«نۇر وتان» پارتياسى توراعاسىنىڭ ءبىرىنشى ورىنباسارى م.ا.قۇل-مۇحاممەدتىڭ 2016 جىلى 18 شىلدەدەگى الماتىدا بولعان قايعىلى وقيعاعا قاتىستى ۇندەۋى

  قۇرمەتتى وتانداستار! «نۇر وتان» پارتياسى الماتىدا تەرروريس­تەردىڭ قولىنان قازا تاپقان قۇرباندار­دىڭ تۋعاندارى مەن جا­قىندارىنا قايعىلارىنا ورتاقتاسىپ, كوڭىل ايتادى. مەملەكەت باسشىسى ەلدى دۇرلىكتىر­گەن قان­دى وقيعاعا وراي قاۋىپسىزدىك كە­ڭە­سىنىڭ شۇعىل وتى­رىسىن وتكىزدى. وندا ەلباسى الما­تى­­دا ءجا­نە بۇكىل ەلى­مىز بويىنشا قاۋىپ­سىز­دىك­تى قام­تاما­­­سىز ەتۋگە قاتىستى ناقتى تاپ­سىرمالار بەردى. پرەزيدەنت قازىرگى تاڭدا «قاۋەسەت تاراتۋ­شىلاردىڭ جولىن كەسىپ, ارانداتۋشىلاردى انىقتاۋ ماڭىزدى» ەكەنىن اتاپ ءوتتى. پار­تيامىزدىڭ توراعاسى: «ءتارتىپتى رەتكە كەل­تىرۋ ءۇشىن ەڭ قاتاڭ شارالار قابىلدانىپ جاتقانىنا حالىق سەنىمدى بولۋعا ءتيىس», – دەدى. مەملەكەت باسشىسىنىڭ مالىمدە­مەسىن تولىعىمەن قولداي وتىرىپ, ءبىز ادامگەر­شىلىك­تەن ادا وسىناۋ تەررورلىق اكتىنى جاساعان قاندىقول قىلمىسكەرلەر بارشا قازاقستان حالقىنا قارسى شىقتى دەپ سانايمىز. تەرروريستەر قاتاڭ جازالانۋى ءتيىس. ولار ءبىزدىڭ ءبىرتۇتاس قوعامعا قاۋىپ ءتوندىرىپ, ۇرەي تۋعىزۋدى كوزدەدى. بىراق, لاڭكەستەردىڭ بۇل ارەكەتتەرىنەن تۇك تە شىققان جوق. الماتىداعى قايعىلى وقيعا قازاقستان­دىق­تاردى ودان ءارى بىرىكتىرە ءتۇستى. بىرلىك, بەيبىتشىلىك جانە تۇراق­تىلىق – ءبىزدىڭ ەلىمىز­دىڭ باستى قۇندى­لىقتارى. بۇل قاسيەتتى ۇعىمدارعا ەش­كىمنىڭ سىزات تۇسىرۋىنە قۇقى جوق. قاراپايىم حالىقتىڭ قاۋىپسىزدىگى ءۇشىن وزدەرىن قۇربان ەتكەن انتىنا ادال پوليتسيا قىزمەتكەرلەرى – قازاق­ستاننىڭ ناعىز باتىرلارى. ولار­دىڭ ەرلىك ارەكەتتەرى وجەتتىلىك پەن ەرجۇرەك­تىلىكتىڭ جانە وتانى مەن تۋعان حالقىنا ادال قىزمەت ەتۋدىڭ جارقىن ۇلگىسى بولىپ قالا بەرەدى. قازاقستان حالقى لاڭكەستىككە جوي­قىن تويتارىس بەرەدى. بۇل قىلمىسكەرلەردىڭ وزدەرىن مۇسىل­مانبىز دەپ اتاۋعا ەش قۇقى جوق. ءويت­كەنى, ولار ادام ءولتىرىپ, ەڭ اۋىر كۇنانى ارقالادى. ولاردىڭ قانقۇيلى ارە­كەتتەرى ەشقانداي اقتاپ الۋعا كەل­مەي­دى جانە ول مۇمكىن دە ەمەس. «نۇر وتان» پارتياسى بارلىق قازاق­ستاندىقتاردى تەرروريزمگە قارسى بىرىگۋگە شاقىرادى. قازاقستان حالقى ەلىمىزدەگى بۇل قاسىرەتتىڭ تامىرىنا تەك بىرلىك پەن ءبىرتۇتاس­تىق ارقىلى بالتا شابا الادى. قازىرگىدەي قيىن جاعدايدا ازامات­تارى­مىز­دىڭ قايعىنى ءبولىسىپ, ىنتىماق پەن تاتۋلىق تانىتۋى – سونىڭ ايقىن دالەلى.