الماتىدا لاڭكەستىك قاۋىپتىلىكتىڭ «قىزىل» دەڭگەيى الىنىپ تاستالدى

[caption id="attachment_51846" align="aligncenter" width="601"] today.kz[/caption] الماتى قالاسىنىڭ تەرروريزمگە قارسى كۇرەس بويىنشا شۇعىل شتابىنا سىلتەمە جاساعان inform.kz-ءتىڭ اقپارى بويىنشا, شاھار اۋماعىندا لاڭكەستىك قاۋىپتىلىكتىڭ «قىزىل» دەڭگەيى الىنىپ تاستالدى. «الماتى قالاسى اۋماعىندا لاڭكەستىك قاۋىپتىلىكتىڭ «قىزىل» دەڭگەيى الىنىپ تاستالدى. زاڭسىز ارەكەت جاساعان كۇدىكتى ۇستالدى. ۇستاۋ بارىسىندا ول قارسىلىق كورسەتتى. سوندىقتان قارۋسىزداندىرىلدى. قازىر ۇستالعان كۇدىكتى قاماۋعا الىندى. جەدەل جانە الەۋمەتتىك كەشەندى شارالار بارىسىندا مىناداي جايتتەر انىقتالدى. بۇگىن تاڭەرتەڭ كۇدىكتى جەكە تاكسي جۇرگىزۋشىسىنە قاراقشىلىق شابۋىل جاسادى. سونىڭ سالدارىنان جاس ايەل – تاكسيدەگى جولاۋشى قازا تاپتى. قازىر قالادا جاعداي تۇراقتالدى. قاۋىپ-قاتەر سەيىلدى. قۇقىق قورعاۋ ورگاندارى جاعدايدى تولىعىمەن باقىلاۋعا الدى», – دەلىنگەن حابارلامادا. ايدار ورىسباەۆ