قىزىل دەڭگەيدەن سارى دەڭگەيگە اۋىستىرىلدى

كەشە قازاقستان رەسپۋبليكاسى انتيتەررور ورتالىعى الماتى قالاسى اۋماعىندا شەكتى (قىزىل) تەرروريستىك قاۋىپتىلىك دەڭگەيىنىڭ ەنگىزىلگەندىگى جونىندە حاباردار ەتتى. بۇعان بەلگىسىز بىرەۋدىڭ المالى اۋداندىق ءىىب جانە ۇقك دەپارتامەنتى عيماراتتارىنا شابۋىل جاساۋى نەگىز بولعان. بۇل شەشىمدى ۇلتتىق قاۋىپسىزدىك كوميتەتىنىڭ توراعاسى قازاقستان رەسپۋبليكاسى پرەزيدەنتىنىڭ 2013 جىلعى 9 تامىزداعى №611 «تەرروريزم اكتىسى قاتەرىنىڭ تۋىنداۋى تۋرالى اقپارات مونيتورينگىنىڭ جانە حالىقتى حاباردار ەتۋدىڭ مەملەكەتتىك جۇيەسىنىڭ ۇيىمداستىرىلۋى مەن جۇمىس ىستەۋ قاعيدالارىن بەكىتۋ تۋرالى» جارلىعى تالاپتارىنا سايكەس قابىلداعان, دەپ حابارلادى انتيتەررور ورتالىعىنىڭ ءباسپاسوز قىزمەتى. قىلمىسكەرلەر قولعا ءتۇستى كەشە, ياعني 18 شىلدە كۇنى تاڭەر­تەڭگى ساعات 11 شاماسىندا الماتى قالالىق ىشكى ىستەر دە­پار­تامەنتىنىڭ المالى اۋداندىق باس­قارماسى­نا بەلگىسىز بىرەۋ كىر­مەك­شى بولادى. بىراق, بەكەتتە تۇر­عان پوليتسيا قىزمەتكەرى ونىڭ جولىن بوگەيدى. وسى كەزدە ىشكە ەنبەكشى بولعان قىلمىسكەر بەكەتتە تۇرعان پوليتسيا قىزمەتكەرىن اتىپ جاراقاتتاعان. سودان سوڭ ول ىشكى ىستەر قىزمەت­كەرى­نىڭ قارۋىن يەمدەنىپ, وقيعا ورنىنان بوي تاسالاعان. ىلە ونىڭ ارتىنان «بوران» پاترۋل­دىك توبى ىلەسەدى. بىراق قىل­مىس­كەر ءوزىنىڭ ىزىنە تۇسكەن «بوران» پاترۋلدىك توبىنا ءوزى بەكەت­تە جاراقاتتاعان ىشكى ىستەر قىز­مەت­كەرىنىڭ قارۋىنان وق جاۋدى­را­دى. وسىنىڭ سال­دارىنان ەكى قىز­مەتكەر جارا­لاندى. ارتىن­شا قارۋلى قاق­تىعىس كەزىندە قىل­مىسكەر دە جارالانىپ, «قازاق­كونتسەرت» اك­تسيونەرلىك قو­عا­مى­نىڭ ماڭىندا قولعا ءتۇستى. ونى قۇرىق­تاۋ بارى­سىندا تاعى 2 پو­لي­تسيا قىز­مەت­كەرى جاراقات الدى. قازىرگى تاڭدا قىلمىسكەردىڭ كىم ەكەندىگى انىقتالدى. وكىنىشكە وراي, ول ۇستالاردان بۇرىن ءبىر قالا تۇرعىنىنىڭ جەڭىل اۆتوكولىگىن تارتىپ الماق بولعان. سونىڭ ناتيجەسىندە جۇرگىزۋشى جارالانىپ, قازا تاپتى. سونىمەن قاتار, جاراقات سالدارىنان ءۇش پوليتسيا قىزمەتكەرى دە كوز جۇمدى. الدىن الا مالىمەتتەر بويىن­شا, بۇرىن سوتتالعان 27 جاس­تاعى قىزىل­وردا وبلىسى تۇر­عىنى­نىڭ وتكەن اپتاداعى ايەل ادامنىڭ ولىمىنە دە قاتىسى بار كۇدىكتى ەكەنى انىقتالىپ وتىر. الماتى قالاسىندا «سيرەنا» جەدەل جوس­پارى قۇرىلىپ, بارلىق پولي­تسيا قىزمەتكەرلەرى ۇستالعان قىل­مىس­كەردىڭ سىبايلاسىن ىزدەۋدى جالعاستىرا بەردى. سونىڭ ءناتي­جە­سىندە الماتى قالاسىنىڭ المالى اۋداندىق ىشكى ىستەر باسقارماسىنا كىرگىسى كەلگەن قىلمىسكەردىڭ قاسىن­دا بولعان سىبايلاسى دا انىق­ت­الىپ, كوپ ۇزاماي قولعا ءتۇستى. ەندى ونىڭ دا وسىنداي قۇقىق بۇزۋشىلىق ارەكەتتەرى تەكسەرىلىپ جاتىر. ال بەكەتتە تۇرعان پوليتسيا قىزمەتكەرىنىڭ ۇرلانعان قارۋى «قازاقكونتسەرت» اق ماڭىندا قىلمىسكەردى ۇستاۋ بارىسىندا تابىلدى. قازىرگى تاڭدا قالاداعى جاعداي تۇراقتى جانە قۇقىق قورعاۋ ورگاندارىنىڭ ءجىتى باقىلاۋىندا تۇر. ال الماتى قالا­سىنىڭ ءتۇرلى اۋماعىندا اتىس بولدى دەگەن قاۋەسەت شىندىققا سايكەسپەيدى, دەپ حابارلادى ءىىم ءباسپاسوز قىزمەتى. ال كەشكە قاراي ەلىمىز­دىڭ انتي­تەررور ورتالىعى ال­ماتى قالا­سى اۋما­عىندا كۇنى بويى جۇرگى­زىل­گەن ار­نايى وپەرا­تسيالار­دىڭ اياق­تال­عان­دى­عىن جاريالادى. وسىعان وراي ۇلت­­تىق قاۋىپسىزدىك كوميتەتىنىڭ شە­­شى­­مىمەن الماتى قالاسى مەن قا­لا اۋما­عىنداعى تەرروريستىك قاۋىپ­­­تى­لىك جاعدايى «قىزىل» دەڭ­­­گەي­­دەن, «سارى» دەڭگەيگە اۋى­س­­تى­­رىل­عان­دىعى رەسمي تۇردە ءمالىم­دەلدى.