مينيستر وقيعانىڭ ەگجەي-تەگجەيىن باياندادى

  ەلىمىزدىڭ ىشكى ىستەر ءمينيسترى قالمۇحانبەت قاسىموۆ الماتىدا شۇعىل بريفينگ وتكىزىپ, وڭتۇستىك استانادا 18 شىلدە كۇنى ورىن العان وقيعالاردىڭ ەگجەي-تەگجەيىن باياندادى. – اتىس كەزىندە 8 ادام, سونداي-اق قولعا ءتۇسىرۋ بارىسىندا قىل­مىسكەر جارالاندى. 3 پولي­تسەي, 1 شەكاراشى مەرت بولدى. سوڭعىسى ونىڭ ءاۆتوموبيلىن تارتىپ الماق­شى بولعان كەزدە قارسىلىق كور­سەتتى,– دەدى مينيستر بريفينگتە. – سونداي-اق, ءارتۇرلى دەڭگەيدەگى جاراقاتتارمەن 6 پوليتسەي جانە 3 جاي ادام اۋرۋحاناعا جاتقىزىلدى. بۇلاردىڭ قاتارىندا قىلمىسكەر دە بار. تەرروريزمگە قارسى كۇرەس ءجو­نىن­­دەگى الماتى قالالىق جەدەل شتا­بى­نىڭ رەسمي وكىلى سالتانات ازىربەكتىڭ مالىمدەۋىنشە, قىل­مىس­كەر وسىنىڭ الدىندا وزبەكستان ازاماتشاسىن ولتىرگەن. بۇعان دەيىن ول ءارتۇرلى قىلمىستارى, سونىڭ ىشىندە كىسى توناعانى جانە زاڭ­سىز قارۋ ساقتاعانى ءۇشىن 5 جىل 11 اي مەرزىمدىك جازاسىن وتەگەن. قىل­مىسكەردىڭ ايتۋىنشا, ول وسى جىلداردا كەتكەن كەگى ءۇشىن پولي­تسەي­لەردى ولتىرۋگە بەكىنىپ شىققان. قالاي دەسەك تە, بۇل ادام تۇزەلۋ جولىنا تۇسپەگەن, جازاسىن وتەۋ ورىندارىندا تەرىس جاعىنان سيپاتتالعان. ىشكى ىستەر ءمينيسترى 18 شىلدەدە الماتىدا بولعان وقيعالاردى رەت-رەتىمەن ءتىزىپ ايتتى. المالى اۋداندىق ىشكى ىستەر ءبولىمىنىڭ قىزمەتكەرىنە شابۋىل جاساعان ساتتەن ول ۇستالعانعا دەيىن 24 ءمينوت وتكەن. اۋداندىق ىشكى ىستەر بولىمىنە قىلمىسكەر الدىن الا قارۋ­لانىپ كەلىپ, پوليتسەيدى اتقان جانە ونىڭ قارۋىن العان. ول پولي­تسەيدى اتقان پيستولەت كەيىن­نەن اۋدان­­دىق ىشكى ىستەر ءبولىمى عيما­راتى­­­نىڭ جانىنان تابىلدى. ودان ءارى قىلمىسكەر الماتى اۋداندىق ىشكى ىستەر ءبولىمىنىڭ عيماراتىنا قاراي بىرنەشە رەت وق اتقان, سونىڭ سالدارىنان 1 جاي ادام جانە 1 پوليتسيا قىزمەت­كەرى جاراقات العان. قارۋمەن قورقىت­قان قىلمىسكەر ءاۆتوموبيلدى باسىپ الىپ, جۇرگىزۋشىگە ۇلتتىق قاۋىپ­سىزدىك كوميتەتى دەپار­تامەنتىنە قاراي جۇرۋگە بۇيىرعان. جول بويى, قۇرمانعازى-ءشارىپوۆ كوشەلەرىنىڭ قيىلىسىندا ول پوليتسيا ءپاترۋلىن اتادى, سونىڭ سالدارىنان 2 قىز­مەت­كەر جارالانعان. ودان ءارى بايزاقوۆ كوشەسىنىڭ بويىندا ول تاعى ءبىر ەكيپاجدى اتقىلايدى. بۇل جەردە ءبىر قىزمەتكەر – پوليتسيا سەرجانتى سالىنباەۆ تابان اۋزىندا قازا تاۋىپ, ونىڭ ارىپتەسى اۋىر جارالاندى. سودان كەيىن قىلمىسكەر ماشينا اۋىستىرادى. بىراق جۇرگىزۋشى جاي كيىم كيگەن شەكارا قىزمەتكەرى بولىپ شىعىپ, ول قىلمىسكەرگە قارسىلىق كورسەتىپ, سول ارادا مەرت بولادى. ودان سوڭ قىلمىسكەر تاعى ءبىر جاي ادامدى ولتىرەدى. ابىلاي حان كوشەسىنىڭ بويىندا ارناۋلى باتالون قىزمەتكەرلەرى ماشينانى توقتاتۋعا ارەكەتتەنەدى. بۇل ارادا دا پوليتسيا قىزمەتكەرى قازا تاۋىپ, ەكىنشىسى جاراقات الادى. وسى كەزدە مەملەكەتتىك كىرىستەر دەپارتامەنتى عيماراتى جاعىنان پوستىدا تۇرعان قىزمەتكەر جۇگىرىپ شىعىپ, قىلمىس تۋرالى ايقايلاپ ايتادى. وعان دا بىرنەشە وق ءتيىپ, كوز جۇمادى. ال ونىڭ ارىپتەسى قىل­مىس­كەردى ۇستايدى. ءسويتىپ, قورىتىندىسىندا 5 ادام – 3 پوليتسيا قىزمەتكەرى, 1 جاي ادام جانە قازاقستان ۇقك دەپار­تامەنتى شەكارا قىزمەتىنىڭ 1 قىزمەتكەرى قازا تاپتى. زارداپ شەككەندەر اراسىندا التى پوليتسيا قىزمەتكەرى جانە ءبىر جاي ادام بار. ۇستاۋ بارىسىندا قىلمىسكەر دە جاراقات الدى. تالعات ءسۇيىنباي, «ەگەمەن قازاقستان» الماتى