بىرىككەن ۇلتتار ۇيىمى باس اسسامبلەياسىنىڭ قاۋىپ­سىزدىك كەڭەسىنىڭ تۇراقتى ەمەس مۇشەسى بولىپ سايلانۋى ەلباسىنىڭ ۇزاق جىل­داردان بەرى جۇرگىزىپ كەلە جاتقان كەمەل ساياساتىنىڭ جەمىسى, پرەزي­دەنتىمىز نۇرسۇلتان نازارباەۆ­تىڭ جەڭىسى, – دەپ اتاپ ءوتتى سەناتور. تەلەحابار بارىسىندا ج.ەر­عاليەۆ تەلەكورەرمەندەردىڭ جەر مەن تىلگە, ءوڭىردىڭ الەۋمەتتىك-ەكو­نو­ميكالىق سالاسىنا قاتىستى سۇراق­تارىنا جاۋاپ قايتاردى. «ەگەمەن-اقپارات»