قازاقستاننىڭ باسىم بولىگىندە جاڭبىر جاۋىپ, جەل كۇشەيەدى

[caption id="attachment_51772" align="aligncenter" width="640"] newskaz.ru[/caption] بۇگىن, 18 شىلدە كۇنى اتموسفەرالىق فرونتالدى بولىكتەردىڭ وتۋىنە بايلانىستى ەلىمىزدىڭ باسىم بولىگىندە جاڭبىر جاۋادى, نايزاعاي سوعىپ, جەل كۇشەيەدى. رەسپۋبليكانىڭ باتىسىندا جانە وڭتۇستىك-باتىسىندا اۋا رايى جاۋىن-شاشىنسىز بولادى. Inform.kz-ءتىڭ حابارلاۋىنشا, قوستاناي, سولتۇستىك قازاقستان جانە اقمولا وبلىستارىنىڭ كەي جەرلەرىندە نايزاعاي سوعىپ, تۇمان تۇسەدى دەپ كۇتىلۋدە, سونداي-اق بۇرشاق جاۋى ىقتيمال. پاۆلودار, قاراعاندى, شىعىس قازاقستان وبلىستارىنىڭ كەي جەرلەرىندە جەلدىڭ جىلدامدىعى سەكۋندىنا 15-20 مەترگە دەيىن كۇشەيۋى مۇمكىن, سونداي-اق نايزاعاي سوعىپ, بۇرشاق جاۋى ىقتيمال. الماتى, اقتوبە وبلىستارىندا, كۇندىز جامبىل, وڭتۇستىك قازاقستان, قىزىلوردا وبلىستارىنىڭ كەي جەرلەرىندە نايزاعاي سوعادى, جەلدىڭ جىلدامدىعى سەكۋندىنا 15-20 مەترگە دەيىن كۇشەيەدى. اتىراۋ, ماڭعىستاۋ وبلىستارىندا, باتىس قازاقستان, اقتوبە, الماتى, وڭتۇستىك قازاقستان وبلىستارىنىڭ كەي جەرلەرىندە كۇن ىسيدى. وڭتۇستىك قازاقستان, قىزىلوردا, جامبىل, قاراعاندى, اتىراۋ وبلىستارىنىڭ كەي جەرلەرىندە وتە جوعارى ءورت قاۋپى ساقتالادى. ايدار ورىسباەۆ